هل اخطيت على اخوي

[البحري]

لي اخو يثق فيني ويشكيلي همومة ويشاركني براية وانا من هالثقة صرت اتابعة واتدخل بكل قراراتة حيث منحني الثقة وكان يمتدح ارائي ولكني احس اني اندفعت هالمرة بالخطاء ومحتاجة ارائكم قبل فوات الاوان المشكلة هي انه يرغب الزواج من زوجة ثانية وهو مقتدر وحاولت اني اقنعة بالاستقرار مع زوجتة واولادة بكل الطرق من اكثر من ستة شهور ولكنة مصر وطلب مني ان اساعدة واختارلة زوجة جميلة ونظرا لاصرارة وجدة له مرأة مطلقة مرتين فيها كل الصفات التي طلبها ووافق وراح وخطبها بعد ان سهلت الامور بينهم ولكن فوجئت بزعل اخواني الاخرين يقولون اني انا اللي ورطتة خاصة ان معها ولدين واحس اخوي الان تغير علي له يومين ماكلمني واذا كلمتة يقول هالحين مشغول الموضوع مجرد خطبة وانا لي يومين ماانام كيف اتصرف شاركوني الله يجزاكم الجنة حتى بناتي زعلانات علي لان لها اولاد واولادها هي المشكلة علما انهم عند ابوهم الاول

 

[&لحظه صمت&]

هلا اختي
انتي سويت الي طلب منك انا صارلي موقف مثل موقف بس صراحه رفضت طلب اخوي لانه اخوي من ابوي وعلاقتي معه عاديه
طيب الحين اخووك مايكلمك ليه يعني زعلان منك لانك اخترتيله هاذي وهو تركها ولا لازال راغب فيهااااااااا
انتي حاولي انك تطلعين من الموضووع وتنسينه 000لان الموضووع صار وخلاص

 

[البحري]

لا ياقلبي لحظة صمت الله يوفقك يمكن حسفوة علشانها مطلقة مرتين ومعها عيال هو ما قال شئ بس اللي يقولونة اخواني مالقيتي الا هذي عسى مافقد اخيي

 

[m2008]

وزوجته الاولى لهذة الدرجه ما مسوتلها اعتبار حرااااااام ....ليش تسوين لنفسك عداوات لو صار لك نفس الموقف شو بتسوين .....تحلين مشاكل اخوج تمام ورايتج بيضاء ولكن تدورين له عروس !!!!!!!!!!
الله يعين زوجته عليكم ....وانا مستغرب الاهل همهم بس انه العروس عندها عيال !!!!!! وزوجتة الاولى مالها اعتبار؟؟؟؟

 

[البحري]

شرفني مرورك ولكن الرجال مصر من زمان على الزواج واعرف ظروفة ومتاكدة انه يحب زوجتة ولا راح يظلمها لانه ملتزم ويخاف ربه

 

[نسيم عابر]

الله المستعان

 

[إحساسي ألم]

انا نصيحتي لك ماتظلمين زوجة اخوك الاولى وحطي نفسك مكانها وحاولي تحلينها في نظر اخوك بدل ماتدوريله عروس واذا كان مصر اطلعي انتي من الموضوع لان الدنيا دواره00

 

[ترانيم الألم]

المثل يقول :امشي في جنازه ولا تمشي بزواجه...........مسؤليه كبيره انك تنتقين لأحد عروس وتدوري له........كيف اذا بعد صار زواج ثاني؟؟؟؟؟؟...........بس بصراحه برايي مااخطيتي على اخوج ولا شي لانه مو طفل انتي كنتي واضحه معاه ومبينه له ظروف الي بيتقدم لها الا اذا ماعجبته وقاعد يتحجج او انه اخوانج الثانين اثرو عليه وقالو له عندها طفلين وابلشت فيها ...........

 

[الشحرورة]

انا صار لي نفس الموقف مع اخوي بس صديته وقلتله حرمتك ما في احسن منها

وانها وانها وقلت اذا بتزوج علي بس ابارك لك بس اني اختار لك هذا الصعب

مع انه علاقتي مع حرمه اخوي اكثر من العادية يعني ما شي علاقة من بيني وبينها

بس ع قولت وحده من الخوات الدنيا دوارة اخاف ف يوم يصير فيني نفس الي صار ف حرمته الاولي


وقلت اغسل ايدك مني عروس ماني مدورة لك وبس


الله يعينج صعب الموقف الي حطيتي عمرج فيه الحينه الناس بتقعد اتقول انتي الي وزيته

وخليتيه يعرس

 

[نديمة الشذا]

:
.
هلا عيوني

لا اعتقد ابدا انك اخطأتي

والزواج قسمة ونصيب

واخوك ماله حق يزعل لانك سويتي اللي طلبه منك

وليس لك مصلحه في ذلك

لذلك قدر الله وما شاء فعل

وبعدين يابنات يمكن الرجال عنده ظروف تبيح له الزواج باخري

وليس التعدد علي كل حال سيئ

انه امر شرعي

لاغبار عليه,,

تحياتي
:
.

 

[محبة النبي محمد]

وزوجته الاولى لهذة الدرجه ما مسوتلها اعتبار حرااااااام ....ليش تسوين لنفسك عداوات لو صار لك نفس الموقف شو بتسوين .....تحلين مشاكل اخوج تمام ورايتج بيضاء ولكن تدورين له عروس !!!!!!!!!!
الله يعين زوجته عليكم ....وانا مستغرب الاهل همهم بس انه العروس عندها عيال !!!!!! وزوجتة الاولى مالها اعتبار؟؟؟؟

صحيح زوجته الاولى حرام عليكم :dunno:
بتموووووووووووت قهر اذا تزوج عليها:tears:

 

[تحيه للعلم]

والله لو التعدد بالزواج مباااح لنا احنا يالحريييم جان انا اول من عدد:shiny:

والريااال ابخص بزاجه الثاني خصوصا وانه ملتزم يعني باذن الله ماراح يظلم احد زوجاته اذا يخاف

ربه..

وانتي يااختي مااخطيتي واللي مطلوب منج سويتيه وبعدين ماني شايفه مشكله في المطلقه دام ان

عيالها عند ابوهم ومثل ماهو عنده عيال عادي هي بعد لها عيال أهم شي تكون زوجه ثانيه متفهمه

ومستعده انها تكون ثانيه...

بالتوفييييييييق:icon26:

 

[دونيا123]

في هذاالزمن علي قولتنا نحن المصريين
امشي فجنازه ولاتمشي فجوازه

اسفه اختي للتعبير الله يخليكم لبعض
بس انتي تسوي خير وينقلب عليكي
اتكلمي وياه وشوفي ايه اللي مزعله وحاولي تهديه
واشرحيله انك كنتي تبي تريحيه
والله يصلحلك الحال
وخرجي نفسك من الموضوع لو ان الله كاتبله يتزوج باخري سيتزوجها وبدون متزعلي احدمنكي

 

[سمنة غنم]

مادري ليش القلوب كذا وش فيها زوجته الاولى والله فسق الله يعين زوجته الاولى عليكم خلي نفسك مكانها لايؤمن احدكم حتى يحب لاخيه مايحب لنفسه (الله يستر ماتنحاس زوجته الاولى بسبب تصرفك انتي واخوك)
اعذريني بكلامي انا ماعندي الا الصراحه

 

[*شوكليت*]

تخيلي روحج مكان زوجته الاولى ..
ترضين حماتج تخطب لزوجج ؟؟
اذا هو مصر ,كيفه يدبر عمره بس لا تخطبينله,,

 

[عيارة]

لو استوى فيك مثل هذا بتقبلى على نفسك وشحال زوجة اخيك المسكينة مع اولادها على قولك انه يحبها كثير الى يحب مايطعن الى يحب الله يستر عليك وعلى مرة اخوك المسكينة