::: هل تصرفي صحيح ؟ :::

[أم سواف]

السلام عليكم ورحمة الله وبركاته ..

أنا متزوجة من واحد من اهلي بعد قصة حب .. وماقصرت وياه في اي شي وهالكلام منه هو مب مني .. المشكلة انه ريلي هالايام يرمس وحدة فالتلفون .. يعني بدا يخوني والسبب ربعه ويبغي يجرب هالشي .. انا عن نفسي ادري وعندي الدليل ولكني ماواجهته .. ماعرف كيف اشرحلكم المشكلة .. أنا من النوع اللي مايغار وواثقة في عمري اني مب السبب لخيانته واقول بصبر ومابقوله شي بشوف شو نهايتها معاه .. لكن محتارة ماعرف تصرفي هذا صحيح او شو.. ابغي استفيد من تجاربكم .. شو التصرف الصحيح في مثل هالموااااقف ؟؟:sadwalk:

 

[aldana]

يا عزيزتي ...مشكلة الخيانه صايره عند الأزواج المرتاحين أكثر من الأزواج الغير مرتاحين ... سبحان الله نحن في زمن الخياانات

عيوني حتى لو كنتي واثقه من نفسك ... لازم تكونين واثقه أيضاً من زوجك .... ولا شوي شوي بتلقين ثقتك بنفسك تزعزت ...وكل حياتك ممكن تتدهور ..

نصيحتي تلحقين على عمرك قبل لا يطيح الفاس بالراس ولا عاد تلقين حل لإدمان زوجك على محادثة الفتيات .

يمكن تكونين كامله والكامل الله ...... ولكن الزوج دائماً يسعى للتجديد والتغيير ...

اشغليه فيك اكثري من الاتصالات عليه بما أنه يحب يكلم بنت بالتلفون معناه يستمتع بشي معين إما بتغنج صوتها أو دلالها ...أو حتى لفتح مواضيع جديده غير الي يسمعها منك ...

إبدئي بالحديث معه بمواضيع جديده وحاولي تخلينها مواضيع مرحه ....لا تتصلي من أجل الطلبات وزيادة اشعاره بالمسؤوليه ....خلي الحوار فقط للإطمئنان وكثير من الدلال ....
حمسيه للقائك واخبريه انك لابسه شي جديد يعجبه ... في كل مره حاولي تخلي للمكالمه هدف خاص وله معنى محبب ...

وبعد كل هذا إذا استمر على خيانته ... جيبي أدلتك وقومي قومتك القويه ولا تعطيه مجال للإنكار أو الاستسماح ولا تكوني ضعيفه وطيبه ....ولا ترضي بسهوله ..

وبالتوفيق

 

[الديار]

ياااااااااااااااادي الخيانة اللي صارت موضة
الله المستعان
خواتي احسها صارت ادمان صح!!!!!!!!

 

[aldana]

شايفه يالديار .... ترى الخيانه سوسه الله يكفينا شرها .... بس تحتاج من المرأه شوية ذكاء ....وإلا بالفعل تحولت للإدمان المستعصي ...

تصدقين تلقين الرجال مرتاح في بيته ويموت في زوجته وأحلى استقرار عائلي ... ومع ذلك ما يمانع بالخيانه ...ولو تواجهه يحلف يمين انه ما غلط ولو جابت دليل .... يتحول لطفل صغير ...ويعتذر ويقول آخر مره ....وسبحان الله يرجع لنفس الغلطه مثل المسير هههههههه

وتعددت الأسباب والموت واحد ...

لكن ضروري نوقفهم عند حدهم ونتخذ القرار الحاسم حتى نستعيدهم لرشدهم ...

 

[الوردوالريحان]

عزيزتي ام سواف اذا الرجل المرتاح اللي مو ناقصة شي يلجا لهذا فان عنده مشكلة كبيرة في علاقته مع ربه
عزيزتي قوي علاقتج بربك واطلبي الهداية والراحة لنفسك ثم له والله قريب مجيب الدعوات لن يخزي احدا توكلي عليه فلن يخذلك واساليه الحكمة فمن اوتيها فقد اوتي خيرا كثيرا.

 

[نسائيات]

مرحبا بك اخيت الغاليه
اذا كانت هذه هي خيانة زوجك الاولى فصارحيه بالموضوع وخاصه لو لمستي ان هناك جديه في علاقة زوجك بالفتاه الاخرى
فانتي لا تعلمين ماذا قد يحدث لو اهملتي الموضوع اكثر من اللازم فربما يتعلق زوجك بالفتاه الاخرى ويتزوجها او تصير صديقته المفضله و عندها ستشعرين بانك مهمشه
فهو ان زعلتي انتي منه سيجد من تفتح له ذراعيها صديقته الصدوق "الله ياخذ كل عشيقه تاخذ زوجا من زوجته "
المهم قبل المصارحه جهزي لج موقف حلو عشان تصارحين زوجك من خلاله و تشوفين ردة فعله كيف بتكون
على فكره فيه ازواج اذا صارحتهم زوجاتهم بالخيانه على طول يلجؤون لوسيلة الهجوم كافضل وسيله للدفاع ويقعدون يقولون ليش تفتشين من ورانا وانتي فضولية وعشرتج صعبه و انتي وانتي ................................الخ
فكوني واعيه لطريقة المصارحه
و الادله اللتي ستعتمدين عليها
وبعد خلي نصيب للبنت
يعني ممكن تبلغين عليها اهلها اذا فيه مجال بس ما تكونين طرف في موضوع عشان لو خبرت ريلج تكوني انتي برع السالفه وما يصيبج اي اذى

 

[ام الحلوين]

مرحبا بك اخيت الغاليه
اذا كانت هذه هي خيانة زوجك الاولى فصارحيه بالموضوع وخاصه لو لمستي ان هناك جديه في علاقة زوجك بالفتاه الاخرى
فانتي لا تعلمين ماذا قد يحدث لو اهملتي الموضوع اكثر من اللازم فربما يتعلق زوجك بالفتاه الاخرى ويتزوجها او تصير صديقته المفضله و عندها ستشعرين بانك مهمشه
فهو ان زعلتي انتي منه سيجد من تفتح له ذراعيها صديقته الصدوق "الله ياخذ كل عشيقه تاخذ زوجا من زوجته "
المهم قبل المصارحه جهزي لج موقف حلو عشان تصارحين زوجك من خلاله و تشوفين ردة فعله كيف بتكون
على فكره فيه ازواج اذا صارحتهم زوجاتهم بالخيانه على طول يلجؤون لوسيلة الهجوم كافضل وسيله للدفاع ويقعدون يقولون ليش تفتشين من ورانا وانتي فضولية وعشرتج صعبه و انتي وانتي ................................الخ
فكوني واعيه لطريقة المصارحه
و الادله اللتي ستعتمدين عليها
وبعد خلي نصيب للبنت
يعني ممكن تبلغين عليها اهلها اذا فيه مجال بس ما تكونين طرف في موضوع عشان لو خبرت ريلج تكوني انتي برع السالفه وما يصيبج اي اذى

كفيتي وفيتي يعطيك العافية

 

[أم سواف]

ماشالله ردودكم ريحتني .. واخت حكاوينا فعلا هذا اللي اقصده يعني انا خايفة اني لو اهملته يتعلق فيها وتكبر السالفة .. ومن جهة ثانية اخاف لو واجهته يستمر فالموضوع ويوقول مدام عرفت ماشي مشكلة خاصة انه ريلي مايخاف واللي براسه يسويه .. شو الحل اواجهه ولا اتركه لضميره ؟؟؟؟؟؟؟

 

[aldana]

يا حبيبتي المواجهه الضعيفه طبعاً بتقويه وتخليه عنتر زمانه ...أما المواجهه القويه اللي تترك أثر وتفهمه أنك مستحيل ترضين بالإستهانه بحقك وحفاظك على بيتك وعيالك
ممكن تصحيه وتخليه يتمنى رضاكي ... بس اهم شي تكونين متأكده أنه فعلاً يحبك ويهمه زعلك ...

لما أقول لوحده تعاني من الخيانه ثوري ...وواجهي ... معناها كوني قويه ... ووقفي بوجهه بس حذاري من الإهانات ...

القوه عمرها ما كانت تحقير واستفزاز ... القوه يالغاليه هي الصدق بالمشاعر ...وتوضيح الغلط ... والإحتجاج عليه وكأنك أول مره تسمعي فيه ..

إحذري تقوليله أنك عارفه من زمان ... سوي نفسك توك داريه ...ومصدومه ...ورااافضه رفض تام ...

خلك قويه ساعتها ... وقولي انا مارح أفضحك وسرك بيتم بقلبي ... وإذا ما تبيني أنا بعد ما أبيك ... فهميه أنك باقيه على العشره ولكنه هو اللي حاب يخرب بيته .

لا تطلعي من البيت .... وقوليله هذا بيتنا وبيت أولادنا ... واللي ما يبي يحافظ عليه مع ألف سلامه ...مارح نموت .

وصدقيني كل اللي أقوله مجرب ولا تكلمت معك إلا لأن الحياة علمتني الكثير ...وأشوف تجارب في حياتي أشكال وألوان من صديقاتي وأقاربي ... ومن حياتي الشخصيه ... وفكري بكلامي واستشيري واستخيري .

 

[الشرقية]

تصبرين لين تشوفين اخرتها ؟؟؟؟؟؟؟؟؟ وفرضا اخرتها زواج ؟؟؟؟؟

وقفيه عند حده من الحين كيف صابره قلبي الدنيا على راسه قبل لاتتطور علاقته ويتعلق فيها

 

[mo000on]

والله الخيانه منتشره وانا اعاني منها من زما واستعملت كل الطرق عشان احلها لكن المشكله الاولى والاخيره هي في الزوج اذا ادمن مكالمتهم الله يعين بس