هل صحيح حبوب منع الحمل حق التكيس ممكن تسبب لي عقم وانا للحين مانجبت اطفال؟

[ساميه1]

بسم الله الرحمن الرحيم

السلام عليكم ورحمة الله وبركاته

بنات انا فيني تكيس صغيير يعني لحقت عليه قبل مايكبر
ورحت لدكتوره عطتني حبوب منع الحمل اخذها بخامس يوم الدوره
والحين استعملها وقريب يخلص الشريط الا اختي تقولي انتي مب زين تاخذين حبوب منع الحمل وانتي للحين ماعندج اطفال

وانا بصراحه بنات خاطري بياهل صار لي سنه متزوجه وبدايت زواجي مابغيت اطفال وعقب زوجي سافر والحين ان شاءالله الين يرد ودي احمل

بس بصراحه خايفه هل صحيح انه حبوب منع الحمل اللي اخذها للتكيس ممكن تسبب لي مشاكل بالحمل وعقم؟:tears:
الله يوفقها اللي ترد علي
واللي ماعندها خبره تطمني ولو بكلمه

 

[spicey girl]

الي اعرفه اختي ان مب زين الوحدة الي ما يابت عيال تاخذ حبوب منع حمل ,, ما ادري اذا يسوي تكيس او لا ,, بس معقول الدكتورة ما سألتج اذا عندج اطفال او لا؟؟ وليش تعطيج حبوب منع حمل اذا ريلج مسافر؟؟
اذا خايفه لا تاخذين شريط ثاني وراجعي دكتورتج وان شا الله مافيج الا العافية

 

[ساميه1]

مشكووره اختي
والله افكر اروح لدكتوره ثانيه
انا اخذ الحبوب عشان عندي تكيس

ومثل ماقلتي الدكتوره ماسالتني انه عندي اطفال ولا لا

 

[الشوق وبس]

والله يا أختي ما عندي فكرة..!!

بس أنا دايما أسمع إنه يعالجون التكيس بحبوب منع الحمل..

يستحسن تسألين دكتورة ثانية..لو كان رايها من راي الدكتورة الأولى ..توكلي على الله..!!

وبامكانج يا الغالية تستخيرين في هالأمر..عشان الله عزوجل يرشدج للطريق الصح..

والله يشفيج ويرزقج بالذرية الصالحة..

 

[ساميه1]

الهم امييييين

مشكووره اختي على الدعوه

 

[روح الياسمين]

مرحبا اختي ساميه
انا عندي نفس المشكلة
و من 5 ايام خلصت الباكيت الاول من الحبوب progyluton
بس لين الحين ما نزلت الدورة
ومحتارة شو اسوي .. كانت الدورة تتأخر عندي 4 ايام من اخر 3 شهور
بس الحين تأخرت زيادة
هل انا حامل ما ادري
من باجر افكر اراجع الدكتورة

 

[روح الياسمين]

اختي سامية ...
انا نزلت دورتي بعد كتابة الرد السابق بنص ساعه ... هههههه
اللهم لك الحمد كان عندي وسواس فضيع
الله يرزقنا الذرية الصالحه

 

[بنت عز وما تنهز]

الله يشافيك

 

[بنت السحاب]

مرحبا اختي

انتي مثل حالتي بس انا اكتشفته قبل زواجي بشهر عشان الدوره كانت ايام جافه بعدين تنزل ..

المهم اعطتني الطبيبه الحبوب جنرا واستعملتها قالت مدة شهرين بس انا استعملتها مدة 8 شهور

وتركتها والان حامل بطفلي الاول .. لذلك لاتخافي ولا تشيلي هم ..

كلي الحبوب وتوكلي على الله

 

[نعوٍِوٍِمه]

هلا اختي

لا عادي لا تخافين ..

حبوب منع الحمل عطتك اياها بسبب تكيس المبايض وهي العلاج الوحيد لها

بعدها بتعطيع منشطات فلا تخافين ها الشي طبيعي حتى لو كاكنتي انجبتي من قبل ...


تطمني والله يرزقنا الذريه الصاله ياربي

 

[ساميه1]

تسلموون والله ماتقصرون
ومشكوره كل وحده ردت علي وجزاكم الله خير

يا روح الياسمين ترى كثر ماتفكرين بالدوره تتاخر لاتحطين ببالج وبعدين انا قالو لي من اعراض التكيس انها تتاخر الدوره او اتييج متقطعه