السلام عليكم
اشحالكم يابنات
بصراحة بدش بالموضوع على طول .. مالي خلق مقدمات قلبي يعورني :sad_1:
انا عندي افكار واعتقادات مكتسبة ومقتحمة مخي بشكل غريب .. والله اني ماكنت افكر جذي وما ادري هالتفكير صحيح علشان احفظ حقوقي او لا ؟؟ من كثر ما تأثرت بعد بسوالف عدم التنازل عن الحقوق والمطالبة وعدم الضعف صرت اصر عليها اكثر لين طفشت وكرهت حياتي
سبق وقلت ان زوجي الحين مسافر ونتواصل بالمسنجر والتلفون ... ومو هذي المشكلة
المشكلة احس انها فيني
يعني ... حاطة ببالي اني لما ارسل له مسج لازم يرد علي واذا مارد اتنكد واتكدر واحتمال وارد جدا تصير بينا هوشة كبيرة لهالسبب .. وياما حصل هالشي
وثانيا .. افكر انه لازم يقعد معاي وقت طويييييل بالنت ... هو مرات يقعد معاي 5 او 6 ساعات واذا مصحصح ومو نعسان وماعنده شي يقعد اكثر .. بس مرات يقول لي انه نعسان ويبي يقعد معاي بس مو قادر او عنده شغل او شي ويقعد معاي ساعتين او ثلاث .. وانا موعاجبني هالشي وحاطة ببالي انه لازم كل يوم يقعد اقل شي 5 ساعات:tears: هالفكرة راح تجنني يعني اذا قعد ساعتين او ثلاث .. تصير الافكار تاخذني وتجيبني
واشك وحالتي حاله .. واذا يوم مادخل وراحت عليه نومة او شي منعه اسوي له مصيبة واشك فيه ونتهاوش لين يزفني ويقول لي مليت من هالنكد وكرهتيني عيشتي ودنيتي وكل شي .. لاتكرهيني فيج
انا احاول اقعد معاج كثر ما اقدر مو لاني مجبور لاني انا ابي هالشي واشتاق لج واحبج وانتي ماتقدرين ومايعجبج العجب .. افففففففففففففف طيب انا شو اسوي هذي الفكرة ذابحتني
وخلاص راسخ فيني انه لازم يوميا يقعد معاي ويطول بعد ... مو من حقي هالشي ؟ ولا تفكيري غلط ؟
وبعد اذا مادخل او تأخر وما ارسل مسج وعلمني انه مابيدخل .. اعصب واعتفس وطبعا نتهاوش
وكثير مرات من اول مايدخل اكون ضاربة بوز واستقبله بنكد .. وهو يتضايق يقول بدال ماتستقبليني استقبال حلو ؟؟؟
طيب انا حاطة ببالي اني لو اسكت واستقبله استقبال حلو راح تعجبه السالفة وماراح يهتم اذا تأخر علي او لا لانه عارف اني ماراح اتضايق .. غلط تفكيري ؟
اااااااااااااااااااااه بنفجر
يعني اللي ببالي دوم اني المفروض ما اطوف شي ولا اسكت عن شي مضايقني علشان مايتعود .. وهذا سبب هواشاتنا الشبه يومية :thumbdown: مادري شلون لحين متحمل ويحبني لوووووووول
بس مرات احس انه يخوني مادري هالشي صحيح ولا من كثر الوساوس والشكوك
وبصراحة بعد صايرة مايعجبني شي .. يعني مرات لما يرسل مسجات لفترة ومايتصل اتضايق واقول له اتصل لو دقيقة
بعدين مرت فترة دوم يتصل حتى لو ارسل مسج يرد باتصال وهم مو عاجبني .. اقول له ليش ماترسل ؟
ومرات مايدخل ومايعلمني واقوله ليش ماقلت يقول ماقدرت او ماكان عندي رصيد .. واقوله طيب اكتب ايميل او بالمسنجر عالاقل احس انك مهتم ... واذا سوى هالشي اتضايق واقول مستخسر فيني مسج !!!
اطلع من هدومي ؟؟؟ اطخ نفسي بمسدس ماي ؟؟ انتحر بخيط عنكبوت ؟؟ علموني شسوي
دوم لما يعصب يقول لي هذي سوالف جهال ومو المسج هو اللي راح يدل على حبي لج
حبنا اكبر من هالشي .. انزين اذا مو المسج ولا الاتصال ولا قعدتنا هم دليل الحب شلون اعرف اللي بقلبه اذا مابين على تصرفاته ؟
وهم يقول لي لازم تفهميني وتكبري عقلج وشيلي من بالج فكرة انج تعاقبيني بالنكد وتفكرين انج لو سكتي راح اتعود على هالشي لاني عارفج عدل واعرف شو تفكرين :santa_1:
واليوم مادخل ولا علمني انه ماراح يدخل وطبعا انا ناطرة .. والصبح كتبلي ( حبي ادري انج متضايقة وانا بعد منبطة جبدي ) بسسسسسسس وطول اليوم مو مبين وانا طبعا مارديت عليه وقبل شوي كتبلي بعد انه ماقدر يدخل لان العمال يسوون صيانه عنده وبيحاول يدخل بس مو اكيد يعني اذا قدر .. وترددت ارد عليه او لا
طيب لو رديت باسلوب وكلام حلو راح ينبسط ويقول الحمدلله عدت على خير ويمكن يكون قاعد يكذب علي ويقول الهبلة صدقت :sadwalk:
او يتعودها او ما اعرف شو من افكاري اللي مجننتني
وكنت مابرد عليه
المهم بالاخير رديت وكتبتله ( توني دخلت وشفت كلامك .. وسوي اللي تبيه حبي ) :busted_red:
علموني شو اسوي ..؟؟؟
لما يدخل استقبله مثل الناس ولا ابينله اني متضايقه ولا اخليه يعرف اني واثقة فيه ومقدرة ظروفه ؟؟
ابي اعرف شو اتصرف قبل لايكلمني
كثر النكد راح يطفشه مني بس هم احس لو ادلعه دوم واذا غاب او سوى شي ماعجبني واقوله كلام حلو راح يتعود هالشي
علموني تكفون ... يمكن سوالفي هبلة ومالها داعي لاني اصغرررررررر منكم :harhar1:
بس عاد اخذوني على قد عقلي وعلموني من خبرتكم وحكمتكم لاني مرات احس بيأس واحباط من هالسوالف
واحس هذا هو مقياس الحب والدليل عليه ولو ماسواه معناها مايحبني وعنده حد غيري
:tears: :tears: :tears: :tears:
وعلموني لو ابي شي استخدم اي اسلوب ؟ يعني لو ابيه يتغير عن التأخير احيانا او يتعود دوم يرد علي اي اسلوب اتبع ؟ النكد والزعل ولا الكلام الحلو
اشحالكم يابنات
بصراحة بدش بالموضوع على طول .. مالي خلق مقدمات قلبي يعورني :sad_1:
انا عندي افكار واعتقادات مكتسبة ومقتحمة مخي بشكل غريب .. والله اني ماكنت افكر جذي وما ادري هالتفكير صحيح علشان احفظ حقوقي او لا ؟؟ من كثر ما تأثرت بعد بسوالف عدم التنازل عن الحقوق والمطالبة وعدم الضعف صرت اصر عليها اكثر لين طفشت وكرهت حياتي
سبق وقلت ان زوجي الحين مسافر ونتواصل بالمسنجر والتلفون ... ومو هذي المشكلة
المشكلة احس انها فيني
يعني ... حاطة ببالي اني لما ارسل له مسج لازم يرد علي واذا مارد اتنكد واتكدر واحتمال وارد جدا تصير بينا هوشة كبيرة لهالسبب .. وياما حصل هالشي
وثانيا .. افكر انه لازم يقعد معاي وقت طويييييل بالنت ... هو مرات يقعد معاي 5 او 6 ساعات واذا مصحصح ومو نعسان وماعنده شي يقعد اكثر .. بس مرات يقول لي انه نعسان ويبي يقعد معاي بس مو قادر او عنده شغل او شي ويقعد معاي ساعتين او ثلاث .. وانا موعاجبني هالشي وحاطة ببالي انه لازم كل يوم يقعد اقل شي 5 ساعات:tears: هالفكرة راح تجنني يعني اذا قعد ساعتين او ثلاث .. تصير الافكار تاخذني وتجيبني
واشك وحالتي حاله .. واذا يوم مادخل وراحت عليه نومة او شي منعه اسوي له مصيبة واشك فيه ونتهاوش لين يزفني ويقول لي مليت من هالنكد وكرهتيني عيشتي ودنيتي وكل شي .. لاتكرهيني فيج
انا احاول اقعد معاج كثر ما اقدر مو لاني مجبور لاني انا ابي هالشي واشتاق لج واحبج وانتي ماتقدرين ومايعجبج العجب .. افففففففففففففف طيب انا شو اسوي هذي الفكرة ذابحتني
وخلاص راسخ فيني انه لازم يوميا يقعد معاي ويطول بعد ... مو من حقي هالشي ؟ ولا تفكيري غلط ؟
وبعد اذا مادخل او تأخر وما ارسل مسج وعلمني انه مابيدخل .. اعصب واعتفس وطبعا نتهاوش
وكثير مرات من اول مايدخل اكون ضاربة بوز واستقبله بنكد .. وهو يتضايق يقول بدال ماتستقبليني استقبال حلو ؟؟؟
طيب انا حاطة ببالي اني لو اسكت واستقبله استقبال حلو راح تعجبه السالفة وماراح يهتم اذا تأخر علي او لا لانه عارف اني ماراح اتضايق .. غلط تفكيري ؟
اااااااااااااااااااااه بنفجر
يعني اللي ببالي دوم اني المفروض ما اطوف شي ولا اسكت عن شي مضايقني علشان مايتعود .. وهذا سبب هواشاتنا الشبه يومية :thumbdown: مادري شلون لحين متحمل ويحبني لوووووووول
بس مرات احس انه يخوني مادري هالشي صحيح ولا من كثر الوساوس والشكوك
وبصراحة بعد صايرة مايعجبني شي .. يعني مرات لما يرسل مسجات لفترة ومايتصل اتضايق واقول له اتصل لو دقيقة
بعدين مرت فترة دوم يتصل حتى لو ارسل مسج يرد باتصال وهم مو عاجبني .. اقول له ليش ماترسل ؟
ومرات مايدخل ومايعلمني واقوله ليش ماقلت يقول ماقدرت او ماكان عندي رصيد .. واقوله طيب اكتب ايميل او بالمسنجر عالاقل احس انك مهتم ... واذا سوى هالشي اتضايق واقول مستخسر فيني مسج !!!
اطلع من هدومي ؟؟؟ اطخ نفسي بمسدس ماي ؟؟ انتحر بخيط عنكبوت ؟؟ علموني شسوي
دوم لما يعصب يقول لي هذي سوالف جهال ومو المسج هو اللي راح يدل على حبي لج
حبنا اكبر من هالشي .. انزين اذا مو المسج ولا الاتصال ولا قعدتنا هم دليل الحب شلون اعرف اللي بقلبه اذا مابين على تصرفاته ؟
وهم يقول لي لازم تفهميني وتكبري عقلج وشيلي من بالج فكرة انج تعاقبيني بالنكد وتفكرين انج لو سكتي راح اتعود على هالشي لاني عارفج عدل واعرف شو تفكرين :santa_1:
واليوم مادخل ولا علمني انه ماراح يدخل وطبعا انا ناطرة .. والصبح كتبلي ( حبي ادري انج متضايقة وانا بعد منبطة جبدي ) بسسسسسسس وطول اليوم مو مبين وانا طبعا مارديت عليه وقبل شوي كتبلي بعد انه ماقدر يدخل لان العمال يسوون صيانه عنده وبيحاول يدخل بس مو اكيد يعني اذا قدر .. وترددت ارد عليه او لا
طيب لو رديت باسلوب وكلام حلو راح ينبسط ويقول الحمدلله عدت على خير ويمكن يكون قاعد يكذب علي ويقول الهبلة صدقت :sadwalk:
او يتعودها او ما اعرف شو من افكاري اللي مجننتني
وكنت مابرد عليه
المهم بالاخير رديت وكتبتله ( توني دخلت وشفت كلامك .. وسوي اللي تبيه حبي ) :busted_red:
علموني شو اسوي ..؟؟؟
لما يدخل استقبله مثل الناس ولا ابينله اني متضايقه ولا اخليه يعرف اني واثقة فيه ومقدرة ظروفه ؟؟
ابي اعرف شو اتصرف قبل لايكلمني
كثر النكد راح يطفشه مني بس هم احس لو ادلعه دوم واذا غاب او سوى شي ماعجبني واقوله كلام حلو راح يتعود هالشي
علموني تكفون ... يمكن سوالفي هبلة ومالها داعي لاني اصغرررررررر منكم :harhar1:
بس عاد اخذوني على قد عقلي وعلموني من خبرتكم وحكمتكم لاني مرات احس بيأس واحباط من هالسوالف
واحس هذا هو مقياس الحب والدليل عليه ولو ماسواه معناها مايحبني وعنده حد غيري
:tears: :tears: :tears: :tears:
وعلموني لو ابي شي استخدم اي اسلوب ؟ يعني لو ابيه يتغير عن التأخير احيانا او يتعود دوم يرد علي اي اسلوب اتبع ؟ النكد والزعل ولا الكلام الحلو
