هل طـــلاقي اقترب؟

ب

بـكـرا أحلــى

New member
إنضم
2011/07/02
المشاركات
228
السلام عليكم ورحمة الله وبركاته
عاد عيدكم
بنات مشاكلي تطورت مع زوجي لدرجة ماعاد ادري شسوي
الحمل متعبني خاصة اني بالشهور الاولى
المشكله الحين من اولها اخت زوجي انا اجي اشكي من الالم وتطلب مني انظف واكنس رحت وتركتها لانها مو حاسه بي وهي ام وتعرف كيف التعب وخاصة اول حمل
بالليل جتني وسكرت الباب علينا وعاتبتني ليش اطنشها وهي اكبر مني
ظليت ساكته وزوجي كان حاس انه في شي بس مو عارف ايش
طلع الشقه وناداني وسالني اذا ابي اهلي والا لا قلت مشتاقه لهم بس ماقلت اني ودي اروح لان توي جايه من 5 ايام بس
قال ليش بس تعبانه ونايمه ومبوزه وجالسه لحالي؟
قلت نفسيتي تعبانه قال نفسيتك لكل اهلي انتي ماتبين اهلي؟
قلت لا من قال اهلك اهلي هم اللي شروني
قال انا ماخذ مجنونه يعني؟
صارت الكلمه بخاطري لاني حساسه حييييل وهو دايم يقولي حساسيتك هذي بتخرب بيتك
طلع وقال يلا تحت وطلعت من عنده وبكيت بالحمام وانتم بكرامه رجع معصب يقول انا ماقلت انزلي ؟
قلت بنزل الحين
قال انتي تفهمين ؟صاحيه؟
ولاول مرة ارد عليه واقوله بكامل عقلي
ناظر لي مستغرب وقال جهزي شنطتك يلا برجعك لاهلك
ناظرت له كاني اقول شتحس به؟
قال لاتناظريني كذا يلا قومي
وقمت اجهز الشنطه وهو طالع كان هالشي ليلة العيد
وصار مايكلمني الا اذا بغى شي
جهزت كل شي يطلبه مني وماقصرت بشي رغم اني زعلانه وطلب مني اجهز له حوض لغسل رجوله واجيبه للغرفه سويت مثل ماقال وشلته رغم ثقله وانا باول شهرين حمل
ورغم هالشي مااستخدمه تركه بس تعبني كذا
سكتت وشوي اخر الليل جاب لي مفرش عاجبني وقال حلو ؟رديت بدون نفس ايه
بس قبل هالشي
بنات قبل العيد بيومين قلت خلنا نشتري هديه لخالتي ووافق
واشتريت لها دهن عود كشخه وغالي
عكس هديته لامي انا
ورحنا لمحل ثاني وطلب 6عطور وكل واحد اغلى من خويه
واشترى مجموعه للجسم والمتزوجين وكانت بسعر غالي ماتصورت انها توصل لها
ورحنا البيت واعطى الكل هداياه
كنت انتظر اشوف بايش تذكرني طلع ناسيني
قلت اكيد تركني لاخر شي
بس ليوم العيد ماافتكرني خاصه انه اول عيد لنا مع بعض
انا مانسيته جبت له هديته من كنت عند اهلي طقم خاتم وساعه ومسباح العود شكلها فخم ورجالي بحت
يوم العيدلبست وخلصت وجهزته هو للعيد وكنت مو نايمه من ظهر امس يعني اجهاد وارهاق
انتظرت يقول لي شي
ماقال انا لو كنت زعلانه امس مع احد انسى دام الدنيا عيد بس هو غريب مره
قلت كل عام وانت بخير
قال وانتي بعد وطلع بسرعه
رحت عايدت اهله وعماته بالسياره مع خواته
وطاح وجهي كل من شافني يقولون من هذي؟
حسيت جد اني غريبه بين عمامي
بعد ماخلصنا رجعت البيت بنام
دخلت الغرفه وانسدحت بنام سكت وقال
اطلعي برا
ماستوعبت قلت ايش؟
قال نامي برا والا اطلع انا؟
طلعت وخانقتني العبره هذي ثاني مره انطرد بيوم واحد وبدون مادري شالسبب للان
لحقني وقال خوذي الحاف ووساده قلت وانا ابكي مابي شي
وطلع
صحيت واتصلت على اخوي وقلت اللي صار بالتفصيل وقال اصبري
ماكنت ادري انه حاطه سبيكر قالت اختي لا بنرسله لك بكرا يجيك
فرحت ان اخوي بيجي وكنت متحمسه حيل انه بياخذ بحقي
نزلت بعد ماكشخت حييييييل واضحك واسولف ولاكانه شي صاير
والضيوف مو حاسين بشي
بس فكرت لاقلت له عشان ماينصدم
ارسلت له
قلت جهزت شنطتي واخوي بيجي ياخذني وانت مشكورعلى حسن الاستضافه والمعامله وعلى العيديه الحلوه طردتين بيوم واحد
رد علي برساله يقول انا مو مقصر معك بشي واذا تبين اهلك الله يستر عليك
انقهرت ابيه يقول مافي روحه
رجع البيت وناداني كنت انا بسطح بيتهم ابكي لاني احب اختلي بنفسي وافضي كل اللي بصدري بالبكي
وجا يسال متى يجي ومتاكده بتروحين؟
ومن هالكلام انا اصريت وظليت استغفر بقلبي واصلي عالنبي
لين ماقال لي ليش طردني طلعت امه قايله له سالفة اخته معي ومزوده من عندها اني رفضت واني قلت انا بيتي ماسويته
انا مااتجرا واتكلم معهم فكيف اراددهم؟
فهمته اني اتصرف بطبيعه ومو ذنبي اذا خواته فهموني غلط هذا تفكيرهم
قال ترى الدنيا مو واقفه عليك لارحتي وسلمي على اهلك
جرحني بكلمته ادري ماقالها الا قهر
جلس بجنبي وقال ليش كل هذا ماتوقعت ابدا تنزلين قدري انتي تدرين وش معنى ان الاهل ياخذون بنتهم من بيت زوجها قلت لا
قال ماتدرين؟ هزيت راسي بلا قال خلي امك تشرحها لك
جاءاخوي وعند ابالب قال خلي هذي الفتره راحه لك وفترة تفكير يمكن تغير فيك انا قلت لاهلي انك بتزورين امك
مابيهم يتضايقون
ركبت السياره وانا متضايقه ومخنوقه
اخوي يتكلم وانا ساكته قلت وقف على جنب برجع ورى بنام ورحت
ورى ومثلت النوم وانا ابكي
وصلنا لاهلي وعلى طول فتحوا الموضوع وقالوا انه مغصوب علي
وعندهم حلين كلهم خراب بيت
اما يطلقني
واما بيت لحالي عند مكان دوامه وهو رافض هالشي

ثاني يوم اخوه الكبير اتصل ويبغى يصلح بيننا
بس امي بدال ماتكحلها عمتها الا طلعت عينها
قالت الولد مغصوب على بنتنا وهو لو يبيها ماطردها من ثاني ايام الزواج
وقال برجعك لاهلك
وماطردها تو مرتين بيوم واحد
وماقال لها انا ندمان ابوك اكل حلالي انا واخواني
لما قالت لي امي تضايقت حيل وقلت ليش تقول كذا
هو قال انه لو ندمان ماتزوجني بعد اللي سواه ابوي
رحت وسالت امي
وقالت لي انهم يقولون ان ابوي اكل حلالهم

ماقال لي كذا هي امي اللي قالت
قلت ليش تقول كذا الحين بيقول اني افربك قصص لاني بايعته
انا احبه واموت فيه
كنت دايم اشك بحبي له لاني بعيده عنه

شوروا علي شسوياهلي بيدمرون بيتي
اخته تقول الرجال مايمسكه شي عن الطلاق لو معه عشر عيال
ولو يبي يطلق ويتزوج ابسطهخا يسحب من البنك ويسويها
ابوي ان تدخل بيخرب حياتي كلها اعرفه متسرع وعصبي
وامي شفتوا شسوت
قلت لاخوي ابيك انت تدخل بس
وعدني خحير لكن ماسوى شي
القصه بسيطه لكن هو كبرها واهلي خلوها مصيبه
هو قال انا طردتك لانه مذكور بالقران واهجروهن بالمضاجع
انا شيفهمني اول مره اتزوج وحساسه حيل
ماابيه يتركني
اهلي عادي عندهم مرره ماهمهم كلام الناس بس تخيلوا اتطلق بعد 5شهور من زواجي؟
وانا حامل؟
والله العظيم نفسيتي بالحظيظ
شوروا علي شسوي مع اهلي ومعه ومع اهله
هو يقول اللي وداك يجيبك
انا والله والله والله ماراح اخذك لانك طلعتي غصب عني
ندمت والله بس خوفي اني ارجع اخوي كذا سكتني
بنات مالي بعد الله غيركم
 
ارجعي لبيتك وزوجك الموضوع ابد مو كبير !!

ارجعي له وحاولي تكسبيه ،،، مشكلتك لا هي بخيانه ولا كرامه ولا شي

شوفي نمطه وحاولي تتفاهمي معه زوجك شكله طيب وشاريك واتوقع انه شمالي

فـلا تنتظريه يجي ياخذك بعد اللي صار
ابد مو حلوة انه اخوك هو اللي جا ياخذك كان ممكن تقولي له هو وصلني لاهلي ابي فترة افكر بروحي لو سمحت

وتدري انه رب العالمين مو راضي عن اللي تطلع عن شور زوجها وتطلع من بيتنه بدون رضاه

ارجعي لبيتك وحكمي عقلك وخلي حساسيتك بصوووب معه حق يوم قال انه راح تدمرلك حياتك

تبيه ارجعي له ما تبي اجلسي بيت اهلك وهم شكلهم ناوويين ع طلاق

وربي يجمعكم ع خير
 
الله يعينك اسمحيلي لا تصرفين مع خوات زواجك بطيبه زياده حولى تصيرين رسميه امزواجك مطلوب منك تحترمينه امخواته تجنبيهم وبسطي السالفه قدا ماتقدرينوادعي ربك يسهل امورك
 
ادري والله اهلي يقولون منتي ضايعه لو تطلقتي
بس انا مابي الطلاق لاني احبه مو عدله بحقي ولد عمي يطلقني بعد 5شهور
وانا حامل
خواته انا احترمهم اكثر من خواتي لانهم كلهم كبار حيييييل اكبر مني بسنيين
واستحي منهم هو رضى اني اروح لاهلي بس حلف مايرجع ياخذني اللي خذاني يرجعني
واهلي يقولون هو بيجي وياخذك اخوه اتصل بيصلح بس مثل ماقلت امي خربت كل
شي بكلامها توها قالت لي انها قالت لاخوه انه عايفني ويحب غيري
ادري بكلام امي هذا زوجي بيكرهني حييييل
 
للاسف شخصيتك مررررة ضعيفه

واذا ما اخذتي موقف الان منه ومن اهله بيصير لك اكثر

وهالقسم بيتعبى من استشاراتك

مااافيه زوج محترم يطرد زوجته من الغرفه وعروس بعد

ويشتري هدايا لكل من هب ودب ويتركك...قاصدها هالحركه

بعدين ايش راح يسوون فيك

قووووي شخصيتك والا انتي اللي راح تدفعي الثمن

الله يكون بعونك على مابلاك
 
اناخوافه اقرى واحاول انفذ بس اشوف نظراته وهو معصب اسكت
وخجوله حيييييل
ادري انه قاصد حركة الهدايا وارسلت له حسيت انه لاقدر ولاقيمه لي عندك
بس بعد ايش بعد ماصرت عند اهلي ارسل قال لاترسلين ولاتتصلين الحين فكري وغيري نفسك
بس انا اقرى واحاول انفذ بس مدري لما قلت له بكامل عقلي شفتوا شسوى على طول ارسلني لاهلي
 
لو رجعت بسهوله تحملي ما يجيك بعدها ليه يعاملك كدا طنشيه وادعي ربك يفرجها من عنده خليه يفتقدك شوي يحتاجك يتدكرك ايش كنت تعملي بالبيت معاه وله يتخيلك ويراجع نفسه لو فقد الزوجين الاحترام لبعض انهارت حياتهم الله لا يكتب الشر والارزاق على الله انا شهرين متزوجه وطالبه الطلاق لا تفكري بكلام الناس وانت حيل حساسه وهو جاف وقاسي استخيري وادعي ربنا الله يفرجها عليك
 
الي اقدر افيدك بلموضوع امك لا تدخل بينكم............. انصحك اجلسي معاها اول شي قوالي تراني ابي زوجي’’’’’ة واحبه’’’’’’’’’’’ة

وثاني شي ,,,,,,,,,,,,,,,,,,,,,,,,,, اعرف شنهي شخصيت زوجك................. وتعملي معاه
 
ليش مكبرة السالفة اكيد من الحمل ليش يااختى تعلمى لاخيك لمجرد مشكلة بسيطة ارجعى لبيتك وكونى رسمية مع اهلة ولاتدخلى امكاواحد افراد اسرتك فهم ليس حكما المشكلة ليس تقصير او ضرب اوخيانة ارجعى وجيبى ولدك فى احضان ابية واعلمى انما يمربك ليس الامن الوحم ارجعى
 
فاهمه عليكم والله
قلت لامي قبل شوي كلامك معه خرب كل شي
زعلت وقالت ماينفزع مع مره من عمر الدنيا قلت انا ماقلتلك كذا الحين بيكرهني
بس اذا عالوحام تراه مو مصدق ان نفسيتي من الوحم يقول لقيتيها حجه
عصبت وقلت بديت اكرهه هالولد لانك تظن اني اكذب عليك وامثل بسببه
زعل وقال انتي اساسا ماتحبين الا نفسك
ادري انه يحبني
بس عصبي حيييل
 
لازم بيصير زعل بين الزوجين وانمتي ما حليتيها صح المفروض اهلك ما يدرو بين مشاكلكم وانتي غلطي لمن رحتي على كذا كل زعلة بتروحي عند اهلك انتي اعرفي نمطة اكتبي في قوقل معرفة الانماط وتعاملى معاه ومفروض مشالكلكم ما تطلع لاهلك ولا لاهلة انتم تحلونها يبغالك تحليننها بنفسك لا تستني الناس تحلك مشالكلك واكيد ما هو بجايك بيقول الي وداها يردها انتي اتصلى علية وحاولى تخلينة يجيك ورجعي معاة وقولى انك كني تعبانة من الوحام وفهمية انكم بتبدوصفحة جديدة وما احد لة دخل في حياتكم لا اهلة والا اهلك
 
نمطه هو شمالي بس مدري شرقي والاغربي
به صفات شرقيه كثير وصداقاته الوطيده حيييييييييييييييييييييل واهتمامه بهم وتعلقه بهم قوي يبين لي انه غربي بالطبع هذا
 
المفروض ما تخرجي من بيتك اذا كنتي زعلانه خليه هو يوديك بيت اهلك عشان هو يرجعك فهمتي لكن ما دام انتي خرجتي بدون رضا زوجك ما لك الا ترجعين مع اللي اخذك وبكذا انتهت المشكله وصدقيني السنه الاولى مثل الاختبار بين الزوجين تفهمين نفسيته وطبعه والعكس معك انتي الله يعينك
 
اناااااااااا ماخرجت بدون رضاه قلت له قبل لايجي اخوي بيوم
وقال الدنيا ماتوقف على هناء
قهرني
بس ادري قالها بيقهرني
رجع بعدها بساعه وجلس جنبي وتكلم معي بهدوء لدرجه كنت ببكي من ندمي بس مابينت له
اختي قبلها كانت قايله اذا رجع اخوي بدونك اعرفي اننا ماراح نساعدك بعد كذا ابدا
وبتذلين اخونا قدام عمام مانعرفهم
خفت من هالي وظليت ساكته وهو يسال بتروحين متاكده؟
وانا اقول ايه
حتى لما كنت ارتب اغراضي من جديد يحسبني ناويه ارجع بكلامي م
ايدري ان اخوي قال اتركي اغراضك لانه بيرجعك
هو طردك زي ماقال لانه رع الله زعلان منك ومايبي يوفك
بس انا ماكنت ادري لي زعلان
تكفون اردوني قول لامي وابوي واهله واهلي
احس سالفتي تافهه رغم انها ظلت بقلبي
وحركة امه قاهرتني لانها هي اللي فتحت علينا باب الزعل وهو يسمع كلامها ومايرضى احد يزعلها حتى لو بدون قصد بس انا ماجيتها هي ابدا ولاكلمتها
وهو قال اني غلطانه لي مااتغل معهم طيب انا لي بيت بلحالي
ومطبخ بعد
لي اتغل ببيتهم؟
رغم كذذا احاول اساعد قد مااقدر لاني تعبانه شغلي قليل
ومن صغري مو متعوده عالشغل ابدا
 
انتي غلطانه ..مو اي مشكله اتصلتي ع اهلك ودخلتيهم في السالفه..
وبعدين اخته هي تنظف بيتها ..انتي شغلك ف بيتك وبس ..
عوديهم ع كذا...
الا اذا كانت ام زوجك لوحدها ف البيت ساعديها..
اللحين اتصلي ع زوجك او ارسلي مسج وقولي تعبانه ودني الدكتوره نتطمن ع الجنين ..وبعد الدكتوره ارجعي بيتك ..وحلوا مشاكلكم بينكم لاتدخلوا احد ..
وغرفة نومك لاتخرجي منها هو ينام بالصاله انتي تعبانه ومحتاجه للراحه ...الله يسهل امورك

 
انا بديره وهو بديره
واتصالي باهلي كان بلحظة غضب من اهانته لي
وطرده لي مرتين يوم العيد
كانت صعبه علي اول عيد لنا مع بعض يسوي كذا
تدرين عاد؟
العيد اللي طاف بالعام اللي طاف ارسلت له باخر ليله برمضان اعايده
ارسلي صبح العيد اللي بيننا انتهى وكانه كان مؤرخ اليوم هذا لفراقنا بس كل عيد فطر يسويها؟
انا صغيره ومالي خبره لابحياة ولابزواج حتى امي وخواتي مايعلموني ماعلمني الازوج اختي وقال لاتخلينه يتطاول عليك وكانت ليلة عرسي نصحني بيوم اهلي نسوني بالنصيحه فيه اقسم بالله بكيت يومها وبصمت
شسوي يسالني وش تحليلك للحياة الزوجيهظ
اقول مااعرف لاني مااشوفك الا 15 يوم كلشهرين وتكون وقتها بس بالاستراحه والا نايم وانا تحت اجباري
عصب وقال طيب والعشرة بين الزوجين؟
اختنقت لاني ماعرف الجواب للحين
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل