هل من حل ؟؟؟؟؟

[اسمر ومملوح]

مرحبا اخواتي البلقيسيات انا سبق ونزلت مشكلتي مع زوجي واللي هي الكسل والنوم .انا ولله الحمد والمنه ماسكة زمام الأمور وهو مايقدر يسوي شء بدوني وهذا بعد متعبني انا موظفة وراتبي عالي وعندي ولله الحمدكل شئ من سواق وشغالة وخياطة والبيت بأسمي ولو اني انخبطت وكتبت نصفه له لكن هو معترف ان ماله شئ اعاني من الديون والصرف الزايد لأن عندي اولاد كبار .المشكلة تكمن فيه هو متقاعد مبكر نوااااام يستعمل الكبتاجون مش يوميا لكن على فترات يصرف راتبه في يومين ويعطي الأولاد بطاقته ويصرفون كثير الى ان ينتهي راتبه ويرجع لي ويطلب مني .المشكله انه طويل لسان وكم مره تعدى علي بالضرب وسامحته او بالأحرى مشيت الأمور افكاره ماتعجبني حالم واللي يسمعه يقول وش هالشخص وش هالعقل وش هالتدبير اللي على هالرجال وهو من جنبها .انا ماأقصر فيه ارد له الكلمة عشر .يقهرني بتصرفاته له حركات مع الشغالات والله اعلم ,كلامه معي فيه غزل اعجبه واثيره على قولته يقول انه يحبني ولا يقدر يستغني عني اخذني عن حب لي اكثر من 20 سنه متزوجه .اذا تناقشنا لازم نختلف افكاري غير وافكاره غير هو اعتقد جنوبي غربي وانا شماليه لأني احب العمل ولو اني اصبحت في الأونة الأخيرة مثله كسولة .مشكلتي اني ما أصبر عنه يعني اذا غاب صح استانس بس اسأل عنه .حياتي ملخبطة هو مهو حاس بكبر مس}لية العيال والدليل انه تقاعد بعد عشر سنوات من زواجنا واكبر اولادي عمره 9 سنوات وهو عمره 34سنه يعني ماهموه مع ان رتبته كانت عاليه وشهاداته ايضا عالية ولوكان على رأس العمل الأن يتقاضى اقل شئ 25000 الآن بس يتقى بعد الأقساط 3500 يطيرونها في يومين هو وعياله وباقي الشهر علي .مشكلتي ماأدري وين منه او من اسلوب الحياة احيان احس اني اتعس مخلوقة واحيان اخرى احس اني اسعد انسانه .ادري طولت لكن ما ادري وش أسوي هو مايمنعني من شئ سفر روحة جية معه او بدونه كله واحد ..بس حياته غلط في غلط صرت استحي اجيب اسمه عند الناس أهلي عرفوا ان مافيه خير مع انه طيب وحبوب وأهله كذللك يجلس اشهر ما يروح لهم سواء عندهم مناسبات أولا انا اروح اكثر منه يعني منقطع عن الناس الأا اصدقاء محدودين جدا ,لاتقولون عالجيه لأن يتقبل في بادي الأمر بعدين يرجع للي هو فيه احسه موحاس بالدنيا .مع انه مثقف ويتابع التلفزيون بشدة ويملك مهارات جدا عالية حتى ان اللي حولنا يتحسفون عليه للي وصلله من تدهور بعد ان كان احسن واحد على الصعيد العائلي دارس في الخارج قبل 25 وعنده شهادات كثيرة .بس مدري وش اللي مخليه كذا ..ارجوكم اعذروني على ألأطالة ودورولي حل وانا مستعدة للأجابة عن اي شئ بس الاقي حل ...

 

[اسمر ومملوح]

هل من حل اين الأخوات اريد حلاااا

 

[تشكرات]

حبيبتي أسمرومملوح ..أسال الله لك الفرج العاجل ...أولآ ..كثير من الرجال يقولون وباقتناع شديد أن ( حياتهم الحقيقيه تبدأ حين التقاعد )....وأغلبهم صادقين فيما يعتقدون لأنهم ارتاحوا من هم وغم الدوام والموظفين والمدراء الغثيثين ..لكن زوجك والله أعلم ..ما نكس حياته وطريقته في تعامله معك ومع كيفية صرف الراتب الا ( استعماله للكبتاجون )..لانها حبوب منشطه لكذا يوم ثم تفتروتهلك الجسم لكذا يوم ..وعشان كذا تلاقيه كسول وغير مبالي بالمسؤوليه ....وبما أن زوجك لديه كم هائل من الصفات الطيبه والتي لمستيها انتي كما تقولين ..ماعليكي الآن الا التفكير بجديه وبحزم شديد في كيفية الخلاص من هذه المخدرات ...يعني حاولي وبشده أن يتخلص زوجك منها .مره باللين والنصح ومره بالتهديد الغير مبالغ حتى لا ينفر منك ..حبيبتي أنتي عشتي مع زوجك حياة طويله يعني عشرة عمر ليست بالقليله وكما فيها منغصات أيضآ فيها ايجابيات (( ولا تنسوا الفضل بينكم )) ....أختي أسمر ..تمسكي بزوجك وحافظي على حياتك وعلى مملكتك واياكي والتهور والعصبيه في حل هذه المشكله بل بالعكس أنصحي وساعدي وابذلي كل ما في وسعك حتى يتخلص زوجك من هذه السموم لانها هي السبب فيما يحصل واما الباقي فمقدور عليه باذن الله ....اللهم كن عونآ لها وسند يارب ..

 

[اسمر ومملوح]

اشكرك اختي تشكرات على استجابتك والله اني ما خليت عنه شئ بالطيب والمحايل وبالشدة بس مافيه فايدة منه مشكلته مسوف ومهمل وماينفذ ,,,

 

[swiet]

حلك الوحيد يا اختي انك تعيشي حياتك وتقللي من الصرف الزايد وتحاولي شوية تمسكي يدك عنة لانو يا اختي مع احترامي شايفك صراف عنه لازم تحزمي الامور شوي وتحسسية انك منتي قاعده على بنك واذا قال هاتي قوليلو ماعندي واذا قال فين تودي فلوسك قوليلو اذا انت ناسي انا اذكرك انا اسوي واسوي وصدقيقني مارح يقدر يفرط فيكي سامحيني اختي هذا حلول بسيطة بس عليكي الباقي من الاخوات
تحياااتي​

 

[الملاحه]

شكلج عودتيه لازم انت تتغيرين عشان يتغير يعني خليه يشعر بالمسئوليه