هل أعرض اطفالي لدكتور نفسي .. ؟؟

[غااليه]

السلام عليكم ورحمه الله وبركاته

مشكلتي باختصار ان اولادي واعمارهم (14_13_9_7) احس اني اتعب في المعامله معاهم .. فالكلام كل يوم لازم ينعاد لدرجه اني لو ما قلت لهم بالليل قبل النوم يغسل اسنانه طبعا ما راح يغسل اسنانه بينام حتى في النوم اتعب معاهم .. ما يحسوا بالمسئؤليه ابدا .. واتكاليه في كل شي .. حتى بالمدرسه ما يحسو بقيمه المعلم واللي يقوله دايما مستهتريين خاصه الاولاد الكبار تعبت من الكلام معاهم والنصح لهم واذا لزم الامر اعاقبهم واحرمهم من اللي يحبونه وما في فايده.. لدرجه اوقات اجلس ابكي امامهم واقول لهم انتو حياتي كلها ليش ما ترفعون راسي وتهتمون بدراستكم ..
فكرت صراحه اعرض مشكلتي لدكتور نفسي يمكن القى عنده حل .. حتى المحبه بين عيالي احسها معدومه مع انهم كبار وانا دايما اذكرهم بحب اخوانهم والخوف على بعض من صغرهم لكن كل ما يكبرون احسهم يبتعدون عن بعض .. ما اعرف شاسوي معاهم ؟؟
افيدوني ... ما الحل معاهم ؟؟ وشلون اخليهم يحبون بعض ويخافون على بعض ؟؟ ويسمعون الكلام ؟؟
متى باحس انهم يفكرون بعقلانيه اكثر .. على الأقل مثل اللي في سنهم ما اطلب أكثر
ادعوا لي اخواتي ...
وجزاااااكم الله خير ...