هل كلام الأندنوسية هذه صحيح ؟؟؟؟

[خجل.....]

أخواتي بإختصار شديد رحت لقرايب لي ولقيت الشغالة تقول أعرف أسوي تدليك للأرجل والظهر والبطن مو هذا الغريب .....
الغريب تقول أنا اسوي الحرمة تدليك للبطن ( مثل التمريخ ) ما أعرف اش يقولون عليه ؟؟ يخلي زوج يحب انتي ما يحب حرمة ثاني هذا كلامها ..
قالت لي مرة ثانية بعد الغسل من الدورة أنا أسوي لك يصير ضيق ( تقصد ال......) وتروح الكرش مع الإستمرار
اش رايكم في كلامها صحيح؟؟؟؟؟
حمستني والله,,, سوت لي مساج بسيط لظهري بصراحة حسيت من حركة يدها ما شاء الله خبيرة مساج .....

 

[heart beat]

انا خليت شغاله جارتي تعملي بنفاستي وكانت تعمل مساج لجسم كااااامل من اصبع القدم الى الراس وبعدها تمسك البطن لحاله وتمرخخخخخه مزبوط وترفع الرحم وكان يااااالم لان الرحم نازل بعد الولاده الجلسات الاولى وبعدين صار عادي ولمن رحت لدكتورة بعد شهر من ولادتي كشفت بالجهاز عالرحم وقالتلي ماشاء الله رحمك وضعه تماااااام **** بس من ناحية التضويق مااعرف لاني كنت عامله خياطه واكيد باكون ضيقه وفي شي ثاني انها تطلع لك الدم الفاسد اللي بالرحم والدم المتحجر خلف الساق او الفخذ وصراحه يعووووور لو حصلت كلاكيع دم ***** وبس ***

 

[خجل.....]

جزاك الله خير أختي heart على الرد هو يهمني أمر الرحم لأنه كان عندي نازل وذحين ما أدري

 

[تاغي]

عن نفسي ما ادري بس الشرق اسيويين
مشهورين بالمساج توكلي على الله وجربي
ولا تنسي تخبرينا
دعواتي لكي بالصحة والعافية

 

[أنين الصمت]

والله انا الرحم عندي نازل على طول كل مامرخت نزل وأشك أن المهبل بعد نازل وعندي تضخم بالرحم ..................

 

[عزيزة.نفس]

:no: :no: :no: :no: :no: :no: :no: :no: :no: :no: :no: :no: :no: :no: :no: :no:
للخادمات الأندونيسيات

 

[عزيزة.نفس]

والله انا الرحم عندي نازل على طول كل مامرخت نزل وأشك أن المهبل بعد نازل وعندي تضخم بالرحم ..................

أنين الصمت
روحي لطبيبة نساء وولادة

 

[ورده فوشيه]

انا ماجربت بس نصيحه لاتتهورين

 

[ظلال غريبة]

ما أنصحج تخلي الأندنوسية لانها مثل ما قالت عن كفيلتها بتتكلم عنج إنتي ويمكن بعديين الحارة كلها تعرف خخخخخخ:nosweat:
عن نفسي أنا ما أقدر أسوي لأنه مركبه لولب وعلى حسب الدكتورة النسائية ممكن يحرك اللولب من مكانه ......بس هاذي الطريقة فعلا مفيدة وما إلها مضار إن شاء الله :icon26: ولازم تكون على إيد وحدة خبيرة في ال""""المسح""" مثل ما نسميه عندنا :blush-anim-cl:
بعد ولادتي بإبني نصحتني إحدى الدكتورات بالمسح ....بس ماجربت لأني ما فكيت اللولب...:icon26:
إسإلي عن بعض النساء الخليجيات المتخصصات بهذا النوع من المسح لازم يكون في وحدة معروفة عند أمهاتنا الكبار ........وبالتوفيق:icon30:

 

[العصفورةةة]

والله بصراحه مانصحج الان كل البلاوي من الاندونسيات

وشدعوه يحبونه الخير

روحي الاخصائيه تدليك في معاهد تدليك مثل عندج العلاج بالابرالصينيه او انا سامعه في البحرين نفسهم الي بالفندق
اذا تبين سولج مساج

والله يوفقك ان شاء الله

 

[الملكه 22]

والله شي ممتاز

 

[أنابنت نوره]

خجل حبيبي...اذا انتي من الرياض عندي لك ممرخه اندونيسيه يحبها قلبك تمريخ على كيف كيفك...مجربه وراح تدعين لي

 

[مدي الحب]

ممممممممممممممشكوره

 

[lovely1]

معروف فايدة المساج والتدليك وحتى امهاتنا وجداتنا كانوا يعرفونه وينصحون فيه (التمريخ)
ولكن أين توجد اليد الخبيرة المتمرسة التي تثقين بها وبدينها

 

[ميوسه]

ليش تشيلين الحدود بينك وبين شغالتك وبرضوا تخلينها تلمسك

العلم تقدم والطبيبات مليانين واماكن المساج الخاصه مليانه

موفقه