هل التأكد من موافقة الزوجه الاولى ضروريه؟؟؟

[هادية الطبع]

حبيت استشيركن في موضوعي

انا تقدم لي شخص متزوج في البدايه كنت متردده

وصلية استخاره اكثر من مره وارتحت له ووافقة عليه وخصوصا انه انسان على دين وخلق
بس الشئ الي خايفه منه


كيف اعرف اذا زوجته الاولى موافقه ولا؟ لان ماباقي الااسبوعين على الملكه ؟؟؟ هو وامه في يوم الشوفه خبروني انها زوجته قبل كانت معارضه بس بعدين وافقة هل لازم اتأكد من ذالك ولااقتنع بكلامهم ؟؟

وفي وحده من صديقاتي قالتلي اذا تزوجتيه زوجته بتدعي عليكِ

هل من حق الزوجه الاولى تدعي على الثانيه بدون سبب مجرد انها وافقة على الزوج؟؟

وخطيبي يريدنا نكون مثل الاخوات ونكون اسره وحده واذا رضينا احنا الاثنتين نسكن مع بعض بيسكنا في بيت واحد واذا عارضنا بيكون لكل وحده بيت ,, انا قلتله بفكر نصحوني هل اشترط بيت خاص واقوله اني معارضه نسكن في بيت واحد

والي عندها خبره ياليت تقولي هل الزواج من متزوج فيه اكثر ايجابيات ولاسلبيات وخصوصا اذ كان الرجل ملتزم؟

 

[حبي لهـ وحدهـ]

عزيزتي بكلمك من خلال تجربة أبوي الله يحفظه
علماً أن أمي الأولى من رأي إذا أنت ماعندك ماااانع تتزوجي و تكوني الثانيه مو لازم تنبشي و تعرفي إذا الأولى موافقة أو لا هذا بينها و بين زوجها و عااااااادي ليش تخافي تدعي عليك أنت ماسويتي شي حرااااااااام هو بنفسه جاء و بيتزوجك على سنة الله
أما حكاية البيت حبيبتي مايبغى لها تفكير أكيد كل وحده يكون لها بيتها الخاص عشان تأخذي راحتك انت و زوجك و كمان عشان تقل المشاكل.
و بس إن شاء الله أفدتك
و الله يوفقك و يسعدك .

 

[لمن يجرؤ]

اولا عزيزتي الله يوفقك ثانيا الزواج ليس جريمه اذا الرجل يعرف حقوق الاولى والثانيه ولا يظلم وحده لا في مبيت ولا في مصاريف

وبعدين اختي صديقتك لما تقلك زوجته بتدعي عليك

ليش هالكلام ورب العالمين حرم الظلم على نفسه فكيف يأمر به

يعني هذا شرع حلله ربي

انا عن نفسي لما تزوجت زوجي كان ملمح لها وبعدالملكه خبرها واتصلت فيني وقالت لي انا مش زعلانه بس ماكنت ابيه يخبي عليه
وانا ماراح اعترض على امر حلال وهو ماقصر معاي وكانت تبكي

طبعا انا انحرجت منها كثير اعرف اني ما سويت شي غلط بس مهما كان لو انا مكانها بصيح وبتجنن بعد

المهم فالنهايه هي رضت بالامر الواقع

وزوجي اول بأول ماقصر فيه لو قصر بحقها

توصل لدرجة اني ازعل منه لو سوى اي تقصير من جانبها

لاني ما ارضى بالظلم

وعايشه انا فحالي وهي فحالها

ورفضت فكره اننا نكون فبيت واحد والسبب اني حسيت اننا كذا بعيد احسن اخاف اعيش معاها ببيبت واحد تصير مشاكل


بس لازم تعرفين ان الرجال المتزوج ماهو امر هين لازم تتحملين كثير من الاشياء ولازم تكوني عاقله وتعرفين

يعني انا هذا زواج لي وسبحان الله زواجي الاول بعد كنت الثانيه وتطلقت بعد اربع شهور والسبب هي
سبحان الله الزواج نصيب اول مره زوجة ثانيه وثاني مره زوجه ثانيه راضيه بحكم ربي ولاني زعلانه حتى من طلاقي الاول لانه نصيب وقدر مكتوب اشوفه غصبا عني

 

[غلا روحي ليول]

اهم شي كل وحده في سكن خاص لها

 

[cuteSusu]

والله ما اعرف بالنسبة لموافقة الزوجة الاولى
بس حبيت أقولك احذري من السكن المشترك
أبدا لا لا وألف لا
كل وحدة لها سكنها الخاص وخصوصياتها
عشان تاخذي راحتك في لبسك وشكلك
وكمان تديري بيتك ومطبخك على راحتك
البيت الواحد ما ينفع له ملكتين لكل وحدة مملكتها
ابعدي عن الشر والمشاكل والغيرة
وكل وحدة ف حالها
الله يوفقك
مع اني ضد فكرة الزوجة الثانية
بس برضو الله يوفقك ويكتبلك الخير​

 

[المــهــا]

يابنت الحلال ابعدي عن الشر وغني له

وش لك بوجع الراس من متزوج

 

[المقتولة]

حبيبتي ....

مافي زوجة راح تكون موافقة ابدا حطي هذا ببالج عدل ... هذا اولا

ثانيا : اهم شي انها تكون عارفة بالموضوع مو يسويها من وراها عشان المشاكل اللي تظهر بعد الاشهار ...

ثالثا : نبهيه انه يوم العرس لا يروح يتعدل في بيته ابدا ابدا عيييييييب وهي مو مجبورة تتحمل ياخذ اغراضة ويروح شقتكم يتجهز فيها ويطلع للقاعه

واذا صليتي استخارة ومقتنعه مبروك ... بس كوني في حالج لا تزعجينها ولا تزعجك ... لما يكون عندج كأنه لج بروحج لا تتصل الا اذا في شيء طارئ وانت نفس الشي اذا هو عندها ولا كأنه ريلج الا اذا في شي طارئ (هذا الشي نبهيه له) ولا تجيبيت سيرتها خير شر ... واذا جا لعندج متضايق منها اقصري الشر ولا تتكلمين بس قولي ان شاء الله بتنحل الامور بينكم بس تعوذ من ابليس ولا تزيدين... واذا كنتي بتطلعين مع خواتج في يوم مو لج طرشي له مسج من غير حبيبي وها الكلام راعي انها ممكن تشوفه .. يعني اكتبي مساء الخير يا بو فلان اذا عنده عيال من حرمته ممكن اطلع اليوم مع اهلي لـــــــــ .................... وبس

بالتوفيق حبيبتي

 

[رازيا]

مع لمن يجرؤ
مو ضروري موافقة الزوجة الاولى ولكن هذا يرجع لطبيعة شخصية الزوج اذا انسان متفاهم وياخذ ويعطي وعنده قدرة على العدل او لا كل هذا ضروري معرفته

 

[احساس صعب]

الله يوفقك ويسعدك
أقولك يا أختي الكريمة ماهو لازم تعرفين رأي الزوجة الأولى لأنها أكيد ما بترضى زوجها يتزوج عليها ومن ناحية بتدعي عليك فأنتي ما فعلتي أمراً محرماً أنتي تزوجتي على سنة الله ورسوله
ومن ناحية السكن فالأفضل أن تكوني في بيت مستقل لتأخذي راحتك وكامل حريتك ولا يحصل حزازيات ومنازعات
وهذا من واقع التجربة عشت في بيت فيه ثنتين في بيت أبويه وتعبت كثير فابتعدي أحسن لك الله يحفظك
ولا مانع أن تكون علاقتك بها طيبة وتعتبريها أخت لك
وربي ييسر لك الخير ​

 

[وبشر الصابريـن]

ومن ناحية السكن فالأفضل أن تكوني في بيت مستقل لتأخذي راحتك وكامل حريتك ولا يحصل حزازيات ومنازعات

اتفق معاها ولاتنازلي عن شي

 

[نونة الرقيقة]

من الافضل بيت مستقل وترى الزواج من متزوج له اجابيات

 

[مابقى لي اسم]

المهم ياقلبي لاتكوني مخدووعه .............فيه بس

ترى زوجي تزوج وحده وهي مااتعرفه وماايعرفهاا عن طريق صااحبه

عجبهاا انه يعمل وكيييل لجهت عمله وراتب كبير ولديه عماره ولديه سياره قيمتها 200الف ...
وكل هذاا جااه بعد مااتزوجني لانه كان طالب
والعماره والسيااره اقساااط وانا حتى غرفت نومه لها 17 سنه مااغيرتها والسبب عندي اقساط اصبري بس تتعدل الضرووف غير اعووضك

والله يااقلبي خلص قصد سحب بداله قصدين وتزوجهااا...
وانا غير ارااضيه وهي ماالها ذنب بالنسبه لها لقطه وخاافت تعنس قال بااخذه يعيشني بعز ...ولان خليهاا تعيش بعز وهو كله اقصااد ودين ومشااكل

وهي مااتدخلت فيهاا مع انهاا تسال عني وتطلب منه تزورني يااقو عينهاا تبي تشووف الضحيه اللي جرحتهاا وهي عندهاا بكل شي فعله معي زوجي بسبب زوجه منها

بس نصيحه ياالغاليه اذاا وافقتي لابد تكوني قدهااا مو تجربه بس وحب عرس

 

[نضوج أنثى]

شوفي أولا واخيرا لازم تستخيري كم مرره وبعدين مو لازم تسمعين موافقتها أحيانا الرجل يضغط على زوجته عشان تقول للزوجه الثانيه انها موافقه ويكسر بخاطرها خليها بحالها وخليك بحالك وقولي لزوجك كل وحده من الحين في بيت ومالها دخل بالثانيه خليك واضحه من الحين عشان بعدين ماتصير مشاكل يعني غالبا الزوجه الاولى تكون صبرت وتعبت على مايكون الزوج مستقبله مرره صعب تلقى حتى شريكه لها في ابسط حقوقها بيتها انتي الثانيه ممكن يتقبل منك اكثر منها بحكم انك عروسه واللي ماترضيه على نفسك لاترضيه عليها قولي له ماابي اختلط فيها ولا اعيش معاها وخليك دايما مع الحق ربي يوفقك حتى لو كنت تغاري لو حسيتي بيوم انه قصر معاها عاتبيه وانصحيه صدقيني ربي يبارك لك في حياتك

 

[ادور حلول]

لا تعليق انا زوجه اولى

 

[أم البيان]

اشرطي السكن لحالك ضروري لاتفرطي في هذا الشرط
وسلبيات الزواج برجل متزوج اكثر من الايجابيات بكثير
انت استخيري والله يكتب لك اللي فيه الخير

 

[المجروحــــة]

أنا زوجة ثانيه لا تشوفينها أبببببببببببببببببببببببببد نصيحة أنا جتني الصبح الزواج جايبه هديه ويقول موافقه بازم لازم تغار
بس قعت معه اربع ايام وتركني عند اهلي بدووووووووووووووووووووووون أي سبببببببببببببببب
الحين لي اسبوعين عند اهلي مظلومه بس انتبهي لا تكلمين عنها ولا تسمحيله يتكلم عنها وخليك بعيدة لانه تبي تغارين وعياله أكيد يحبهم ويتكلم عنهم لازم تكونين قويه
أنا أخذته بنت عمري 26 وهو 40 بس أخذنه علشان دينه واخلاقة وهذي اخرتها
أنا مودي اخوفك بس تخذين حذرك وصصصصصصصصصصصصصصصصصليييييييييي استخارة قومي باليل وسالو عنه واذ كانت موافقهاالزوحه الثانيه أكيد الرجال به شي ادعي ربك

 

[صيته 2011]

انا بصراحه لما تزوج علي زوجي دعيت عليه وعليها ان الله لايوفقه ولا يجمع بينه وبينها
ودعيت ان الله لايهنيه ولا يوفقه

ولما تزوج وخذها مارتاح لها وتركها وخلاها لاني ماقصرت فيه بشي ولاني قلبي مو راضي عليه ولانه ماخبرني لما ملج

وظليت ادعي عليه الليل والنهار الله لايوفقه في هالزيجه

 

[*ام رغد*]

عزيزتي
استخيري اولا واخيرا واخلصي النية لله تعالى
ونصايح الاخوات مفيدة وصحيحة
والله يقويك
من ناحية البيت طالما ان عنده القدرة اشترطي بيت لوحدك

بعد الزواج بتعرفي الاسباب

لاتكوني مثلي
قلت ملتزمين ويعرفوا الله
اكتشفت ان الدين ماله دخل في الحياة الا من رحم ربي

عشت ثلاث سنوات شفت العجب
واخيرا خرجت بما بقي لي من كرامة
والحمد لله لولا ان قذف الله بمحبتي في قلبه
ولولا نيتي الطيبة واستخارتي
لكان مصيري بيت اهلي من يوم الصبحية
طلع الاخ ماخذني تحدي من زوجته
وجايبني في نفس البيت حسب تحديها

الله يسامحه ويسامحها ويسامح كل من شارك معهم وهو عالم بنواياهم

في الاخير هذا قدري ورضيت به
والله عنده خير

 

[حزينه حد الجنون]

الله يوفقك ويكتبلك الخير الزوجه الاولى طبيعي تزعل في الاول بعدين الله يعيينها وبتتقبل الوضع اما السكن انتبهي سكنك خاص لك احسن وابرك تاخذي راحتك فيه وتهتمي بنفسك وزوجك والله يوفقك

 

[أحساس امرأه]

وش لك بشايب ومتزوج ؟ خوذي واحد قريب من عمرك
وابعدي عن المشااااكل ولاتحسبينها موافقه ابدااا مافي وحدة ترضى بموافقته
الاالي عايفتة لاتغرك الاشكال والكلام المعسووول
والله اني اعرف ملتزم ويقال له يطبق السنة ومتزوج 4 وحالتهم يرثى لها
اكل موفره بالاعياد يشري لهم غيرة لا
اكرفي وكولي مع عيالك وانتي ساكتة ؟ وخيرة للنااااس