معلومات راجيه الرضا
- إنضم
- 18 فبراير 2017
- المشاركات
- 14,542
- مستوى التفاعل
- 9,665
- النقاط
- 113
هل أنا صح أم.خطأ؟ صرخة أم
البوست ده قريته من شوية ع أحد الجروبات … وقلبي وجعني عليها وع اي ست في مكانها … فكرني بسيدة في اسطنبول اعرفها … كانت مربية بناتها في السعودية وحصل انفصال ..وبعدين جت عاشت بيهم لوحدها ف اسطنبول … وحصل مع بناتها اكثر من اللي مكتوب ده بمراحل وبشكل فج …. لغاية ما قررت تاخذهم وترجع السعودية عشان تلحق بناتها الصغيرة بس …
ربنا يعين كل اب وام ع التربية في الايام دي ويقر عينهم باولادهم … امين
السلام عليكم .. انا محتاجه اعرف انا صح ولا غلط عشان بدأت اشك في نفسي وفي مبادئي .. انا عندي ٣ بنات (١٩ ، ١٧، ١٤) وولد ١٣ سنة.. بقالي كذا سنة علاقتي ببنتيني الكبار متوترة جداااا وبتوصل لعقوق شديد من ناحيتهم ليا (شتيمة واهانه وتهديد ورمي حاجات في وشي الخ).. لما كنت برد عليهم كنا ممكن نتخانق خناقات كبيرة جداااا توصل للضرب من الطرفين .. صحتي تعبت جدا (انا مش صغيرة انا ٤٥ سنة) فبقيت اتقي شرهم وادعيلهم بالهداية... انا ربيتهم كويس اوي بشهادة الجميع حتى والدهم اللي انا وهو منفصلين حاليا (مش مطلقين)... كنت مصحباهم وهما صغيرين وبيننا علاقة جميلة، مربياهم على الحوار والعقل والتعليم الكويس، والاهم من ده كله محفظاهم القران ومعوداهم على الصلاة ومراقبة ربنا وضميرهم واحترام الكبير وكل حاجه كويسه.. هما بجد كانوا استثمار عمري.. من ساعة ما دخلوا في سن المراهقة اتبدلوا تمامااااا البنت الاولى ووراها علطول التانيه... رافضين كل نصيحة ومسئولية ومراقبة ابويه.. يعني دلوقتي مثلا في الساحل الشمالي من الحاجات اللي انا رفضاها قلبا وقالبا لكن مع الاسف مبقتش اقدر اتكلم معاهم من قلة أدبهم: لبس وشورتات ومايوهات قصيره ومكشوفة (بنتي الكبيرة كانت محجبة عند سن ١٣ سنة وقلعت الحجاب من سنتين).. سهر للصبح على البيسين والبحر (كل اصحابنا بيعملوا كده).. اختلاط مش لطيف (كلنا اصحاب واخوات واحنا عارفين احنا بنعمل ايه).. مفيش صلاة ولا كأنهم سمعوا عنها..مفيش ادنى مسئولية ناحية البيت ونظافته ومهما اقول بيتحدوني اكتر ولو واحده فيهم شالت ورقة من الارض او فضالات قطتها من على السجادة تذلني بيها.... وكل ده في القاهرة كمان طول السنة.. بعدوا اووووي عن ربنا دلوقتي بس انا عارفه ان لسه من جواهم نظيف.. كل ده لما بعلق عليه ابقى انا وحشة ورجعية وخنيقة و"ملكيش دعوة بابي عارف وموافق" وهو اساسا مش موجود ممول فقط وبيديهم فلوس كتيرة .. بيتحدوني في الغلط وبموافقة وتشجيع بباهم.. الاستاذ الجامعي ومربي الاجيال..
هو انا صح ولا غلط ؟ هو انا فعلا كده رجعية ومش عايشه في الدنيا؟ انا من يأسي خلاص بقيت اسيبهم واقول انا مربياهم كويس وراضية ضميري اوووي في تربيتهم مش هيغلطوا غلط كبير هسيبهم وما عليا خلاص إلا الدعاء لهم ... بس بلاقي اختهم الصغيرة ١٤سنة بدأت تقلدهم في حاجات كتيرة وشوية واخوهم ١٣ سنة هيعمل كده كمان وبدأ فعلا يبجح معايا في الكلام كتير... اعمل ايه؟ انا تايهه خااااالص وحاسه ان كل اللي عملته على مدار ال٢٠ سنة اللي فاتوا هباء منثور.. اكمل ليه وعشان مين خلاص؟ والدي ووالدتي متوفيين وليا اخين مسافرين بره مصر ومليش صديقات كتير ومش بخرج كتير.. كل حياتي كانت لبيتي واولادي... حاسه اني رجعت بعد رحلة جواز واستثمار في اولادي ٢٠ سنة لنقطة الصفر وخلاص محدش عايزني ولا محتاجني .. كل الزرع ده ومفيش حصاد خلاص؟ عايزه اختفي من حياتهم كلهم مبقاش ليا مكان معاهم.. ده حتى بنتي الكبيرة بتقولي امشي بقى مش عايزينك ده بيت ببانا وانتي ضيفة فيه.. انا معايا ماجستير الحمد لله وعندي شقة بتاعتي واقدر اشتغل واستقل ومش محتاجه حاجه من حد الحمد لله.. بس حاسه الوقت اتأخر اووووي اني ابدا حياة جديدة دلوقتي في السن ده وانا صحتي كمان بقت من سيئ لاسوأ.. حاسه اني بتطرد من حياتي اللي انا بنيتها بإيدي كل السنين دي.. بس والله والله اتقيت ربنا فيهم وفي تربيتهم.. وعارفه ان لسه من جواهم نظيف رغم ده كله..
انا وبباهم مش بنتكلم خالص حاليا بس انا قلتله خلاص بناتك رافضين تماما سلطتي ونصيحتي ومراقبتي فتابعهم انت دول سن خطر وهتتحاسب على تصرفاتهم دي قالي بما معناه انا عارف كل حاجه وده سنهم اطلعي انتي منها ملكيش دعوة.. انا خايفه عليهم من تقلب الزمن ومن حسرة الندم وبسامحهم بس عشان خايفه عليهم من غضب ربنا بس قلبي بيموت كل يوم من عقوقهم ليا ومن عصيانهم لربنا.. هو انا ممكن اكون غلط في افكاري ومبادئي اللي ربيتهم عليها ومش نافعه خلاص في الزمن والمجتمع اللي عايشين فيه زي ما بباهم بيقولي؟ بس انا مش هقدر اغيرهم.. هما دول شخصيتي ومبادئي ومعتقاداتي وعقيدتي (وعلى فكرة هي دي القشة اللي قسمت ظهر البعير في علاقتي مع بباهم.. هي صحيح طول عمرها علاقتنا مش قد كده بس هو نزل من نظري اوووووي كراجل... زمان في اول الجواز كنت بزعل منه انه مبيغيرش عليا خالص بس اكتشفت بعدين ان اوبشن الغيرة ده مش نازل عنده من الاساس تجاه اي حد حتى بناته) ... حاسه اني بعد العمر ده كله هموت في شقتي لوحدي ومحدش هيحس بيا.. على فكره لما الوضع بقى وحش كده من شهرين رحت شقتي مع الولاد الصغيرين وقعدت فيها وسبتهم لوحدهم تماما بس كنت حاسه بوحده شديدة وحاسه ان مش ده الحل وان ده هروب ورجعت تاني وانا من ساعتها بين هنا وهناك... أملي لسه في الاتنين الصغيرين واملي في ربنا كبير انه عمره ما سابني ولا هيسيبني وهينصرني عشان انا بنصره.. صحيح انا مش ملاك وفيا عيوب كتيره بس بحب وبخاف من ربنا وبقوله يا رب لو راضي عني خدني عندك انهارده عشان تعبت اوووي مش قادره خلاص.. ادعولي ودلوني اعمل ايه؟
منقول
ربنا يعين كل اب وام ع التربية في الايام دي ويقر عينهم باولادهم … امين
السلام عليكم .. انا محتاجه اعرف انا صح ولا غلط عشان بدأت اشك في نفسي وفي مبادئي .. انا عندي ٣ بنات (١٩ ، ١٧، ١٤) وولد ١٣ سنة.. بقالي كذا سنة علاقتي ببنتيني الكبار متوترة جداااا وبتوصل لعقوق شديد من ناحيتهم ليا (شتيمة واهانه وتهديد ورمي حاجات في وشي الخ).. لما كنت برد عليهم كنا ممكن نتخانق خناقات كبيرة جداااا توصل للضرب من الطرفين .. صحتي تعبت جدا (انا مش صغيرة انا ٤٥ سنة) فبقيت اتقي شرهم وادعيلهم بالهداية... انا ربيتهم كويس اوي بشهادة الجميع حتى والدهم اللي انا وهو منفصلين حاليا (مش مطلقين)... كنت مصحباهم وهما صغيرين وبيننا علاقة جميلة، مربياهم على الحوار والعقل والتعليم الكويس، والاهم من ده كله محفظاهم القران ومعوداهم على الصلاة ومراقبة ربنا وضميرهم واحترام الكبير وكل حاجه كويسه.. هما بجد كانوا استثمار عمري.. من ساعة ما دخلوا في سن المراهقة اتبدلوا تمامااااا البنت الاولى ووراها علطول التانيه... رافضين كل نصيحة ومسئولية ومراقبة ابويه.. يعني دلوقتي مثلا في الساحل الشمالي من الحاجات اللي انا رفضاها قلبا وقالبا لكن مع الاسف مبقتش اقدر اتكلم معاهم من قلة أدبهم: لبس وشورتات ومايوهات قصيره ومكشوفة (بنتي الكبيرة كانت محجبة عند سن ١٣ سنة وقلعت الحجاب من سنتين).. سهر للصبح على البيسين والبحر (كل اصحابنا بيعملوا كده).. اختلاط مش لطيف (كلنا اصحاب واخوات واحنا عارفين احنا بنعمل ايه).. مفيش صلاة ولا كأنهم سمعوا عنها..مفيش ادنى مسئولية ناحية البيت ونظافته ومهما اقول بيتحدوني اكتر ولو واحده فيهم شالت ورقة من الارض او فضالات قطتها من على السجادة تذلني بيها.... وكل ده في القاهرة كمان طول السنة.. بعدوا اووووي عن ربنا دلوقتي بس انا عارفه ان لسه من جواهم نظيف.. كل ده لما بعلق عليه ابقى انا وحشة ورجعية وخنيقة و"ملكيش دعوة بابي عارف وموافق" وهو اساسا مش موجود ممول فقط وبيديهم فلوس كتيرة .. بيتحدوني في الغلط وبموافقة وتشجيع بباهم.. الاستاذ الجامعي ومربي الاجيال..
هو انا صح ولا غلط ؟ هو انا فعلا كده رجعية ومش عايشه في الدنيا؟ انا من يأسي خلاص بقيت اسيبهم واقول انا مربياهم كويس وراضية ضميري اوووي في تربيتهم مش هيغلطوا غلط كبير هسيبهم وما عليا خلاص إلا الدعاء لهم ... بس بلاقي اختهم الصغيرة ١٤سنة بدأت تقلدهم في حاجات كتيرة وشوية واخوهم ١٣ سنة هيعمل كده كمان وبدأ فعلا يبجح معايا في الكلام كتير... اعمل ايه؟ انا تايهه خااااالص وحاسه ان كل اللي عملته على مدار ال٢٠ سنة اللي فاتوا هباء منثور.. اكمل ليه وعشان مين خلاص؟ والدي ووالدتي متوفيين وليا اخين مسافرين بره مصر ومليش صديقات كتير ومش بخرج كتير.. كل حياتي كانت لبيتي واولادي... حاسه اني رجعت بعد رحلة جواز واستثمار في اولادي ٢٠ سنة لنقطة الصفر وخلاص محدش عايزني ولا محتاجني .. كل الزرع ده ومفيش حصاد خلاص؟ عايزه اختفي من حياتهم كلهم مبقاش ليا مكان معاهم.. ده حتى بنتي الكبيرة بتقولي امشي بقى مش عايزينك ده بيت ببانا وانتي ضيفة فيه.. انا معايا ماجستير الحمد لله وعندي شقة بتاعتي واقدر اشتغل واستقل ومش محتاجه حاجه من حد الحمد لله.. بس حاسه الوقت اتأخر اووووي اني ابدا حياة جديدة دلوقتي في السن ده وانا صحتي كمان بقت من سيئ لاسوأ.. حاسه اني بتطرد من حياتي اللي انا بنيتها بإيدي كل السنين دي.. بس والله والله اتقيت ربنا فيهم وفي تربيتهم.. وعارفه ان لسه من جواهم نظيف رغم ده كله..
انا وبباهم مش بنتكلم خالص حاليا بس انا قلتله خلاص بناتك رافضين تماما سلطتي ونصيحتي ومراقبتي فتابعهم انت دول سن خطر وهتتحاسب على تصرفاتهم دي قالي بما معناه انا عارف كل حاجه وده سنهم اطلعي انتي منها ملكيش دعوة.. انا خايفه عليهم من تقلب الزمن ومن حسرة الندم وبسامحهم بس عشان خايفه عليهم من غضب ربنا بس قلبي بيموت كل يوم من عقوقهم ليا ومن عصيانهم لربنا.. هو انا ممكن اكون غلط في افكاري ومبادئي اللي ربيتهم عليها ومش نافعه خلاص في الزمن والمجتمع اللي عايشين فيه زي ما بباهم بيقولي؟ بس انا مش هقدر اغيرهم.. هما دول شخصيتي ومبادئي ومعتقاداتي وعقيدتي (وعلى فكرة هي دي القشة اللي قسمت ظهر البعير في علاقتي مع بباهم.. هي صحيح طول عمرها علاقتنا مش قد كده بس هو نزل من نظري اوووووي كراجل... زمان في اول الجواز كنت بزعل منه انه مبيغيرش عليا خالص بس اكتشفت بعدين ان اوبشن الغيرة ده مش نازل عنده من الاساس تجاه اي حد حتى بناته) ... حاسه اني بعد العمر ده كله هموت في شقتي لوحدي ومحدش هيحس بيا.. على فكره لما الوضع بقى وحش كده من شهرين رحت شقتي مع الولاد الصغيرين وقعدت فيها وسبتهم لوحدهم تماما بس كنت حاسه بوحده شديدة وحاسه ان مش ده الحل وان ده هروب ورجعت تاني وانا من ساعتها بين هنا وهناك... أملي لسه في الاتنين الصغيرين واملي في ربنا كبير انه عمره ما سابني ولا هيسيبني وهينصرني عشان انا بنصره.. صحيح انا مش ملاك وفيا عيوب كتيره بس بحب وبخاف من ربنا وبقوله يا رب لو راضي عني خدني عندك انهارده عشان تعبت اوووي مش قادره خلاص.. ادعولي ودلوني اعمل ايه؟
منقول
اسم الموضوع : هل أنا صح أم.خطأ؟ صرخة أم
|
المصدر : الأمومة والتربية
