هل اجد عندكم رأي سديد

[هذي بدايتي]

السلام عليكم ورحمة الله
مشكلتي مع زوجي انه يريد ان يسيطر علي بكل ماتعنيه الكلمه
منعني من صديقاتي مع اني حاولت جاهده ان استمر معهم ولكن يرفض ان اختلط معهم او ازورهم
الزواجات عند كل حفل زواج لازم مشكله لايريدني ان احضر زواجات اتكلم عن القريبه لان البعيده منتهين من امرها للاسف لدرجه منعني من زواج اختي بسبب تافه وسخيف واصلا ماهو سبب بس هو من جعله سبب للرفض ورحت غصبا عنه وزعل فتره والى الان يذكرني بهذا الموضوع

حفلات تخرج ممنوع
اجتماعات بعضها يوافق وبعضها يرفض
وحتى لو رحت زياره عائليه يبدا من الساعه 11 يدق علي ارجعي البيت تأخرتي - هذي نقطه جديده طايح لي فيها اول عادي
تويتر منعني منه انتقل للانستقرام وبعدها حول عالواتس اب
واخيرا قال النت كله ممنوعه منه ولاتفكرين انك تدخلين
طبعا انا داخله حاليا من وراه
لاتحسبوني مستسلمه لهالشي واني اذا طلب مني اترك هالاشياء اسكت لا
بالعكس اطالب وارفض وتصير مشاكل بس بالاخير كلمته اللي تمشي لانه هو الرجل خاصه اني اقول حرام اهدم بيتي عشان طلعه والا برنامج تواصل
المشكله الحاليه هي ان اختي ولدت والحمد لله ورفض ازورها وخاصه انها عمليه ابغى اروح اتطمن عليها ورفض حاولت معه بالطيب وبالدلع وبالالحاح وبعد رفض
وبعدها تحولت لوحش ورفعت صوتي وتلفظت وقلت عليه كلام ماينقال وكل مااقوله وش السبب اللي يخليك ترفض يقول هذي تصفية حسابات ويجيب لي سوالف غبيه حصلت من 5او 6 سنوات حتى بعضها ماتخصني
المهم بعد ماعليت صوتي وسويت اللي سويته وافق
انا مو طبعي هذا ولا كان ودي اني تصرفت كذا بس للاسف ماوافق الا بهالطريقه
طبعا رجعت وصار يهدد ويتوعد ويقولي انت قلتي وانت رفعتي صوتك وانت قلت الكلام الفلاني طبعا يقصد وقت غضبي
وطبعا يهدد اني ماازور اهلي الا كم مره حددها لي وماتكون في الويكند عشان لااجتمع مع زوار اختي خصوصا انهم راح يجونها بالويكند
والعيد يقولي انتظري مني تخطيطي مابعد جهزت له خطه
انا من رجعت من اختي صايره بااااااارده وخليته يتكلم على راحته ويرسل رسايل تهديد وماارد عليه وصاير ينام بالمجلس بزعم انه زعلان
هو غربي شمالي
وانا جنوبيه غربيه
عندي 3 اطفال ويبغاني احمل لكن الظروف الحاليه غير مناسبه ابدا ابدا
وبعد ماشافني متمسكه برفضي قال اصلا خلاص ماعاد ابي منك عيال وانت يكفونك هالثلاثه وانا تشوفين وش بسوي
يقصد بيتزوج بعد مايكبرون ومايصيرون محتاجيني
لاني مفهمته لو تزوجت استحاله اكمل معاك
وماادري هل هذا تهديد فقط ام هو جاد فعلا بهالموضوع
والله تعبت من الوضع واحيانا اقول حرام يضيع عمري وانا في نكد وكل مناسبه بيزعل معها
الغالب انه يرفض المناسبات وتصير مشكله
واحيانا يوافق واروح واذا رجعت سوا لي مشكله ويزعل بعدها كم يوم
طبعا اذا زعل يستمر زعله كم يوم وتوصل احيانا لشهر
انا اطنشه اذا ماغلطت ماعلي منه ومن زعله بس المشكله انه يمنعني حتى من زياره اهلي وهو زعلان
مااحس انه يحبني لانه دايم مشاكل معي
مع العلم صار بينا طلاق وكم مره رحت عند اهلي زعلانه ويجي يراضيني يدخل ناس لحد ماارجع ويتعهد بأن كل شي بيزين بس للاسف الا ماترجع حليمه لعادتها القديمه
اسفه عالاطاله ولاتنسوني من دعواتكم

 

[هذي بدايتي]

خاصة ان كللللللللللللللللللل شي حلال له وانا يمنعني من ابسط الاشياء
واذا قلت له وانت تسوي او تروح يقول لاتقارنيني فيك ويخلي هالمقارنه مشكله

 

[زهر البيلسان @]

ماعندي حل غير دعوه
الله يهديه لك ويغير حالك معاه الى الاحسن يارب

 

[امل الغروب]

ادعي الله ان يسخره لك والله يعينك

 

[د.حنان]

آختي كوني سلسله معه شوي
اذا منعك من زياره اهلك اخبريه بان اخوك
بيجي ياخذك ل اهلك لزيارتهم
او اخبريه بانك بتدعين اهلك لزيارتك بمنزلكم
حاولي تحلين هالخلافات البسيطه بينكم
او اسمحي ل العقلاء من اشقائك
بان يكلم زوجك ويتفاهم معه
خصوصا ان كان واحد من اشقائك بعمر مقارب لعمر زوجك
او اكبر وزوجك يكن له تقدير واحترام ومن هالقبيل

بذكائك وبالكلمه الطيبه باذن الله
تعود المياه لمجاريها

 

[ريم الذكريات]

انا اعتقد أننو عنده خوف انه يفقدك او احد من اهلك يزن فوق راسك وتتطلبين الطلاق
اطفالك كم اعمارهم جبتيهم وراء بعض ؟
لان لو اعمارهم متقاربه جدا يبي يمسكك بالعيال عشان يتأكد انك ماتروحي من يدينه
فهميه انو الشي هذا الي يسويه كبت سجن
وطريقته هذي تبعدك عنه وعن قلبك
قولي له اطلع عشان اجي وابي اشوف الشوق بعيونك وابي ادلع عليك اذا ماتدلعة علي زوجي حبيبي اتدلع علي مين عطيه بوسه وروحي كوني مرحه معه يقلبها نكد اخذي الموضوع بروح رياضيه اشوي اشوي بيتعدل
بعدين سلامتك ليه ماتتتقارنين فيه قولي له يعني انت انسان وانا وش وضعي في البيت انت اخذتني زوجه ومكتوب في عقد النكاح زوجه مو سجين طلعاتي دخلاتي كلما ابطلع تسوي لي مشكله
قولي له كان عطيتني خبر قبل تجي تخطب انك بتمنعي اشوف الناس
قولي له اذا بطلع لاتنكد علي خلني مستانسه او ترا اعرف اني بهمل بيتك وعيالك لان انا ابي تكون عندي طاقه اجابيه اغير جوا بيت +عيال تنظيف غسيل كوي طبخ كل هذا يولد ضغط بداخلي
مافاد ظلي شهرين لاتروحي مكان ولاتكلميه ابد طنشيه واشتري لك كتب اقري فيهم ضيعي وقتك في اي شي واذا سالك خلي ردك بارد جدا
راح يتفاجأ ماطلعتي وبيسالك مابتروحي قولي له بس لا بيقولك ليه؟