هل تصارحه ؟؟أشيرو علي ..

[sder]

السلام عليكم ..ابغى استشيركم يا أخوات في موضوع ..صديقتي زوجة ثانية متزوجة من سنة وزوجها ما يعدل بينها وبين ضرتها مع انه يحترمها ويقدرها كثير ويعبر عن كذا دايما ،بس المشكلة انه لما يكون في غير يومها ما يسال عليها ولا يهتم كيف هي تدبر نفسها ،وإذا عاتبته يقولها انت ما ينخاف عليك تقدري تدبري نفسك ،وفي المقابل يهتم بكل صغيرة وكبيرة لضرتها ويكون على اتصال دائم معاها في غير يومها وامكن يمرها اكثر من مرة في ذاك اليوم ،وإذا قالت له ليه ما تسوي معايا انا كذا في غير يومي يقولها هذا مو عشانها هذا عشان العيال ،ودحين في الصيف لما فتحت معاه موضوع السفر اكتشفت انه مو ناوي يعطيها في السفر نفس ايام ضرتها يعني بيسكتها بيومين على الماشي ، وقبل اسبوع سفّر ضرتها وعيالها في رحلة بحرية يومين ،ولما قالت له أبغى تطلعني في رحلة زيهم قالها هذيك كانت عشان العيال وصار يحاول يتملص من انه يطلعها زيهم ويقولها مو كل ماسويت شي عشان العيال أسويلك زيهم ..المهم في الموضوع هي متألمة دحين من كل الأشياء اللي قاعدة تصير معاها من بداية زواجهم وتقول انه لو كان عنده حب كافي لها كا ن يعطيها من غير ما تسأل ولا يفكر يهملها ولا يقصر معاها ،وتبغى تصارحه بهذا الشي وتقوله انه إذا ما كان عنده حب كاف لها مافي داع تستمر العلاقة خاصة انه لسه مافي اطفال ،وتقول هذا احفظ لكرامتي ما اقدر أعيش مع واحد أحس انه مو قادر يحبني بالقدر اللي يخليه يعطيني حقوقي ويحرص عليها ..قولوا لي بايش اشير عليها .

 

[جرح الشوق]

الله يعينها قرارها واختيارها انها تكون زوجه لشخص متزوج وعنده عيال تتحمل نتائجه

 

[مهره قطر]

هذي الي ترضى على نفسها تكون زوجه ثانيه وتخرب حياه الزوجه الاولى
لازم تتحمل الي يجيها
انا من المعارضين للزواج الثاني
ارجوا ان تتقبلي راايي برحابه صدر

 

[رياح الكفن]

لا حول ولا قوه الا بالله الحين المره جايه تبي حل تزيدونها مش من انصار الزواج الثاني يامهره قطر لاتردين خلونا نخاف الله تحرمون شي محلله رب كريم الله لايحطكم في موقفها كل واحد وضروفه ماتدرون ليش وافقت على الزواج انا من رايي الوحده ياتقول خير اوتصمت احسن لها ترى كل شي محاسبين عليه بالنسبه لك حبيبتي لاتستعجلين ممكن صح عشان العيال بكره الله بيرزقك بالعيال وبتشوفين شلون يحبهم ويحن عليهم عيشي حياتك ياقلبي واذا مايعدل بينكم في امور ثانيه تفاهمي معاه بهدوء واسمعي وجهه نظره والله يوفقك

 

[sder]

أنا أفهم انه الوحدة ما تبغى زوجها يتزوج عليها وهذا حقها ..بس هل في أي وحدة تضمن إنها ما تكون في يوم من الأيام مطلقة أو أرملة وهي في عز شبابها ؟؟!! وانتو تعرفوا انه مجتمعنا ظالم والحرمة إذا ترملت أو اتطلقت محد يتقدم لها إلا يا واحد متزوج أو كبير جدا في السن ،أو صاحب مرض أو عاهة ،فأقول لكل وحدة تشنع على الزوجات الثانيات ترى الزمن دوار ، وما تدري إمكن يجي عليك يوم تكوني زوجة ثانية أو ثالثة غصبا عنك (الله لا يجيب شر لأحد ) بس حبايبي خذوا الأمور بعقلانية شوي تراكم ما تعلمون الغيب .

 

[أيام الصبا]

انا رائ انها ماتحاول تثير المشاكل معه ويمكن فعلا يهتم بالاولى عشان العيال وهي انشاء الله اذا رزقها ربي بالعيال بتعذر زوجها وخليها تحاول تجذبه لها بالحب والدلع وتنبسط معاه لما يجيها ولا تحاول تفتح موضوع ضرتها معاه وعرفيها على مملكة بلقيس وهي باذن الله بتلاقي الحل لكل مشاكلها

 

[مزوح وتروح]

طبيعي جدا يكون اهتمامه ومعظم وقته في بيته الاول >> العشره ماتهون عليه حتى لو تزوج عليها !!
وصديقتك توها متزوجه وكمان ماعندها عيال فمن كدا يصعب عليه ان يعدل لوجود الفوارق
>> وجهة نظر شخصيه لا شرعيه

 

[دمعة الذيب]

لاتحرمون التعدد ,, موب على كيفكم خير ان شاءالله

 

[كافيه لاتيه]

الله يفرج همها

 

[صمتي حزن]

الله يكون بعونها

تصبر وتحتسب ولاتسأله عن الثانيه

والحال يتغير

 

[الراايقه]

حبيبتي الوضع يختلف
وزوجها صادق اللي عندها عيال غيير

هذا حق الأولاود

 

[بتوته توته]

مو ثانيه اهى للنوم ولتغير فقط ليش رضت تاخذ متزوج تتحمل اهو جذى وتزوج ثانيه يحب يغير تحملى انت عارفه عنده مره وعيال مرده لحرمته وعياله

 

[وصية رسول الله]

أنا اللي أعرفه العكس ....
أنو الواحد إذا تزوج وحده ثانيه يطير فيها وينسى الأولى في أول أيام زواجه ....
بس يمكن ضرة صديقتك ماتدري بزواج زوجها وهو مايبغى يحسسها ؟؟؟؟؟؟؟؟؟؟
أما إذا كانت تدري
خلي صديقتك تكلمه بهدوء وتفهمه عن اللي مضايقها ..
ونصيحتي الخاصة ... أنها تقنع زوجها وتآكل حبوب منع الحمل
لحد ماتستقر وترتاح مع زوجها ..ز أحسن مايكون في النهاية طفل ضحية
الله يوفق الجميع

 

[لودي الجبيل وبس]

عزيزتي خليها تعرف هوا من اي شخصيه وتبتدي تتعامل معاه على حسب شخصيته

ايش يحب وايش يكره والله الموفق

 

[نور زوجها]

يمكن يحس انه جرح الاولى ويحاول يرضيها او انه يرحم اولاده ياحريم ترا الحياه مع االرجل تبي تنازلات كثيره

 

[غموض العشق]

انا والله اقولمن رايي يعني انها تكسب زوجها بككككككل طريقه مكنه ولاتحن عليه كثيرر لان الرجال ايحب الحنه واله الله بالدلع ولغنج واهم شي خليكي حلوه في .........................

 

[لهب]

اختي في الله .. مب عيب ان صديقتك زوجه ثانيه والله اعلم بالظروف اللي خلتها تقبل بها الوضع .. بس خليها تسأله ليش ماخذني اذا تبغي تظل مع زوجتك وعيالك وما تقصر فيهم .. المفروض يكون لها موقف صارم معاه لانه من اول الايام يتهاون معاها ويطنشها .. وكل كلامه العيال .. لانها ان تنازلت عن حقها الحين حتى لو صار لها عيال لا تنتظر منه انه يهتم بها او بعيالها .. ربي يعينها ويساعدها.. بس المفروووض فعلا انها ما تتنازل لان كل ما تنازلت عن حقوقها بتضيع .. والسمووووحه

 

[انا هي]

الله يسهل امرها

 

[sder]

جزاكم الله خير اخواتي على تفاعلكم ودعواتكم ..الله يسعد كم ويسخرلكم أزواجكم