^طوق الماس^
New member
- إنضم
- 2008/04/19
- المشاركات
- 407
دورت في كثر الفلوس السعاده ======= ودورت عنها في زواجي والاولاد
ودورت عنها فالنسب والاشاده ======= ودورت عنها في زغاريد الاعياد
ودورت عنها بامتلاك الشهاده ======= وبالشهره اللي مالها حد وابعاد
ودورت عنها في وسام القياده ======= ودورت عنها فالوجاهه والامجاد
ودورت عنها بالسفر وارتياده ======= ودورت عنها بالاغاني والانشاد
وبين الاماني والفرح والرياده ======= دورت عنها وانتهى البحث مافاد
ولا لقيت الا القلق والنكاده ======= والهم واقف لي على كل مرصاد
والجفن مايهناه ساعة رقاده ======= فالصبح هم وتالي الليل باسهاد
واخذت ادور لين جيت العباده ======= اللي لها مع فجر الاسلام ميلاد
ولقيت فيها للسعاده سياده ======= وشرح الصدر والهم ماعاد لي عاد
وطعم السكينه والهنا والركاده ======= وحلاوة الايمان هي كل الاسعاد
ياطالبين الخير هاذي افاده ======== اوجزتها واللي يبا الخير يزداد
نصيحتي كلن يخلي جهاده ======= للنفس عن كل المعاصي والافساد
يقف لها موقف قوي الاراده ======= حذراه معها للمتاهات ينقاد
حتى يحقق في حياته مراده ======= وان مات له مع جنة الخلد ميعاد
