هل اترك ابنائي واسافر؟

[شمس مشرقة]

رد: إنهن أمانة

الله المستعان أصبح كل شئ في هذا الوقت مخيفا
خصوصا مع الانفتاح الاعلامي الهائل :santa_1:


أريد أن أخذ استشارة من الكتورة الفاضلة ومن الاخوات


زوجي يطلب مني ان نسافر بدون الابناء وفي الحقيقة أنا قلقة جدا عليهن
خصوصا أن لدي ابنة قد قاربت على البلوغ وهي الكبرى وابن في الثامنة من العمر
ولكن أخاف من ترك ابنائي ان يحدث لاقدر الله مالا تحمد عقباه
ابنائي جدا صغار لدي ابنتان وابنان أخاف على الأبناء والبنات من كل احد
نعم العائلة عندنا اثق بها ولايوجد بها منحرفين ولكن مجرد تفكيري بترك ابنائي
والسفر مع زوجي بدونهم اشعر بالقلق
زوجي ضجر مني لانه اذا بدأ يرتب للسفر اتحجج باعذار كثيرة



هل اوافق زوجي على السفر دون ابنائي أم أصر على أخذهم معي
خصوصا وانا أعرف جهلهم وضعفهم وشدة خجلهم



أخواتي الفاضلات أخبروني ماذا افعل

 

[سلة فواكه]

حبيبتي انا برد عليج من وجهه نظري وانا ما عندي عيال يعني حره نفسي.....
انا اقول وايد غيرج يتمنون هالسفره الي تكونين بروحج مع زوجج فيها صدقيني لو تشوفينه يسارف ويا غيرج ما بتزعلين وتقولين ما عمرنا سافقرنا بروحنا
انا اقول توكلي على الله وحطي عيالج في بيت موثوق فيه وادعي الله يحفظهم وقولي اللهم اني استودعتك ابنائي فانك لاتضيع ودائعك
والله يحفظهم وروحي انتي سارفي وغيري جو وذكري زوجج بايام قبل وايام شهر العسل وحاولي ترجعين من السفر وانتي معاه علاقتكم للاحسن ومو توترينه بذكر عيالج كل ساعه والمحاتاه

 

[شفافة الروح]

لاتعقدين الموضوع وتحرمين نفسك وزوجك من لحظات يمكن تكون اجمل لحظات عمركم

اولادك خليهم عند احد ثقه من العائله ووصيهم عليهم من كل النواحي خصوصا من ناحية الطلوع من البيت ونحوه

واقضي ايام جميله مع زوجك وممكن جدا تحنين بقوه لاولادك لكن هالحنين له فايده يحسسكم بقيمتهم وتراجعون اخطائكم معهم

دام هذا طلب زوجك معناه يبغى يقضي معك ايام رومانسيه خاصه بعيد عن اي مؤثر ودوشه فلاترددين وتحرمينه رغبته

واذا رجعتو كافؤهم بسفره لمكان يحبونه اوخصصو لهم اسبوع كامل يوميا تودونهم مدن الالعاب وتجيبون لهم هدايا

والله يهنيكم يارب

 

[شمس مشرقة]

شكرا لك أختي الكريمة على هذا الرد
لكن اللي مخوفني انه يبغيني ادفع تكاليف هذه السفرة:schmoll:

مع العلم اني اول سنة اشتغل

ويقول اذا رجعنا سافرنا احنا والاولاد مرة ثانية وهو اللي بيدفع
ويحتج بان ميزانيته لاتسمح بان يدفع لسفرتين:no:

 

[دلع-قطر]

يعلهههههههههههههههه
يبي يسافر على حسابج
ديري بالج وش ذا السالفه انتي يبي لج استشاره اكيده زوجج بيدمر اذا عطيتيه من مالج حاسبي وديري بالج ما اعتقد ان في مشكله بمساعده بجزء ولا كن مو على حسابج ديري بالج الف مره

واستشيري ولا تستعجلين
ياويلي انتي في خطر محتممممممممممممممممممممممممممممممممم

 

[دلع-قطر]

مو لازم الاولاد انتي سافري معاه عى حسابه والاولاد السنه الجايه يا شاطره
قولي له هل كلام شرط ما يوديج
لانه اصلا يبيج انتي الي تدفعين من الاصل ولا اعتقد ان لو رجعتوا راح يوديكم على حسابه هاهاهاا شاطر بس انتي صيري اشطر

 

[عنقود عنب]

اها ...

الحين ذاب الثلج وبان المرج ...

انا اول ما قريت موضوعك ..قلت ...هذه بطير الرجال من يدها ....

لكن لما قريت ان السفرة على حسابك ....فهمت الموضوع

قولي له ...اسافر من عيوني ..وراح اعيشك احلى ايام حياتك ..ايام ما تحلم تشوفها


لكن على حسااااااااااااااااااااااااااااااااااابك وغير ذالك ما عندي

والله يعينك

 

[شفافة الروح]

لاتخربين على نفسك وخذي الامور بالحكمه موبالاتهام والزعل

قوليله باسلوب وادب انك محتاجه المبلغ جدا في شي مهم واخترعي له اي سالفه وقوليله نسافر سفره وحده انا واياك على حسابك والاولاد اذا رجعنا نوديهم مدن الالعاب كذا مره ونرضيهم والسنه المقبله ان شاءلله نسافر مع بعض
ليش الخساير والدفع مرتين
المهم انا وانت هالمره نبسط انفسنا ونخليها رحله حلوه ماتنسى وخذيه بالكلام الحلو والله يوفقك

 

[عزيزة نفس]

اختي وش هالانانية ليش تجيبون عيال دامكم كذا وش يبون يسوون لكم اذا اخذتوهم اقول ترى هذي عذر كل الرجال اللي يبون يسافرون من حالهم وخاصة اذا الرجل شاف زوجته ما ترضى تسافر الا وعيالها معها
اقول قضبي زوجكي وعيالكي وما في احد يسافر بدون احد
والله العظيم حااااااااااااااااااااااااااااااااااااااااالة ​

 

[ألوان]

حبيبتي قولي له اذا تبانا نسافر على عيني وراسي

وعيالك اذا كبار شويه ويقدرون يعتمدون على نفسهم توكلي على الله والله يحفظهم وخليهم عند حد ثقه

أما بنسبه على حسابك فأنت أدرى بزوجك اذا كان من النوع الأستغلالي أو ما له أمان فلا توافقين أنه يستغلك

تعيشين في بلادك بكرامتك ولالا في بلاد الغربه وأنت مستغلينك

واذا زوجك من النوع ألي يحترم الزوجه وما ياخذ عنك فلوسك ويصرف عليك من راتبه حتى لو عندك راتب ما فيها شي

تساعدينه بس بشرط تكاليف السفر النص بالنص انت أدفعي النص وهو النص

واذا أعترض قعدوا في بلادكم مع عيالكم وعيشوا على قد ميزانيته





​

 

[aldana]

شمس مشرقة ............
بالأول جسي نبضه ...وقوليله أنا بجلس ...ومن عيوني بعطيك تكاليف السفر وسافر بروحك ...

وشوفي وش يرد عليك !!!!!

إذا وافق ... معناها ......يبي يستغلك ...:sly:

وفي هالحالة ..كوني ذكية ... بحيث أنك توافقي بالسفر معاه
بس بشرط ...

وهو أنه يعوضك بأي شي يخطر في بالك .(ولا تصيرين مغفلة )

وإذا رفض معناها أن الرجال حاب يغير معاك جو ولا يقدر على مصاريف العيال بالسفر ...

وبهذي الحالة ... تقاسموا تكاليف السفر ... مثلاً السكن عليك ,,,هو عليه المقاضي والمطاعم .

وموفقين .

 

[ارقيله]

مافيها شيء اذا تقاسمتم التكاليف وانتي ادرى بظروفه الماليه
اذا فعلا مايقدر ادفعي واذا يقدر وطمعان براتبك ادفعي النص وسافري وانبسطي
اذا ماصرفتي فلوسك على عمرك تصرفينها على مين
واقتصدوا في السفر مو تشافين الناس فالينها وتخربينها
انا حامل وماني قادر اروح مكان واقولهم ودوني معاكم مكه اخذ عمره ومعيين علي
بس انشالله ابو الشباب بعد ما اولد يسفرني
ياااااااارب

 

[شمس مشرقة]

والله محتارة مرررررررة
ودي اسافر معاه لوحدي
ودي اروح انا واولادي
ودي أعرف فيم يفكر زوجي
وليش دائما الوناسة والسفر لازم تكون بدون اولاد
ودي اجلس انا وهو لفترة بدون احد هو اتغير علي كثير من كم سنة
في أشياء كثيرة ابغى اصارحه فيها وابغاه يعرف اني مو غبية
انا زوجي تزوجته عن التزام وحفظ للقرآن لكن بعد فترة من الزواج
تقريبا سبع أو ثمان سنوات دخل دش للبيت واصبحت كل مرة ارى فيه زيادة تغيير
الى ان رأيت في جواله رقم لمرأة لاني رأيت رسالة يقول فيها حبيبتي ويخبرها
عن بريده الالكتروني
ورقم آخر اتصلت عليه من جواله وردت علي امراة
والرقمين بمسميات غريبة لاتدل على انها لأمرأة
رايت في جواله انه مشترك على النت ورايت عناوين تقريبا سبعة او ثمانية
كلها باسماء فتيات مثل قيرل وماشابه
طبعا هذه التغيرات ما صارات بين يوم وليلة انا قعدت الاحظها فترة

وحقيقة ودي باستشارة من الاستاذة لكن ما أعرف الطريقة
وقبل كذا أبغى أعرف الاسعار
دلوني وادعو لي
وهل توجد استشارة سريعة او استشارة مجانية

 

[ام شوق]

انا انصحك انك تسافرين مع زوجك لوحدكم فرصه للتقرب من بعض يمكن سبحان الله تكون ألفه أكثر مابينكم

اما من ناحية الابناء خليهم عند والدتك


وفقك الله

 

[أميره]

يا هلا ..

سافري اختي و وسعي صدرك .. لكن مو على حسابك على حساب زوجك ..

يعني كم راح تطول سفرتكم اكيد مو اكثر من عشرة ايام ..

فرصه تتقربون من بعض .. وتعيدون ايام الخطوبه و الرومانيسيه ..

وفي نفس الوقت تاخذين اجازه من العيال ..

انت تشتاقين لهم و بالعكس وفي نفس الوقت تنبسطين مع زوجك..

اختي انا العكس .. انا اللي ودي اسافر لحالي مع زوجي ..

لكن زوجي هو يقدم ا لعيال قبلي ..

ربي يسعدك و يسعد الجميع ..

أختك أميره ..

 

[نهار]

هلا أختي بالرغم من إني لست متزوجة ولكن لدي صديقة متزوجة ولديها بنات .. وأصر زوجها على السفر لوحدهم
بدون البنات .. وتركت بناتها عند أمها على أنها ستغيب عن بناتها فقط اسبوع .. ولكن قالت لي اتصل في بناتي كل يوم أبكي ,,, أحس بالذنب اتجاهم ,, لاني أنا اتفسح وهم بعيد عني ؟

ولذلك نصيحتي خذي عيالج .. وماشاء الله عيالج كبار متفهمين , يعني بترتاحون في السفرة إن شاء الله

الله يوفقج ويسعدج ياااربْ .





نهار

 

[عزيزة نفس]

اختي شمس مشرقة ويييييييييييييييييييييييييييه الله يعينكي انتي في اول الطريق ومافي شئ اسمه استشارة مجانية وسريعة الا هنا اما الاستشاريات ادخلي من اسمائهن على ملفاتهن وبتلقين كل اللي بتسالين عنه ​

 

[ام الداعية]

خذى عيالك معاكى وفلوس السفر اقسموها

 

[دوار الشمس]

اش رايك تسافري معاه لوحدكم وسوي اللي نفسك فيه وبعدها باسبوع هاتو اولادكم مع احد تثقون فيه خال او عم وبكذا انبسطو مع بعض ومع الاولاد وماتحسين بتانيب لضمير وكسر خاطر العيال

 

[شمس مشرقة]

أخواتي جزاكن الله خير الجزاء على الرد والتفاعل معي
وفقني الله واياكن لمافيه صلاح الدنيا والاخرة وسعادتها