هل زوجي خائن ام لا؟ د. موزه ارجو الرد علي

ا

العروسه الحلوة

New member
إنضم
2007/06/11
المشاركات
11
السلام عليكم ورحمة الله وبركاته

دكتورة موزه عندي مشكلة احس انه زوجي يكلم غيري بالتلفون بس ما اقدر اتاكد من هالشي لان تلفونه عليه رمز للقفل ... كل ما افاتحه بهالموضوع ييني ويناقشني ويقولي انا ما اخاف منج لو ابا اكلمها بكلمها جدامج .... وكل ما اساله عن سبب قفل موبايله ما يرد علي .. واحيانا ازعل وايي يراضيني واحيانا اطنش بس مرات انقهر من كثر المكالمات والرسايل ويقولي انه هذا واحد قريبه وما عنده غيره صديق ... دليني شسوي ... <مع العلم انه زوجي من النوع اللي يحب يغيضني ويحب يشعل فيني نار الغيره>....
 
لا حرقي اعصابك ولا تنقهري
كل ما حسستيه بقهرك ورغبتك في معرفة ما في تلفونه وما معنى هذه الرسائل الكثيره زاد اصرار وعنادا
لذلك اجعليه يشعر بانك غي مهتمه ولا على بالك حتى يشعر بالسكينه
وانتظري الفرصه المناسبة لمعرفة ما لفونه واقتنصيها دون ان شعريه بانك تنتظرين هذه الفرصه او مهتمه بقفل تلفونه
و تاكدي ان هذه الفرصه ستاتي فلا تياسي
 
مشكورة وااايد دكتورة موزه ... انا بديت اتبع هالاسلوب عنده واحس انه تغير ما قام يستخدم التلفون الا نادرا وجدامي يتكلم ...بس لازم اتاكد
 
طيب أنا زوجي يغازل وانا أكتشفت هذا الشي واجهته وانكر كيف أخليه يترك هذا الشي وعلاقاته موفي وحده بس
كثير وكان يغازل قبل الزواج وش الحل؟
 
طيب والله تتأكد انه خاينها وواصل لمرحلة الزنا والعياذ بالله ..

وش تسوي ..
 
انا ماهي بعيده مشكلتي عن الاخوات بس انا مصيبتي انه يقول انهم زميلاتي في العمل بس اكتشفت من ايميلاته ورسايل الجوال انه ماخذ راحته مرررررررره معاهم والموضوع هذا او المصيبه هذه كل ماتنتهي ترجع تنعاد ... للمعلوميه احنا في السعوديه ماعندنا اختلاط بس بعض الاعمال فيها علاقات نسائيه وهو يستغل هذا الشي ويقول انه العمل وش الســـــــــــــواة؟؟؟؟؟؟
 
الله المستعان من بعض الرجال

واللي عندها أصحاب زوجها بيخربون بيتها شتسوي ؟؟؟؟؟؟؟؟؟؟؟؟؟؟؟؟؟؟؟؟؟؟؟
 
صحيح الله يكون بالعون . من تجربتي الخاصه انا اذا شفت زوجي يغازل اصد عنه ولا كاني اشوف مو خوف منه بس الوحده فينا اذا بتحاسب زوجها بكل شي تتعب واذا الزوج ما قالج انه يكلم معناها يحترمج ويخاف منج ويخاف عليج ويحسب لج الف احساب احسن من انج تواجهينه ويقولج دريتي اني اكلم يلا اكلم جدامج احسن من وراج. وانا يااختي انا اتكلم من تجربه خاصه والله .
 
عانيت كما عانيتم من خيانة الزوج ولكن الله يعوضني الجنه ويصلح أولادي ويشفيلي والدي
والله المستعان
 
اختي حاولي تهتمين فيه اكثر وتبينين له حبك وتنسين موضوع الجوال ولاعاد تسالينه يمكنه يبغي يلفت انتباهك عموماكثري من الدعاء وصدقيني في هالوقت كثرت شكاوي الحريم من خيانة ازواجهم عسى رب العالمين يهديهم
 
ماقول غير الله يهديهم هالرجاجيل الي موحاسين فحريمهم بس ماعلينا الا ندعيلهم ونقوم بواجبنا معهم واهم شي الوحدة فينا تحاول انها تكون كاملة فنفسها وبيتها عشان مايجي يوم ويقول ان القصور منها وتحاول كل مرة انها تساله هو مرتاح معها ولا لا وهوراضي عليها وتقولة يججاوبها بصراحة وتطلب منه يقول لها هو شيبيها تسوي بالضبط وانشالله تكون نتيجة ترضي الجميع
 
خيانة متكررة

زوجي شمالي شرقي اكبر مني ب15 سنة حاصل على الدكتوراة في اصول التربية انا الزوجة الثانية الاولى مطلقة لة منها خمس مراهقين عايشين معي وامة وابوة المريض شفاة الله هو مخنوق من البيت وانا كذلك من اكثر من ثلاث سنوات دائم الخيانة ويحاول الزواج من اخرى بعيدا عن متطلابات المنزل ومن فيه من مشاكل مع الاولاد وامة وانا طبعا احاول تعديل مجرى حياتي قدر الامكان واخذ بقصة ام بسمة وام الوليد قدوة جوالة دائما مغلق اذاكان نايم وانتظار اذاكان برى البيت ماذا افعل
 
دائما
انت لست مسؤولة عن خيانته بل انت مسؤوله عن قيامك بحقه عليك
وثقي ان الله سوف يحاسبه فلا تتعبي وراءه بالتعقب والبحث وريحي راسك
وكوني مرتاحة بانك ما قصرت والله سوف يعوضك خير
وللمعلومية
فالرجل يحاول ان يخفي اسراره عن المرأة التي تبحث خلفه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل