[B][COLOR=rgb(85, 57, 130)][B][COLOR=rgb(41, 105, 176)]قصتي مع المريض و ثقافة الاستحقاق!![/COLOR][/B][/COLOR][/B]
[B][/B]
[B]♦️صاحبي حكى لي عن واحد يعرفه كانت اخلاقه وسلوكياته وحشة جدا لدرجة البلط.جة يعني...[/B]
[B]اخينا البلط.جي مامته كانت ست محترمة وصريحة...[/B]
[B]وعلى حس سمعة الام دي، فهي راحت تشوف له عروسة...[/B]
[B]وهنا دار الحوار الاتي:-[/B]
[B]العروسة: هو ابنك بيصلي ياطنط؟؟[/B]
[B]الام: لاياحبيبتي مابيركعهاش بس بكرة لما يتجوز يعقل وربنا يهديه...[/B]
[B]ممم ان شاء الله، طيب هو بيشرب سجاير ياطنط؟[/B]
[B]الام: اه سجاير وحاجات تانية مش هخبي عليكي احنا هنبقى اهل يعني!!![/B]
[B]بس احنا املنا فيكي كبير يابنتي، يعني ربنا يصلح حاله على ايديكي...[/B]
[B]المهم الام سمعت كلام ملوش لزمة من البنت، ومشيت وهي بتضرب كف على كف [/B]
[B]معقول ابني يترفض؟؟🤔[/B]
[B][/B]
[B]♦️احيانا يجيلي طفل صغير بيعبر عن خوفه من اي اجراء هعملهوله (زي البنج مثلا) بشكل غير تقليدي...[/B]
[B]ازاي؟؟[/B]
[B]انه يزعق ويقاومني بايده و احيانا يش.تم ويغلط! [/B]
[B]مش دي المفاجأة![/B]
[B]امال ايه؟؟[/B]
[B]ان ولي امره يقول لي: معلش استحمله هو خايف بس!😎[/B]
[B][/B]
[B]♦️ انا بحكم شغلي في الجودة عارف ان من حقوق المريض، الحفاظ على كرامته وسرية بياناته وخصوصيته وانك تعرفه حقيقه مرضه وخطة العلاج والسعر ومتبدأش غير لما يوافق على كل دا...[/B]
[B]مخدناش فالكلاس ان من حقوق المريض انك تتحمل غلطه فيك او غلط ابنه لمجرد انه خايف![/B]
[B]ودا السؤال بقى: انا ليه اتحمل الغلط من شخص اخر أيا كانت المبررات؟؟ [/B]
[B][/B]
[B]نفس الفكرة لما حد من صحابك يقول لك معلش استحملني لما اغلط فيك اصل انا لما بتعصب مش بعرف اتحكم في نفسي...[/B]
[B]وكأن بقى حق من حقوق ولي الامر او صاحبي اني استحمل الغلط واقدر الظروف...[/B]
[B][/B]
[B]♦️لازم نفرق في حياتنا بين الحقوق (حقي كزوج او اب او ابن او موظف او صديق او مدير او مواطن...الخ) وبين الواجبات( بنفس الامثلة...)[/B]
[B][/B]
[B] وبين حاجة تالتة خااالص اسمها الاستحقاق! ودا مفهوم سلوكي/نفسي معناه الاعتقاد بأن الشخص يستحق أو يحق له الحصول على امتيازات معينة دون وجه حق...[/B]
[B]وللاسف المفهوم دا مرتبط بتضخم الذات والانانية والنرجسية وليلة كلها عك في عك...[/B]
[B][/B]
[B]♦️الحقيقة انها اتحولت لثقافة منتشرة جدا، لدرجة ان مانويل جوزيه مدرب الاهلي مرة في برنامج قالها صريحة: لاعب الكورة في مصر اذا مدحته مرة، تاني يوم هيكسل ييجي التمرين!![/B]
[B]ماخلاص بقى نجم ويستحق معاملة خاصة!!![/B]
[B][/B]
[B]♦️ انا مشفق على الاولاد اللي اتربو على ثقافة الاستحقاق...[/B]
[B]وبالنسبة للطفل اللي يجيلي العيادة بالمنظر دا فانا كل مشاعر الغضب والزعل بوجهها لولي الامر في صورة نصيحة: متدلعش ابنك ياحاج لانه هيعاني، وانت اول واكتر واحد هيخلص فيك كل مشاعر الاستحقاق لحد ماتبقى عبرة...[/B]
[B]ربي نفسك ياحاج عشان تعرف تربي ابنك...[/B]
[B]وانتي ياماما!! [/B]
[B] المجتمع شايف ابنك مخلوق عادي مش زي ما انتي شايفاه... فياريت تبصي لابنك زي ما احنا باصين له لان المجتمع مش ناقص نماذج نرجسية زي دي..[/B]
[B]#meta_self [/B]
[COLOR=rgb(41, 105, 176)]#ماوراء_الذات[/COLOR]
هذا المنشور منقول من صفخة احد.الاطباء وأسمه اشرف صبري موسى
وهنا يفسر بالقصة ملام الشيخ بالأعلى ربوا اولادكم
لأن المشكلة غالبا تبدأ من الطفولة
التربية لها تأثير هام.جدا على الشخصية
الام قد تربي شخصية ترجسية تدمر حياة انثى
او شخصية مقهورة تدمر نفسية انثى بضعفها لان المراة تخب القوامة للرجل بفكرتها. وقد.يؤدي ضعفه لتدخل الاهل فيزيد الطين بلة
وكأن الأهل يزوحون ابناءهم ليحققوا أخلامهم هم لا لاحل مصلخة الأبناء ولا يعلمون أن العاقبة ستمتد لأحيال أ أخرى
