هــل يحق لي أن أطالب زوجي الشمالي الشـــرقي بمصروف شهري؟؟؟؟؟

[★آلبرنسيےـسـہ★A]

بسم الله الرحمن الرحيم
السلآم عليكم ورحمة الله وبركآته
أخوآتي هذي أول مرة أنزل موضوع وبادخل بالموضوع على طول....
أنا متزوجه من سنتين و5 أشهر ما عندي أطفال وغير موظفة من يوم تزوجت إلى يومكم هذا وأنا أطلب من زوجي مصروف شهري
ولآ أذكر إنه عطاني إلا شهر واحد وكانت 300 ريال بس ورضيت فيها وسكت قلت مع الأيام إن شاء الله راح يزيدها
ولآ شفت منه شي بعدها هذا وانا أذكره وأزن عليه كل شهر ولكن مافي فايده منه يتعذر لي انه ينسى أو يقول قولي
وش اللي تحتاجينه وأنا أشتريه لك وإذا قلت له بالأشياء اللي محتاجتها يقولي وش تبين فيها مالها داعي أو بكرة وبعدين
لين تنسد نفسي واسكت من كثر ما يماطل فيني خلآص تعبت منه
والله يشهد إني ما أطلب إلا أشياء محتاجتها وأشياء أساسية وضروريه لي ولبيتي ومن حقي
سؤالي هل يحق لي أن أطلب مصروف شهري لا يقل عن 500 ريال ؟ خصوصآ إنه راتبه ما شاء الله فوق 8000 آلاف
كان عليه ديون والحين الحمدلله وضعه تمام
إذا كان يحق لي قولوا لي طريقة حلوة أخليه يعطيني بدون مشاكل وزعل؟
وجزاكم الله خير.

 

[{سوسو}]

انتي بذكائك حبيبتي تقدرين تكسبين زوجك وتخلينه يمشيلك مصروفك ..هذا ابسط حقوقك الله يسعدك انو يصرف عليك وكلميه باسلوب وبمسايس معه والكلمة الحلوة والبسمه وكل امورك يارب تكون تماام
الله يوفقكم ويسعدكم ويولف بين قلوبكم ..

 

[أخت في الله]

بسم الله الرحمن الرحيم

حياك الله غاليتي وفرج همك

نعم غاليتي يحق لك أن تطلبي منه أن يحدد لك مصروف شهري ...علما أنه إن رفض وكان غير مقصر معك في جلب أغراض البيت ذات الأهمية والأولوية وأنه ليس بالبخيل بل الحريض فشرعا لا يجوز أن تمانعيه خصوصا وأنه غير مقصر ..فإن وافق برضاه كان ذلك أو اتبعي يلا أخري تميلينه لطلبك إن شاء الله

على كل حال توكلي على الله غاليتي وأطلبي منه مصروف شهري ولكن لا تحددي دعيه هو يحدد حتى لا يعتبره أمر مغصوب عليه ومبيت منك من قبل..أنا لا أفهم بالريال لكن المهم يكون مصروف بالمعروف لا مبالغة فيه مصروف كفيل بقضاء مستلزماتك الشخصية دون زيادة فتبدير

أما الطريقة فسأذكر لك بعض الطرق إلى أن يفيدك الأخوات بأفكار جديدة

يمكنك أن تقولي له حبيبي أسأله تعالى أن لا يحرمني منك يامن تعمل جاهدا لتأكلني وتشربني وتلبسني وتتعب في عملك لتعيشني أحلى عيشة سلمك الله لي ولي بحياتك ماقصرت معي لاحرمني الله منك حبيبي.. ثم ابدئي بتليين الوضع والتمهيد للطلب بعد مرور وقت كاف نوعا ما وتغيير بالمواضيع حينها مدحك سيضل مازال عالقا في ذهنه ثم اقتربي منه وقولي حبيبي هل يمكن أن أطلب منك طلب وحلفتك بالله ماتخجلني وحين يقول لك تفضلي قولي..هل يمكن أن تخصصي لي مصروف شهري كلما اشتهت نفسي شىء أشتريه دون أن ازعجك بالطلب..فمن لي غير حبيبي أتدلل عليه... فإن وافق عانقيه وابدي فرحتك العارمة وقولي له يخليك لي ياسيد الكل حتى لا يتراجع بعد فترة عن قراره..وإن رفض طلبك قبلي جبينه وقولي أوامرك على عيني وراسي مثلما تريد ياغالي ثم اتركيه واذهبي ..أبدي حزنك مع دوام الكلمة الطيبة


وإن كان ممن يتبعون زوجاتهم في الأسواق ولا يفارقونها وقد يرفضون شراء بعض الأشياء التي لا يرونها ذات أهمية مما يضايق الزوجة...فقولي له بعد التمهيد الذي في الفقرة الأولى حبيبي سأتسوق مع أحد قريباتي غذا" أو ماشابه" وأخجل أمامها أن لا يكون لي مال لأشتري لنفسي مثلما تشتري لنفسها..هل يمكنك أن تعطيني المبلغ الي يناسبك "" ولا تحددي" حتى أشتري مستلزماتي وأشوف حالي فيك ....


يعني بادري بالمدح المطول والدلع المحمود وخذي طلبك إن شاء الله غاليتي
وفقك الله

 

[كيكة نافورة]

ياختي لازم تطلبين لاني زيك سكت وما استفدت الا انه تعود وترى الرجال يحب المراة دايما تحتاجه وتطلب منه انا ماعرفت الا قريب وابيك تشوفين مشكلتي وتحاولين تساعديني بموضوع قيود زوجي جننتني

 

[خوووخاا]

نفس المعاناه والى يومك هذا وانا لي 5 سنين متزوجه ولا قد شفت منه مصروف شهري

وفي الطلبات ازن زن الله لايوريك لين ينفذ اللي ابغااه واوقات تتنفذ واوقات لا

 

[★آلبرنسيےـسـہ★A]

أخواتي تسلمون على الردود الحلوه وتوجيهكم لي
والله يجزاكم ألف خير وباحاول الشهر هذا أطبق نصايحكم
وأخذ منه اللي أبي إن شاء الله...
خوووخاا : الله يسخر لك زوجك ويعينك ويعيني ويرزقنا الصبر وطولة البال.