هل زوجي لي فيه حقوق او لالا ساعدوني الله يوفقكم ..

[يليت عمري يرجع]

بسم الله الرحمن الرحيم...

حبيباتي عضوات مملكة بلقيس أود مشاركتكن وراح ادخل في الموضوع مباشره لكي تريحون قلبي

وانا قلبي يتقطع علي شبابي اللي راح..

انا عمري 27

في قمة الجمال والخلاق من عائله كبيره ولها سمعه خاصه ومن اكبر العوائل

تزوجت ؟؟

وانا في 19 من عمري من شاب ملتزم ومودب وكان عمره 30 وقتها احبني واحببته ولكن ربي ارد ان نتطلق !!


نفصلنا عن بعض 4 سنوات ..


عندي منه ولدين واحد عمره 7 سنوات واحد 9 سنوات


وقت المدرس يجلسون عنده وفي الاجازه عندي


انا تزوجت قبل سنتين من رجل اخر ولكن لم يكتب ربي لي معه توفق ونفصلنا بعد شهرين من زواج الحمدالله على كل حال ..


طبعا ابو عيالي متزوج وعنه اطفال من زوجته الثانيه ؟؟


عندما وصله خبر طلقي ارسل لي انهو سوف يرجعن وقلي لاتكلين هم ياام فلان راح رجعك البيتك وعيالك ؟؟



قبل سنه من اليوم خطبني من ابووي وفقنا الحمد الله ؟؟


ولاكن لم يتقدم في مهر ولا غيره الا بعد اصرار من ابوي لانه طول في الخطبه ؟


وانا يتقدمون لي الناس فرصه لي؟؟



المهم يابنات هنا ابيكم


قبل 3 اسباع ملكنا الحمد الله ورجعت حرام الشيخ ودكتور كبيربالجامعه حمد لك يارب


ولاكن ؟؟


طلب انا لا يكون في العقد أي شرط ؟؟


بنات حنا عين حاستنا يعني ارجل ماقصر معي بشي ابد


عطني مهر 40 الف ؟


وجلست معه بعد العقد نصف ساعه كان مبسوط قوه ؟


طلع طلب يكلمني بالجوال كلمته طول طريق ومدينتي تبعد عن مدينتي ساعيتن كان مبسوط حيل



بس انا خايفه من نقطه البيت حقتي لسا ماخلصت طبعا عمار ؟؟


يصلح لنا بيت وانا خايفه طول هالبيت ؟؟


وخايفه من اشياء كثيره

بنات مادق علي الا مرتين بعد المكالمه طويله


مادري ليش؟؟

العيال يدقون عليه اذا يبون شي منه بس انا مادقيت



ارسلت رسالة شوق مرتين بس ماجيني رد ؟؟



اهلي يخوفوني يقولون مارجعك شان العيال يعني يمكن مايكون لي حقوق زي أي زوجه؟


وصعبه افتح معه الموضوع واساله


اخاف افتح على نفسي باب؟


و قالي انتي زوجتي وراح احطك على راسي بس مافيه شي اثبت لي انه يحبني الى الان


وانا خايفه ادق عليه يبين علي اني احبه يقوم يتغلي علي وتركني بنات

ايش الحل انا احبه ومشتاقه له بس خايفه يصدمني كنت اتمني يسمعه يقولي شي حلو بس مع


الاسف؟؟


والله انا ماتهنيت بشبابي ابددددددد


ساعدوني وش اسوي ادق عليه انا كل ماشتقت له ؟؟؟


ماتوقع يدق وهو عنده زوجته ؟؟


بنات شخصيته شمالي شرقي وانا شماليه؟


ساعدوني بناااااااااااااااااااات تكفون


وعذروني على الاخطاء

 

[دلوعة سيمو]

حبيبتي وليش ماشرطتوا بالعقد كان على الأقل تضمني حقوقك..
انا من رأيي تخلي ابوك يكلمه ويضمن لك حقوقك عاد ابوك بطريقته كيف يكلمه بس اتمنى يكلمه كأنك عروسه جديده وانه اعطاه امانه ولازم يحافظ عليها وكذا..
وحاولي تعرفي اخطائك اللي قبل وتتغيري قلبا وقالبا يعني شوفي ايش سبب الطلاق وصلحي اخطائك والله يوفقك..

 

[تووب سكرت]

الله يوفققك يا اختي والله قلبي معاك حزنت على قصتك علييكي برقيه الشرقيه في البدااايه ولا تخلينها ابدا حتى بعد ما تروحي بيتك باذن الله...
ثاني شي لا تنسين انه عنده زوجه ثانيه يعني اكيييد انها مسببتله مشاااكل هاذي الفتره فا انتي ارخي الحبل واكسبيييييه خلي وقت ما يجي عندك لا قي الراحه والوناسه اما حقوقك لا تتنازلي عنها ابدا ابدا بس بهدووووء وبذكاء خلي ابووك يتكلم معاااه هاذا افضل شي ويفهم منه هو رادك على ذمته لازم ان يعدل بينكم ويهتم شوي فيك حسسيه انك فعلا عروووووس جدييده بكل شي وخلي كلامك دائما عذب معاه ولا تجيبي سيرة البيت الثاني ابدا .....
وكانه اليوم الي مو ععندك مساافر وراجعلك على خيررر...
بس من البدايه خليه لك شخصيه حلووه ..
مافي حل غير انك تخلي ابووك احسن منك يتكلم معاه بكل حب وحتارم ويحللك الموضوع..
الله يوفقك يااارب وويجعله اخر حضك ونصيبه

 

[يليت عمري يرجع]

الله يسلمكم ع ردكم

انا في اول المكالمه قست نبضه .. وقالي انتي حبيبتي وراح احطك فوق راسي وانتي ام العيال

بس راسي من فجر من عدم شروط

وليش ماكلمني الا مره ؟؟

توقعون يبني انا اكلمه وقوله كلام حلو او ايش؟

بنات ادعو لي ربي يسخره لي تعذبت انا وعيالي؟

وان البيت تخلص بسرعه؟؟

 

[زوجة سعيدة]

في رأيي إنه مادام الرجل صادق وشاريكِ إذاً ما الداعي للقلق. هو يحبك فعلاً ولكن أعطيه فرصة يعدل أموره وما عليكِ إلا الانتظار والدعاء بأن يسخره الله لكِ .

 

[رووج فوش]

حبيبتي انا من وجهت نظري انتي اتصلي وسمعيه كلام عسل وعامليه زي الطفل صدقيني الزوج طفل كبير وانتي وطريقتك تخلينه مايستغنى عنك والله يوفقكم يارب

 

[ام الآء]

السلام عليكم ورحمة الله وبركاته

ياليت عمري يرجع ... عمرك القادم افضل بإذن واحد أحد من السابق
وأن كان لك عمر قادم فبيدك بإذن الله إسعــــــــــــاد نفسك
وإسعـــــــــاد حياتك وزوجك وأولادك ..

اجعلي يقينك باللــه قوي وثقتك بالله عاليه ..
انت كتبتي عقد زواج بينك وبين زوجك السابق ..
وزوجك متزوج الآن .. ولا بينكم اي شروط
اذن بينكم حقووووق وهي الحقوق الزوجية فلا تخافي فهي مضمونه من عند الله وان اخل بشيء منها
فبينكما الله والقضاء .. ولا تخافي ولا تحزني فزوجك شمالي بإذن ولم يعدك الى عصمته الى بعد تفكير بالأمر
وهو لم يشترط ايضا عليك فاذا تصيرين زوجة لها حقوقها كامله ..

اهم شيء تكونين مثقفة جدا وعارفه كيف تتعاملين وتزنين الأمور ..
وحافظي على اذكارك ووردك اليومي
واجعلي لك عمل او هواية تجدين فيه شخصك وتفرغين طاقاتك ووقت فراغك

وفقك الله لما فيه الخير

http://www.fin3go.com/cards/images/nature/ZAW1.gif

 

[يليت عمري يرجع]

الله يجزاكي خير عمري

وربي مو بيدي اصبر عنه بس هو مو لمي الحين

ودعولي بنات انه يدق علي اوان زوجته ماتحواس علينا

(اللهم اجعل من بين ايديهم سدا ومن خلف ايديهم سدا)

 

[يليت عمري يرجع]

بنات الحمدالله على كل حال

انا جريئه معه في رسال قووووووووه

بس هو لا مايرسل ابد

وجريئه معه في المكالمه طبعا مافيه شي فوق العاديه بس كلمات حبيبي عيوني بس


بس هو مايبي كذا وقول الكلام مايكفي


جيني يوم الجمعه بس ساعتين كانو اهلي مو فيه

انا لبسه لبس قوه حلو حلو

طبعا هو مومصدق كان يبي شي مني خاص بس ماعطيته وجههه ابد ابد

وطبعا هو ابوي عيالي وعارفه من زمان بس تفرقنا والحمدالله رجعنا االبعض

ماعطيته وجهه في البيت

ولا طلعت معه ....

عاد انتم نصحوني؟؟ايش اسوي معه ..

انتظركم ؟؟

 

[يليت عمري يرجع]

وينكم

 

[أعالي الحبور]

الله يسعدك ويخليكي قرة عينه

 

[حبيبي احبه]

حبيبتي الرجال مايبغون وحده تستحي موت وتتغلى في كل وقت

الحيا له وقته
وترى الرجال يحب يكون الحب متبادل
يعنى اتصلي انتي وعطيه من الكلام العسل
وكل اشوي دقي عليه قولي له اشتقت لكـ
حسسيه انك تحبينه لانه يحبك ويبغاك تبادليه الحب
ولاتسى الدلع والغنج >>بس بحدود
والهدايا طبعا له تاثير مثلا ارسلي له هديه مع العيال

 

[يليت عمري يرجع]

هو مايدق اصلان الا قليل وعلشان عياله اكيد مو علشاني

يبي فعل هو

وانا ماودي في بيت اهلي انتظر تخلص بتنا؟؟


ابي في بيتي واخذ راحتي اكثر هناك


ومشكوره حبيبتي

 

[ام الفيصلي]

همسه دفا ليش داخله بنك ثاني !!! ودي اعرف السبب

 

[ام الفيصلي]

يليت عمري يرجع = همسه دفا انا متاكده من هالشي مليون في الميه نفس المشكله ونفس الاسلوب ونفس اللهجه والكلمات بس وش عندك مغيره انك

 

[يليت عمري يرجع]

مشكورين على مروركم وربي يسعدكم

 

[بقعة ضوء]

خلال هالفترة لازم تقولي له يعدل بينكم
بكل شي

مو يكون رجعك عشان عياله ويمكن عشان اهله وكلامهم

انتبهي لتصرفاته ودققي عليه ,,
ولاتنسي بعد الزواج بالدلع والغنج والحركات اللي يحبونها الرجال
وإنتي أدرى بزوجك

 

[أم ألودي]

تصدقون أنا مستغربة منكن يابلقيسيات كيف تقولها اتصلي عليه كل شوي وعنجيه ودلعيه ما فكرتوا بزوجته الثانية وشلون حالتها أكيد أنها مدمرة نفسيتها كيف زوجها عايش معاها الفترة إلي فاتت كلها وهو مازال يفكر بطليقته صراحة الله يعينها ويثبتها بس أبغاكم تكونوا بموقفها ثواني قبل فترة وحده من الأخوات في المنتدى كانت مشكلتها نفسها يعني خايفه ان زوجها يرجع طليقته وأغلبكم دعالها - لذا أختي في الله قدري موقف زوجته الأولى ولا تحاصريه بالإتصالات وكلام العشق والهيام ولا تحرجي زوجته حتى يوفقك الله في دينك ودنياك

 

[يليت عمري يرجع]

مشكوره حبيبتي ع ردك ولكن انا الان زوجته ولي حق فيه مثلها

وهو ابو عيالي يعني مو واحد ثاني وانا بعد ابغاه وفقده قوه


ولازم ارجعه لي انا وعيالي لازم لازم

والله يعطيك العافيه

 

[ورد الفل]

حبيبتي زوجك بيحبك وبيريدك لهيك رجعك خليه ياخد وقته ليخبر زوجته الله يكون معها ويصبر قلبها كمان
وانت ان شاء الله كل امورك بتصير متل ما بتحبي واحسن يارب بس اصبري شوي تعذبتي كتير وباقي القليل ان شاء الله