هل انا طيبه والحياه خبيثة والناس خبيثه

[شوشو 26]

السلام عليكم ورحمه الله وبركاته /// أخواتي الغااااليات حبيت اخذ رأيكم في موضوع مهممم شاااغل بأاالي وما أدري هل هو شي عادي ولا انا معبره السالفه عندي 2 من قريباتي متزوجات وحده عندها ولد ووحده ماعندها عيال الي انا مستغربته?? انهم كل وحده ساكنه بشقيها وبيتها المستقل ولاكن الي عندها ولد ماتعززم أحد في بيتها ولا تقول تعالو اشوفكم زوريني الله يحييكم تنورون بيتي استانس بشوفتكم ابداااااااا ما تعزم أحد مو يعني وحده تتدخل الموضوع وتقول يمكن ماتبغاك لا بس ما تحب تعزم أحد في بيتها نهاائي وتقول الأطفال يوسخون بيتي مع اننا احنا أهلها وماعندنا اطفال بس ماتعرف تطبخ+ الثانيه الي ماعندها عيال تقول زوجي مايحب أحد يجيني البيت ويعدد الساعات عشان الناس تطلعع ولا تنادي أحد ولا تبغا أحد مع أنها طباخه وجريه واجتماعيه (( يعني اش فيهم هذوول انا وربي والله شهيد علا كلامي قبل طلاقي لما كنت متزوجه افرح يوم أحد من أهلي يبغا يجيني وكل أسبوع اعزمهم وادورهم واقولهم متا بتجوني واحب أهلي يجون في بيتي واضيفهمم وهذول الثنتين اهلهم مو اهل زوجهم احنا نبغاهم ولا يبغوننا يعني مايبغون أحد من اهلهم يدخلون بيوتهم _ هل النفووس تتغير هل النيات صارت خبيثة أحس نفسي لما كنت متزوجه جدا طيبه مع الناس وخلوقه وعلا نياتي أعزم الناس وابغاهم ليش الحياه صارت خبيثه) مطلقه لي سنه ونص عندي بنت عمرها 3 سنوات
?
???

 

[طاهرة كالمطر؛]

وين المشكلة يالغلا
هذي حرية شخصية
يمكن ظروفهم ماتساعد يمكن ازواجهم مايبون يمكن هم يتضايقون من وجود الضيوف يمكن ويمكن ويمكن ويمكن
اذا هم مايستقبلون احد ابداً فما اعتقد هذا نقص فيهم او خباثة او شيء من هذا القبيل اكيد لديهم اسبابهم
اما اذا مايحبون يستقبلون شخص معين أو أسرة معينة فأكيد ان في استقبالهم لهم ضرر او احراج او ماشابه
لاتقارنيهم بنفسك لأن مافيه مجال للمقارنة في الشي هذا ابداً انتي انسانة مستقلة لك تفكيرك ولك قراراتك وهم مستقلين ولهم قراراتهم ولهم تفكيرهم
آسفة أختي أشوف أنك دقيقة شوي مع اللي حولك ومع تصرفاتهم .. ريحي مخك ولاتفكرين بأحد ابداً وخلي كل انسان يعيش على راحته بالطريقة اللي تعجبه
مو معنى كلامي اني اقيمهم على ان تصرفهم جيد ولا حتى سيء ولكن القصد ان كل انسان له نمط حياة يعجبه ويعتز فيه
دمتي برعاية الله

 

[مدام موني]

الله يهديك يأختي اهي بكيفها والمفروض ماتسوون لها تحقيق عزمتي ماعزمتي ولا تدققين بأشياء مالها داعي اللي يعزمك روحي له واللي مايعزمك لاتسألين فيه والموضوع عاااااااااادي جدآ ومافيه اي خبث لكن لاعاد تعبين نفسك وتصيرين دقيقه ع اشياء تافهه

 

[نوافذ الأمل]

حرية شخصية

 

[راقية بأسلوبي]

صراحه ما ينلامون بعض النساء الله يهديهم
ماغير حش وبس مافي موضوع مفيد يتكلمو فيه

 

[صبرت كتير]

مافي اي مشكلة اختي
هذه هي خرية شخصية
وكمان هم بينوا لك الاسباب اللي تمنعهم
فلا بد ان نقدر اسبابهم وظروفهم وانا ايضاً مثلهم
لا يحب زوجي العزايم ولا يحب اهلي يجوني دايماً
ولا يريد احد يدخل علينا ويزورنا من الصديقات طبعاٍ
ومتكيفة معاه من هذه الناحيةوكذلك
العزيمة تبي لها تعب وجهد اضافي
ومصاريف اخرى

 

[سبحان الله و]

ماقريت الردود بقولك انا ويشهد الله يمكن اشبهم ماحب اروح لحد ولا احد يجيني مو شي بس كذا اكره الجمعات من لم كنت عند اهلي حتى لم تزوجت قلت لعمتي انا ماحب الزيرات والجمعات المتكرره وعايش كذا الصيفيه كالها فبيتي جلسه ياطلع اتمشى انا وزوجي يا اجلس بلبيت الناس تختلف وكل واحد وكيف يحب يعيش ...

 

[آحساس ثاني]

وش دخل الخباثه في الموضوع يااختي
محد بياذيك او استغل طيبتك منهم عشان تقولي خبيثين او مايبغونا انتي ذكرتي اسبابهم اللي قالولها لك
والله انا نفس الشي زوجي يرفض ان احد يجيني غير اهلي فقط لازيارات مع صديقاتي ولا حاجه
وبالعكس اتمنى الناس يجوني او يزوروني واحكيلهم ضروفي ومقدرينها
واخوان زوجي اثنين نفس طبعه يرفضون الزيارات فاتأقلمت انا وسلفاتي على الوضع وكل اللي حاولينا مقدرين وضعنا
ماتعرفين ظروف الناس فلاتحكمي عليهم بانهم خبيثين

 

[الجده الصغيره]

الوضع عاادي وكل انسان وطبعه..ما اشوف مشكله انت اشغلي نفسك بدراسه او وظيفه..