هل أنا غلطانة

[غلا2020]

السلام عليكم
مشكلتي اني عودت زوجي كل مايحتاي للمال عسب الفيلا اللي يبنيها لنا أسلفه بس لاحظت عليه صار يتسلف مني لغيره بعد موبس له وصار كل ماأقوله بخاطري شي يقولي اشتريه دام عندج بيزات لاتنتظرين مني لأني مضغوط وايد:busted_red: مع إنه ماكان جيه من قبل أحس صرت أنا ريال البيت :flex:
بنات هل أناغلطانة يوم وقفت وياه وساعدته شورايكم:tears:

 

[نوره&&]

ايه غلطانه ببساطه وفعلا اصبحتي الرجال اللي هو يحتاجك مب انتي تحتاجينه ...

 

[ريح الشمال]

حبيبتي لا تعطيييييينه ويه

 

[another day]

الرجل مايقدّر مساعدة المرأة له
على طول يجحد وينسى

 

[غلا2020]

بس أنا ماأحب يسير يتسلف من غيري دام عندي
انزين شو أسوي كيف أحسسه ان هو المسؤول مو أنا

 

[غلاء 2008]

اختي الحقي نفسك
اك سلفيه لمن بالفعل يكون محتاج وبشرط يرجعلك المبلغ تحددي معاه وقت انه يرجعه

 

[Wise Woman]

حبيبتي هو لازم هو اللي ينفق عليك وحتى لو كان عندك فلوس وراتب..هو الرجال مو انتي

مافيه بمساعدته بشي معقول مو عاد خلاص ياخذها حلى ويعتمد عليك..وانتي بعد استثمري فلوسك بأي شي مشروع او جمعيه مع جاراتك اوصديقاتك..عشان مايلقى عندك شي ويضطر يصرف هو من جيبه..او يكتب لك جزء من الفيلا بإسمك دامه يبنيها من فلوسك..اضمني مستقبلك وحافظي على حلالك حبيبتي

والله يسهل امرك ويسعدكم

 

[بنت الكـــويت ~]

حبيبتي انتي موغلطانه انج ساعديه بالعكس بالنسبه لنا احنا لاكن بالنسبه لهم خراب يعني راح يلغي دوره بالصرف وكلما صار بالبيت نقص يقولج ماعندي بس بهالزمن تخافين منه يعني لاقدرالله صات بينكم مشكله اح ينكر كل شي سويتيه ويقول انا ماطقيتك على ايدك عشان تعطيني
خلاص تقدرين تقوليله ماعندي مافي فلوس قولي اي عذر مديونه اي شي عشان يطلع البنك اللي عنده

 

[أطفالي دنيتي]

أختي ماانت غلطانه ولاشي لكن على قولة المثل(اذاأكرمت الكريم ملكته واذا أكرمت اللئيم تمردا)بس اقول انشاء الله يثمر فيه المعروف واغلب الرجال المتزوجين من نساء عاملات يتملصون من مسؤولياتهم الماديه شوي شوي الى ان يصير على الزوجه كامل المسؤوليه سواء تموينات المنزل.. ملابس .حتى مصاريف التمشيه لاوبعد والله احيانا اذاودوك مشوار اخذوا فلوس البنزين والعصيرالله لايبلانا رجال اخر زمن