هل خسرنا ابنتنا؟...ساعدوني أنا ضايعة.. لأهل الاختصاص

[hard2handle]

السلام عليكم ورحمة الله وبركاته ..

الله يخليكم طمنوني وساعدوني ...

بنتي عمرها سنه و7 أشهر..

تصير خلافات زوجية كثيرة بيني وبين زوجي تنتهي بالضرب أمامها..

وزوجي يمنعني حتى من اخراجها او أن امنعها من تشوفنا .. مرات يدخلها معاي في المشكلة ويصارخ عليها

إذا هي صارت تبكي وتزعجة..

هالشي من عمرها سنه وشوي لين الحين ..

واليوم حسيت بصعوبة هالشي عليها .. وقررت لو وصل الأمر للطلاق سوف أتطلق ولا أدمر نفسيت

إبنتي..


سؤالي هل إبنتي تدمرت وماحصل سيتخزن للأبد في عقلها الباطن؟

هل هناك طريقة أساعدها فيه عشان ماتتعقد .. وتطلع انسانه سوية ..

أرجوكم طمنوني أرجوكم..

يعني بنتي صرت أحس أنها تغيرت وتبكي بحرقة وخوف وقت المشاكل وتحاول تهرب..

:sadwalk:

أريد أغيرها .. أريدها تنسى كل شي.. لأن وعد من هاللحظة ماتشوف هالمواقف..


وعلى فكرة أنا وأبوها جدا حنونين معاها .. ونحب بعض.. بس وقت المشاكل .. كل شي يتحول

وبعد المشكلة أبوها يرجع طبيعي معاها .. وتسأل عنه وماتصبر عنه وأنا كذلك ..

أرجوكم ساعدوني

​

 

[أ.نجوى ناجي]

طبعا الطفل بيتاثر ويخاف ويبكي ولكنه لن يتذكر المشاكل في الكبر وهو في هذا السن , الطفل يتذكر مايحدث بعد سن الثالثة ولا ينساه ويؤثر به نفسيا ولكن انصحكما بتدارك الموقف الآن قبل دخول البنت في سن يؤثر عليها مستقبليا , وياليت تتحدثي مع الأب بهدوء لتتداركا مشاكلكما وحاولي ألا تثيري غضبه لو كان هو عصبي في كل الأوقات وتحملي أنتي وتغافلي ولا تشعلي وقود المشكلات بإستمرار