هل الحاله المادية تأثر على الحياه الزوجيه؟

[ملاك80]

السلام عليكم بنات

أنا عازبه عمري 30 سنه، و موظفه، تقدم لي مطلق و عنده عيال من مطلقته

الريال اخلاقه و دينه على احسن ما يكون

المشكله انه راتبه ضعييف (أقل عن 10 آلاف درهم)، و أنا تقريبا 3 أضعاف راتبه

غير انه يعطي ثلث راتبه للنفقه

إذا كنت من نصيبه و هذا وضعه، هل بتكون حياتي مستقره معاه؟

هل يتوقع مني اني اصرف على البيت؟ الصراحه ما احترم الريال اللي ياخذ من راتب حرمته، إلا إذا من نفسها عطته

بليييييز بنات ، عطوني رايكم

 

[سحابه صيف]

اممممممممممم

بصراحه صعبه

بس اذا انتي مقتنعه بالريل الله بيسهلها

"خذوهم فقراء يغنيهم الله"

استخيري وايد اختي والله يكتب لج الخير​

 

[ملاك80]

هذي هيه المشكله ، أنا موب مقتنعه، بس أخاف أكون غلطانه

قريت مره احصائيه إنه 80% من المشاكل الزوجيه سببها الماده

أنا ما أريد ريال غني، بس أبا ريال يقدر يعيلني و يقدر يفتح بيت و يصرف عليه و على عيالي

أفكر في المستقبل، إذا قررت أربي عيالي و أيلس في البيت، إذا كان هذا حال ريلي ما بقدر، بس إني بأثر على مصروف البيت

أبا استقرااااااار

 

[ليتني ما كنت]

ما فيها شي تقدرون تتفقون
مشاكل الماده تيجي من عدم الإتفاق بين الزوجين
يعني هو عليه شي وانت عليك شي كمساعدة يعني ومو عيب الزوجة تساعد زوجها بس ما ياخذ عليك ويستغلك بعدين يعني كوني حازمه وحذره معاه وخلي عينك مفتحه

الله يوفقك

 

[om miryam]

دحين غالبية النساء بيساعدو رجالهم ايش تسوي ازا هوا كدا وضعو هوا يمكن مظلوم مكافح وكل شي بس الحظ ما حالفو ما يتزوج؟

 

[اخصائيةاجتماعية]

حبيبتي انصحج استخيرررري

قبل لا تقررين و استشيري شخص متخصص

و فاهم ... لآن هالمووضوووع صعب للأماانه

و بتشووفين مشااااااكل كثيرررره ممكن تترتب على هذا الامر

الرجل ملزم بالشرع بالانفاق + السكن + الملبس+ الاطعام

للمرأه حتى و ان كاانت غنيه و هو فقير

والله ما حط الشرع جذي الا لأن اعلم بنفووس البشر

و ان هذا انسب شيء للمرأه و قواامه الرجل على هذا الاساس

الرئيسي الانفاق و الرعايه ...

انا شخصيااا ما انصحج تجازفين بس استخيري ثم استشيري

لآن المشاكل الماديه بين الازوااج مشكله تترتب عليها اموور واايد




الله يفتح عليج و ادعي بهالااياام المبااركه

 

[رحـى]

رمضان كريم ومبارك وطيب,,
القوامة للزوج الغالي,,وتحسسه برجولته,وبقدرته على الإنفاق على أسرته,وحمايتها بعد الله سبحانه,,
بإمكانك المُساهمة في النفقة البيت,ولكن ليس العبء عليكي بالكامل,,
وإن شاء الله ربي يرزقه كما يحب,بلا ظلم لنفسه و لا لكِ,,
إلهي يسخر لك ما تريدين,,وتتمنين,,ويوفقك بكل خطوة,,اللهم آمين,,

 

[ملاك80]

أشكركم على ردكم لموضوعي

فكرت وااايد في موضوع الريال و قررت إني أرفض، شاورت كل المتزوجات اللي أعرفهن و عرفت إنه هذي المشكله بتأثر على حياتي معاه

بعدين الريال قال في البدايه بيسكني بروحي، و الحين غير كلامه و قال بيسكني في بيت أهله إلين ما يحصل دوام يديد و يتحسن وضعه

أنا قلتلهم ، خلي يحسن وضعه و يستقر ماديا و إذا فكر يخطب مره ثانيه حياه الله

أتمنى ربي ما يغضب عليه على تصرفي هذا