في البدايه اسمحو لي ماعرفت وين اكتب موضوعي..واذا كان المكان مش مناسب اتمنى تنقلون الموضوع لاي قسم مناسب
تعرفون الجمله اللي الناس دايما يرددونها ؟؟ اللي يشوف مصايب الناس تهون عليه مصيبته؟؟ واللي اني ادخل اقرا مشاكل الناس عسب تهون عليه مصيبتي بس وين تهون .. والله مرات اضحك من القهر اقول الناس مهمومه على اشيا عاديه كيف لو عاشو حياتي وشافو شو صار لي والله احس انه حياتي انتهت .. يتني فتره والله اني ما ابالغ حسيت انه موتي جريب والله حسيت بهالشي ..دمرو حياتي الله ياخذ حقي منهم والله دمروني حسبي الله ونعم الوكيل .. اقص ععمري اقول اني مب شايله فقلبي عليهم بس والله شايله واايد واايد والله قلبي صار اسود كرهوني في الناس والله صرت ما اعرف الناس الطيبين من الاشرار الله يسامح اللي كان السبب.. والله اييلس مع الناس ويسولفون معاي احسهم طيبين فجاه اسرح اقول لا انا ماعرفهم هذيله اشرار محد في هالدنيا طيب والله اختربت نظرتي للحياه "اللهم احيني ماكانت الحياه خيرا لي وتوفني ماكانت الوفاه خيرا لي" "ياحي يا قيوم برحمتك استغيث"
هذه انا اكتب لكم جزء صغير من معاناتي ، جزء صغير من الالم الذي بات جزء لا يتجزء مني .. اكتب لكم قصتي بعد انكساري وبعد ان كرهت الدنيا وكل شي نعم كل شي.. لقد اسودت الدنيا في عيني وتغيرت نظرتي للناس جميعا بما فيهم اهلي اقسم باني حاولت ولكن لم استطع.. احس بياس كبير احس بالظلم و آه من هذا الاحساس الذي يكاد يقضي على مابقي مني .. اكتب لكم بعد ان دمرت عمتي حياتي اجل عمتي ام منصور التي دمرت حياتي واوصلتني الى حافة الجنون والله اني لا ابالغ فقد وصلت الى حافة الجنون ( حسبي الله ونعم الوكيل)
قبل زواجي كنت فتاة طموحه لاهم لها الا العلم وكيف تصل الى المراتب الاولى وكنت من الفتيات المرحات المحبات للمقالب والضحك ..في سنتي الثانيه في الجامعه بدت احلامي تتجاوز حدود العلم ..كنت احلم ككل فتاه بالحبيب العاشق الزوج الطيب.. كنت اقرأ قصص الحب الخياليه التي تكتبها الفتيات حتى تمنيت ان اكون احدى بطلات هذه القصص.. اردت ان اخوض تجربة جديدة في حياتي فانا من النوع الملول الذي يحب التجديد.. اضافة الى ذلك كنت ارى امام عيني الحب الذي يجمع بين الزوجين اقسم بالله اني لم اكن احسد الزوجين على هذا الحب بل اتمنى انا اجد مثله في حياتي.. ولكن ليس كل ما يتمناه المرأ يدركه.. هذه هي الحياه
في يوم عرس اخوي شافتني عمتي (ام منصور) وهي جارتنا ايضا واعجبت بي وجاءت على مدى 3 ايام تحاول ان تكلم امي لكن وجود بعض اقاربنا حال دون ذلك .. وفي اليووم الرابع جاءت وبعد ذهابها اخبرتني امي بانها خطبتني لاكبر ابنائها وخطبتني وليتها لم تخطبني ولم تفكر بي يوما فقد دمرت حياتي بعدها (حسبي الله ونعم الوكيل).. بعد موافقتي جاءت مع بناتها وحددو لي الملجه التي كانت بعد اسبوع ولم يهتمو بدراستي بل كانت تفكر بزوج ابنتها فقط لانه سيسافر وعندما طلبت منهم ان ياجلوها لبعد عودته قالت لا نحن نريد قبل رمضان فوافقت.
ثم تكررت زيارات عمتي لنا بعد الملجه .. جاءت الى منزلنا وماذا تقول أي نوع من الناس هي.. تقول لقد اتتني احدى الجارات تريد ان تخطبك لابنها قبل ان نخطبك فقلنا لها انك مخطوبه لابن عمك.. انظرو كيف كانت البدايه .. كانت تاتي لامي وتقول لها فلانه قالت عنكي كذا وفلانه قالت كذا (الله يهديها) لم ترد عليها امي بل كتمت حزنها في قلبها اتعلمون لماذا لان امي خائفة علي ولا تريد ان تكون سببا للمشاكل بيني وبين اهل زوجي والمشكله الكبيره ان عمتي تصدق كل مايقال ومتقلبت المزاج تظنون اني ابالغ لا والله هذه عمتي.. اضافة الى ذلك لم يسالوني عن مهري بل سالو عن مهر زوجة اخي واعطوني بدون سؤال نفس مهر زوجة اخوي؟ّ!!
وتكررت زيارات ام منصور وكلامها اللي تنقله عن الناس بانهم يقولون عنا كذا وكذا.. تخيلو واتت الينا في يوم من الايام تقول انا قلت لفلانه بانك طلبت التصوير ب20000 ووالله ان التصوير اخترته لاجلهم لم اردهم ان احملهم فوق طاقتهم وتصويري كان فقط ب7500 تصوير يومين مع فيديو مع ان كان فخاطري تصوير فوتوغرافيا بس الحمدلله عكل حال.. وقالت ايضا لقد قلت لها بان القاعه بهذا السعر والكوشه بهذا السعر وطبعا كلها اسعار تفوق الاسعار الاصليه يكثير ولماذا كل هذا لان عمتي تحب المظاهر وتقول لنا لا تقولو لها غير ذلك لا تطلعوني جذابه يدامها ما انتي تجذبين يدامنا عموه الله يسامحج والله.. والقاعه كنت اتمنى ان يكون عرسي في قاعة الثريا كما قلت سابقا ليس كل مايتمناه المرء يدركه فقد جاءتني اخت زوجي وقالت لي بانهم لا يستطيعون ......الخ فوافقت على أي قاعه .. والفرقه طلبت من زوجي ان تكون الفرقه التي احبها فرقة سلامي وزوجي وافق لانه الشي الوحيد اللي بغيته وبينفذونه لي 6 شهور وهو يقول لي حجزت سلامي واخر شهرين يقول لي سوري انا ماحجزتها واختي حجزت فرقه ثانيه ؟؟؟؟؟!!!!!!!!! اخته تعرف اني ابغي سلامي كيف تحجز فرقه ثانيه ؟؟؟!!! الله يسامحج يا من اعتبرتج اختي فيوم من الايام ولكن لم تنتهي القصه على هذا النحو
ان شاء الله بكمل لكم باقرب وقت ابغي اكتب كل اللي فخاطري عل وعسى ينزاح لو جزء بسيط من الحقد والحزن اللي فيني
والله لو تعرفون كلماتكم كيف تواسيني والله احبكم في الله ووالله اني محتايه الى يوقف ويايه اللي يكلمني ينصحني يخفف علي محتايه لو كلمه والله.. في اشيا ماروم اقلها لاهلي كفايه صدمتهم فناس كانو يعتبرونهم اهل والله لو الاهل جذه جان محد في هالدنيا يباهم .. الله فوق بكمل لكم سالفتي اللي احس انها بتجتلني قبل يوم
طبعا عمتي العزيزه ماخلتني فحالي بتسالون ليش بقول والله مادري.. عمتي من الناس اللي تصدق كل شي وبسرعه تجلب علي يوم اوكيه معاي وعشره لا والمشكله ريلي يسير الدوام يوم السبت العصر ويرد الخميس العصر يعني مش موجود الا في الويكند.. المهم عمتي ابد ما سكتت طول فتره الملجه وانا العميا عنياتي..
ريلي كان متخبل علي مادري متخبل ولا يقص علي كان يعصب لو سرت عند اهلي اللي في الشارجه ازورهم في الويكند لانه ايام الملجه كان يوم الخميس بيتنا واليمعه والسبت العصر يعني كل يوم موجود فيه هنه ويعصب لو قلت له انا مشغوله وولا اذا اخواني يلسو معاه لانه يبغي ييلس معايه ويسولف ويضحك.. ريلي السابق كان يتصلي قبل ما ايي اقله اتريه شوي يعص بلاني مش جاهزه واذا قلت له انزين تعال بس لاتمشي بسرعه لانه ريلي ولد ييرانه كان اييني مشي ماتصير الا ثواني وهو عند الباب ولو اتاخر عنه دقيقه يعصب ويشوت باب الحوي ويقعد نص سااعه مارمسني فيها يعني تخيلو ضيف زعلان يا الله كنت احس بالذنب والله بس اقله اتاخر وهو مش طايع المهم تعودت انه اييني معصب ومايرمسني في البدايه بعدين يرد طبيعي وفي الليل يتاخر اقله ابوي بيحشرني وايد تتاخر ينطش ويوم يتاخر الوقت يشرد ويخليني بروحي احصل هزاب الوالد .. ومرت ال9 شهور على هالحال كنت اقول لهم خلو العرس بعد سنتين بس ماطاعو وخربو مستقبلي الدراسي يا الله والله حياتي انجلبت فوق تحت ولين اليوم اعاني ماروم ارد شرات قبل ..
قبل العرس قلت لاهل ريلي ولاهلي كانو مجتمعين كلهم قلت لهم بليز مابا حد يقسم الصاله ويقول عاليمين لاهل المعرس وعاليسار لاهل العروس لاني ماحب هالشي والله الضيف يوم بيي ييلس فاي مكان مش كل مايا ضيف من صوبهم يقولون له ايلس عاليمين ومن صوبنا ايلس عاليسار يعني مش حلوه فحقهم وانصدمت باخت ريلي تسوي هالشي يوم العرس مع اني مخبرتنها قبل بس لا حياة لمن تنادي وعصبت على اختي؟!! تعرفون ليش لاانه اختي شافت يدتهم يالسه في القسم اللي حددته اخت ريلي لاهلي انا فسالت اختي يعني خلاص ماشي اقسام جان تعصب اخت ريلي وتشل يدتها وقامت تقول للناس انه اختي ماخلت يدتها تيلس الله واكبر والله اختي قصدها يعني مالها لزمه يفصلون الصاله لاهلنا واهلهم .... هههههه والله شر البليه مايضحك ريلي واهله كلهم جذه يكبرون السالفه ويزيدون رمسه ومايعيبهم حد والناس كلهم مش اوكيه بالنسبه لهم ليش الله اعلم عالعموم كثر الله خيرهم خربو عرسي .. شغله ثانيه سووها وماحبيتها ابدا بس اضطريت اوافق بعد الحاح ريلي علي سالفة انه محد يدخل تلفون بوكيمره العرس؟؟؟!!! انا واثقه فاهلي وهو واثق فاهله ليش كل هذا؟!! يعني الناس تحتاي تلفوناتها ومحد الحينه عنده بدون كيمره الا ماندر محد يروم يظهر من بيته من دون تلفون ترى عيالهم في البيت يطمنون عليهم ولا لا سمح الله صار شي وهم محد .. ووالله لو انا كنت مكان الضيوف جان تضايجت بس شقول حكم القوي واستوت مشكله ثانيه بس هالمره من صوبنا عمتي اخت ابوي وبنات عمي سون سالف هوانا مخبرتنهن بدون كيمره بس شقول الله كريم الله يهديهن .. تعرفون كيف عرفت سالفة تقسيم الصاله ؟؟ يوم كنت اطالع اللي على يميني عرفت الكل ويوم اطالع عيساري ماعرف حد جان انصدم .. المهم يوم دخل ريلي غطوني وبعد ماظهر اخوه وابوه شليت الغطوه لان الباجين محارمي كلهم جان اشوف اخوه صف ثاني اعدادي موجود انصدمت ريلي ماقال شي يعني عود ماشاء الله وشوي اشوفه معصب منو مدخل هالولد داخل ولد ثاني داخل ومحتشر عاساس انه من اهلنا مع ان الولد اصغر من اخوه بوايد بس مادري وين الفرق وفي النهايه اكتشفت انه من اهلهم .. وخلص هالعرس اللي ماحسيت به والله ماذكر فيه شي بس هالاشيا لانهم عورو راسي وسرنا نتصور عصب عالمصوره ويوم بنظهر عصب علي حد يعصب عحرمته بيوم العرس خخخخخخخ لا تعليق وعدا هاليوم بقيت اليوم كانت حلوه مادري لانه بعيد عن اهله ومحد يلعب بمخه تتحسبوني ازيد رمسه ؟؟ لا والله هذا اللي انا اشوفه..
واليوم الثاني كان موعد سفرنا والغدا كان فبيتنا المهم اخويه وصلنا المطار وفي الطياره اتخيلو شو يقول ريلي؟؟ ريلي يرمس عن ابويه فاول يوم لي معاه يقول ابوج قال لي كذا وكذا يدام الناس ومعصب تخيلو حالي والله ريلي يرمس عن ابويه فاول يوم؟؟!! الله يسامحه .. صح تضايجت وحاولت ادافع عن ابويه بس الكلام معاه ضايع..تعرفون ابويه شو قايل له؟؟ يوم الحنا شاف الشباب يالسين جان يقول لهم تعالو ساعدوالكبار بروحهم يشتغلون يرمس اخواني واعمامي وهو طلع موجود فقال ابوج قال لي وانا معرس وابوج مادري بلاه والله ابويه احسن عنه مش لانه ابويه لان ابوي فحياته مارمس عنه بسوء ابويه كان معتبرنه ولده والله مايستاهلون اهلي كل هذا كله مني انا استعيلت عرست وانا صغيره ليتني ماوافقت والله بعدني صغيره عالعرس وبلاويه.. يعني بيطيح نصك ياريلي لو ساعدت الشباب والله اخويه فيوم الملجه نش مع الرياييل يساعدهم ماقال ملجتي ولا قال بتوصخ ماظني بيصير شي والله الدنيا بتنتهي لو ساعدهم .. وفي شهر العسل طبعا لازم مشاكل وعوار راس عادي يزعل مني ويرقد عالغنفه ويخليني ارقد روحي يعني كفايه اني بعيده عن اهلي كفايه اول مره اسافر بدونهم وبعد تسوي فيني جيه ربي فوق ماينساني.. اكتشفت في السفر انه ريلي يحب يشتري لعمره بس ولاهله والله جرحني الله يسامحه وردينا من السفر قبل الموعد المحدد لاني خلاص طفرت مليت والله مليت حسيت اني اكرهه والله كرهته بس مابينت هالشي له لانه يتم ريلي وردينا البلاد.. طبعا شهر العسل ماوداني المكان اللي خاطري فيه سرنا المكان اللي خاطره فيه عقولته انا ماروم مابتكفيني بيزاتي؟؟!! بعدين بخبركم جيه انا مقهوره من هالسالفه ..
اسمحولي بثجل عليكم بس والله ابغي اخفف من اللي فقلبي ابغي حد يحس فيني.. وسوري عدفاستي بس والله من القهر
بداية اتمنى من الاخوات هناء او ام منصور ينقلون موضوعي لاي قسم مناسب ممم سالفتي لها نهايه بس بغيت دعوه ولا كلمه تخفف عني ^_^ مشكوره الاخت اللي اخترحت علي سالفة النقل
ردينا من السفر لبيتهم لاني بسكن مع اهله والله احس انها اكبر غلطه سويتها فحياتي سكنت مع اهل ريلي ..تعلمت درس كبير والله .. استقبلونا استقبال حلو واستانست وعموتي كانت اوكيه في البدايه معاي بعدين ريلي بدا دوامه يعني اسبوعين تم عندي وسار الداوم رد الاسبوع الاول كنا اوكيه لان يدت ريلي وعمته في البيت معانا وعموه تبا تبين لهم انها مهتمه فيني .. ام منصور انسانه تحب المظاهر وايد وتحب تقول للناس انها محطتني عراسها ومش مقصره علي بشي في البدايه كانت اوكيه وايد معاي بس كانو وايد يرمسون عن اختي االعوده عشان سالفة العرس ويرمسون عن ابويه عشان الاخ ريلي .. قلنا "صبرك وحيل الله قوي قادر يفرجها بعد ضيق وعسر".. سرت مع ريلي المنطقه اللي يداوم فيها عاساس بيلس اسبوع قبل ماتبدا الجامعه..وفنص هالاسبوع ربت اخت ريلي بعد 3 اسابيع من ردتي للبلاد..يوم كنت عند ريلي كنا ساكنين فشقه صغيره غرفه وصاله وحمام كرمكم الله ومطبخ موفرتنها الشركه ماعلينا.. ووديت اخت ريلي تغير جو ماقبلوها التقنيه عسب السيبا وقلت احسن تغير جو لانها متضايجه كانت بترقد بروحها في الصاله ماهانت علي صرت ارقدها عنا تخيلو بتقولون بتذل البنت بتعرفون في الاخير ليش اقولكم كل شي..
وماكملنا الاسبوع ردينا لان اخته ربت وزرتها اول يوم وثاني يوم وثالث يوم مارمت اسير لها وسرت رابع يوم.. تخيلو عموتي تسلم علي من ورا خاطرها وتقول لي انا مابيي عند عيالج يوم تربين وانا مابسويلج وانا وانا كل .........الخ من هالرمسه التي تعور القلب توني عروس وجذه ترمسني سكت ماقلت شي وكل هالرمسه يدام بناتها وولدها اللي هو ريلي وكلهم ساكتين لا تعليق.. بعدين صارو يزورونا اهلهم عمتي كاانت تقول لي اييون عند بنتي مااييون عند مرت ولدي يعني حزت فخاطرها مع انهم كاانو اييبون لي ولبنتها هدايا وتمت تعيب على هداياهم لين ماقلبي عورني ععمري تقول لي عموتي لو تبيعين ذهبهم كله مابييب لج خاتم شرات خواتمج والله ما كنت اهتم بس من كثر ماتعيد هالرمسه صرت اتحسس اقول هيه صح كلامها مازارونا عشاني عشان بنتهم بس والله شي يحز في الخاطر والصراحه اهلي مايابو لي شي من البدايه كانت عندهم ظروف يعني والله الناس معذورين وكانو يزوروني فبيت امي لانهم يستحون ايون بيت عموتي وعموتي كانت كل يوم تقول لي اهلج مايبونج لو يبونج بيونج مايحبونج حتى مايابولج شي .. اقلها اخوي ياب لي اخوي ياب لي شغله تسوى كل شي يابو لي اياه مش معاير والله بس هي تخليني ارمس جذه وابوي ياب لي واختي واخوي الثاني وحرمته وعمتي اخت ابوي وامي قالت لي تعالي اختاري لج أي شي تبينه اهلي مش وايد وقوم خالي بعد يابو لي عموتي مادري منو قصدها اهلي .. وتمت تعايرني طول الوقت بهالسالفه في وحده عاقله تقول لحرمة ولدها اهلج مايبونج مايحبونج؟؟ّّّّ!! انتي اللي تحبيني ياعموه ههههه الحمدلله ياربي..
ماكنت اعرف كيف ارضيها بدت الجامعه ارد من الجامعه العصر اريح شوي لين المغرب انزل عندهم عسب مايزعلون وياليتني ماانزل كل مره تسمعني عمتي الحبيبه رمسه احلى عن اللي قبلها والله اني ماتخيل انه في ناس في الدنيا جذه .. وكل ماتروح مكان تباني اسير معاها يعني بنت بنت عم ابوهم ربت لازم انا اسير بنت خال عم فلان لازم انا اسير وكله في الويكند يعني انا ليش معرسه مش من حقي اشوف ريلي طول الوقت يا عرس يا وحده ربت يا ودينا مكان ترى عفكره انا من بوظبي واهلهم من الشارجه يعني درب والله ويوم اقولها عموه تعبانه ولامريضه تعصب وانا مابيي عند اهلج مابزورهم ومابسوي لهم .............الخ والله عرسي كان كلهم عوار قلب يعني خافي الله فيني والله صغيره وتسوين فيني جذه والله قبل عرسي كنت من النوع اللي اتحمل وبعد العرس انجلب حالي من عمتي الواحد يصبر يصبر يصبر لين ماينفجر .. سويت عمليه فظهري مرتين يابت لي الفطور فوق وذلتني على هالمرتين والله ليتني سرت عند اهلي بعد العمليه ولا تميت عندهم.. قبل العيد بيومين ولا 3 سويت العمليه ونسيت اليوم الثاني الصبح قلت بوديهم يتحنن يتمن عمتي وحمياتي قلت لريلي في البدايه يودينا لاني ماروم اسوق بعدين قلت لا هو بيعصب لو تمينا نلف عالصالونات لين مانحصل لنا مكان نتحنى فيه جان اقول لهم انا بسوق ولفينا الدنيا وردينا بخفي حنين..مر العيد الاول وسرت عند اهلهم في الشارجه وسرت اعراسهم ومريت عاللي يربن من اهلهن بس كل هذا ماكان يبين فعينهم الله كريم .. كنت اخاف اقول لامي مابا اهمها واخليها تحاتيني كنت قريبه من اختي ومرت اخوي بس اختي اكثر يوم يصير لي شي اقول لاختي لاني احسن اني بموت من الهم تعرفون اختي شو تقول خلج انتي الافهم والاعقل وهي تم فيها افهم وواعقل والله اني اصغرهم ليش جذه يعاملوني والله اني اعقلهم مش اني شايفه نفسي بس والله تفكيرهم تفكير يهال دايم يظنون بالناس ظن السوء يتحسبون الناس مايحبونهم ويكبرون السالفه اللي ماتسوى لو غشمره وعموتي ااه منج يا ام منصور ترمس عنا يدام الناس ويوم تشوفني انزل ترمس بصوت واطي ولا تسكت نزلت جيه تسوي مانزلت قالت لريلي ماتنزل وتسير تشتكي لامي كل يوم بنتج ماتنزل عنا بتنزل ما اتيي معانا بنتج مادري بلاها وبنتج مالبست ذهب يوم سرنا بيت فلان وبنتج ماحطت ميكاب و................الخ ..
تدخل فحياتي كامله يوم اوكيه وعشره له يبون مني شي مافي احسن منهم مايبون شي يتغيرون علي ..يعني كفايه يا اام منصور تعورين لي قلبي تسيرين تعورين قلب امي بعد ليش .. امي تسالني مرات تشوفني غير صرت اضعف عن قبل وسوالفي تغيرت تحسني مهمومه تقول لي يماه فيج شي اقلها لا مافيني شي وين بحصل احسن عن ريلي واهله (الحينه اقول وين مابحصل احسن عنهم..استغفر الله ياربي) وعلى هالموال طول ايام عرسي والله اني صرت اصيح على أي شي من كثر الهم والله احس اني بتخبل اتيني اوقات اصلي واصيح ريلي يخاف يقول لي بلاج شو صاير والله اني وصلت حافة الجنون اذا ماينيت من عمتي يتني فتره والله صرت ماعرف ابغي ريلي ولا مابيه الله يسامحه ريلي يشوف امه شو تسوي وقال لي مره انا اعرف امي شو تسوي فيج ويلس يصيح يقول لي انا ما استاهلج كنت اصيح اقله لا تقول جيه الحينه يوم صحيت م نغفلتي اقول هيه والله ياريلي ماتستاهلني والله ماتستاهل كل شي سويته عشانك .. سارو امي وابويه الحج وكنت ازور خواتي وايد ويدتي كانت عنا عمتي العزيزه باب بيتهم بباب بيتنا يتهم مرتين وطاف ولا تتصل ولا تسال هيه ياعموه بييج يوم حتى انا ماتسال عني مريضه ولا مش مريضه
[FONT='Arial','sans-serif']تتحسبون انها النهايه لا والله .. [/FONT]
[FONT='Arial','sans-serif']في نقطه انا ماذكرتها قبل بس ابغي اقولها انا ماكنت احب ريلي حاولت احبه بس ماقدرت كل ما احاول اتقرب منه صفاته ومعاملته ومعاملة اهله تبعدني عنه.. انا ما اقول اني اكره بس ماكنت احبه .. حاولت وحاولت وحاولت بعد 3 شهور يلست مع زوجة اخوي وقلتها كنت محتايه حد يواسيني حد يعقلني حد يقول لي شي جان تقول لي حاولي وقامت تنصحني وتقول اغلب الناس جذه.. بعد مارديت البيت صرت دوم ادعي ان الله يحببني فريلي لانه ريلي والمفروض احبه.. مممممم ماقول بديت احبه بس بديت اتعود عليه.. بدت المشاكل تزيد تزيد واخر مره يوم ماسرت عند حميتي لانه كان عندي تسليم اليوم اللي بعده.. قامت القيامه فبيت عموه .. محد مفتكر فيني وفدراستي لا ريل ولا عمه ولا خوات ريل ولا عم ولا حد لاني مش منهم لاني مش بنتهم مش اختهم ..ارد من الجامعه متاخره العصر تقريبا ابغي اريح شوي اذا مانزلت قاالو مانزلت انزل يخلوني اعلم اليهال يعني للامانه ماكنت وايد اعلمهم بس يعني يايه من الجامعه راعوني عندي شغل بعدين بس وين اللي بيحس.. وام منصور دوم تتريا مني هدايا انزين انا توني عروس وبعدين استحي اطلب من ريلي والله احس اني شحاته .. وكنا اصلا مقررين ناخذ لها ولامي ولابوه وابوي هدايا بس من كثر ما ام منصور تحن احس كرهت السالفه الواحد يوم اييب ييب من خاطره وصرت احس اني لو يبت لها بكون جني يايبتلها عشان رمستها شو الفايده من الهديه هذيج الحزه.. من يوم ماسرت العزيمه وام منصور وبناتها وكلهم في البيت متغيرين علي 180 درجه يكرهوني والله والله اني ماشفت ناس فحياتي جذه "ان انت اكرمت الكريم ملكت وان انت اكرمت اللئيم تمردا" ياالله ياكريم.. [/FONT]
[FONT='Arial','sans-serif']فنفس اليوم عطيت عموتي هديه اتخيلو الموقف ماده لها ايدي ومحد في الصالع غيري واياها اقلها عموه هذي لج وانا مبتسمه اتخيلو شو قالت لي تقول لي انا مابا شي منج والله والله وربي يشهد على كل كلمه قلتها اني حسيت بها تموت جدام عيني حسيت قلبي يحترق تمنيت الموت ولا عمتي تطلع منها هالرمسه والمصيبه انها ماسكتت عادة علي الجمله 3 مرات وبعد محاولاتي خذتها بس ليتها ماخذتها ليتني ما افتكرت فيها والله ماتت فعيني والله احس لين هنه وخلاص كل شي ينتهي "للصبر اخر خلاص عافك الخاطر" هيه يا ام منصور الله فوق وبياخذ حقي ان شاء الله حقي وحق اهلي يارب.. تعور قلبي تقريبا يوميا وتجرحني وترمس عن اهلي وترمس عني وتزيد رمسه الله واكبر والله وتعايرني والله وصلت حافة الجنون .. يوم العيد الصبح انا سرت بيتنا اتلبس لانه اغراضي في بيتنا وقلت بخلص وبرد اسلم عليهم .. منصور وصل بيتنا وصل لين باب الصاله شاف اخواني ويدتي وخواتي والله مانزل يسلم عليهم شافهم وشافوه وطلع .. والله شقول لاخواني اخواني يسالوني عنه جيه مانزل اقلهم مشغول بيرد يسلم والله ولا رد ولا سلم عليهم الله يسامحه والله .. وانا تلبست وشليت يدوه واختي العوده وسرنا نسلم عليهم والله سلمو علي من ورا الخاطر وعطوني ظهورهم وام منصور يلست ترمس يدوه بصوت واطي حزت بخاطري هالشغله يعني يرمسون اختي ويدتي وانا طاف الله فوق والله لا وعاطيني ظهورهم ويبينون انهم مش اوكيه معايه يعني انا فعمري مابينت لاهلي انهم مش اوكيه معايه هم يسوون هالشغله يعني حرام والله انا اعدل عليهم وهم يخربون والله ا نامي تخاف علي منهم تعرفون ليش لان ام منصور تقول لامي ولدي عصب عليها هذاك اليوم ولدي عصبي تيلس تقول لامي بنتج سوت جذه وماسوت جذه يعني حرام عليج خافي الله في امي والله تعورين قلبها عليه ليش .. وبعدين روحت غرفتي ونفسيتي زفت ويلست اصيح ياني ريلي يسالني بلاج والله صليت اتخبلت اقله والله صرت مادري اباك ولا ماباك والله ماعرف شو ابا والله خبلوبي والله والله اني مابالغ والله كنت ادور لي دكتور نفساني احس خلاص ينيت ..[/FONT]
[FONT='Arial','sans-serif']رديت بيتنا اليوم الثاني احس اني خلاص انتهيت اميه وابويه محد مروحين الحج ويدتي كبيره مابيها تنهم وياي وماعندي غير اختي اللي اقول لها كل شي عسب ما اموت من الهم والله اختي قامت تصيح وياي يايتنهم ثاني يوم العيد قلبي متروس ماروم ارمس حد مابا اشوف حد حتى دخلت وماسلمت عحد على طول لغرفة امي والله انهرت يلست اصيح من الخاطر واحتي تحاول تهدني فيني وانا مش قادره امسك نفسي والله دموعي بروحها تنزل .. بعدين روحت غرفتي اللي فبيتنا ويلست اعدل مكياجي لانه بنات عموتي اخت ابوي فبيتنا وماباهم يحسون بشي وفجاه صار شي والله جتلني اتخيلو يدتي يتني فوق وقفلت الباب حسيت ان فيها شي بس سويت عمري طبيعيه جان اتيي عندي تقول لي يماه فيج شي اقول لها لا مافيني جان تقول لي والله يماه فيج شي والله احس كنت محتايه حد يسالني هالسؤال محتايه حد يواسيني وطبعا مادري بلاني صايره حساسه احس قلبي متروس والله يلست اصيح من الخاطر اقلها يماه مافيني شي تعبانه بس جان تقول لي عمتج خبرتني تخيلو حسبي الله ونعم الوكيل بعد يدوتي تبين تهمينا خافي الله .. والله زدت وزاد همي الحينه يدوه صارت تعرف بهمومي والله انها طاحت اسبوع مريضه مش من شي والله من الهم تخاف علي .. اشوف يدوتي تصيح تخيلو يدتكم اغلى ناسكم تصيح..:tears:[/FONT]
[FONT='Arial','sans-serif'][/FONT]
[FONT='Arial','sans-serif']يالله والله مابغي اصيح وانا في الجامعه بكمل لكم القصه بعدين يوم اكون اوكيه.. والله مهمومه ياناس والله [/FONT] الله يبعد عنكم الهم[FONT='Arial','sans-serif'] :sadwalk:[/FONT]
حبيبتي بعدك صغيرة والحياة كلها قدامك
مافيه شي في الدنيا يستاهل دموعك ولا زعلك وابتسمي وانسي الماضي وابدي صفحة جديدة.........
وأنا متأكدة انك بتقدرين دام عند رغبه قويه
وحطمي الجبال اللي على صدرك(وفضفضيلنا بنتضارتكملتك)
وثقي بأن الله عز وجل بيكون وياك
الله يحفظك ويوفقك.....وتفائلي بلخير ودمتي بسعاده......... خجللللللللللل
رقدت بيتنا ثالث ايام العيد لاني خلااص ماروم اتحمل اشوفها مره ثانيه وعاساس امي وابويه بيوصلون اليوم والحمدلله عالمغرب وصلو.. وسلمنا وسوالف وضحك وقلت مابخبرهم الا بعد كم يوم عسب يشوفون لي حل بس اللي خرب كل شي ان ابويه فجاه طراهم وقام يمدحهم فشفت الكل يطالعني لاني كنت اليوم اللي قبله متخبله وصلني مسج من ريلي خلج فبيت ابوج لين يوم يردون ونشوف لنا حل بنجتمع كلنا قسم بالله حسيت اني احترق لانه ريلي مع امه فالغلط والصح ماخافو الله فيني تعرفون ليش كل هذا لاني ماروحت العزيمه لاني سرت المستشفى في الليل مع اخويه لاني ماروم اسوي لهم كل اللي يبونه لانه ريلي مايعرف شي اسمه خصوصيه ويخبرهم بكل صغيره وكبيره فحياتنا لانه ريلي مايحب الا نفسه واهله وهم يعتبروني غريبه لانه ريلي ماعنده شخصيه وماعنده كلمه لان ريلي فحياته ماحاول يحل مشكله بينا مابقول شو كان يسوي والله بتضحكون بتقولون فيه ريال جذه ......... المهم تخبلت وظهرت من البيت بروحي لاول مره من الساعه 4 لين 8 والكل يدور عني وبنت عموتي شافتني اركب السياره وانا اصيح وخبرتهم وتلفوني غلقته وصارت حالة طوارئ في البيت .. رديت الساعه 8 مافيه روح ماروم اوقف عريلي والله جنه ميت لي عزيز تخبلت والله مش عشانهم بس لاني احس اني مظلومه ومش قادره اشكي لامي ولا لابوي .. وصلت البيت طحت في الحوي ماحس بعمري اصيح وادعو بدعوة المظلوم لا ارادي جذه ..
المهم ارد للسالفه يوم ابوي طراهم فجاه الكل يطالعني وهدوء جان اصيح كانت نفسيتي زفت والله وماتحمل كلمه والله وكنت على حافة الجنون.. قلت لابوي شو سوو فيني بس اخر اسبوع مارمست عن قبل جان ينصدمون كلهم وقلت له انا مش راده بيتهم رمسهم وقولهم ليش يسوون فيني جذه ليش يكرهوني والله انهم تخبلو في البيت يوم عرفو شو يستوي بي فبيت عمي .. المهم اجتمع ابويه مع ام منصور وبومنصور وشوي اسمع صراخ ام منصور تخيلو تصرخ عابوي جان اانا اسير تحط علي تزيد رمسه والله ماتخاف الله فيني تتبلى علي تجلب كل سالفه لصالحها تزيد فيها رمسه وهذاك اليوم قلت برمس واللي فيها فيها كنت ادافع عن نفسي
تخيلو تقول لي انتي ماتبين ولدي ييلس معانا ؟!!!!!!!! يالله والله دوم وياهم ومايخلوني ايلس وياه يعني ريلي ماخذتنه اسم؟!! بس عسب اقول للناس اني معرسه.. حسبي الله ونعم الوكيل وقامت تتبلى علي وانا ادافع عن نفسي والله الله لا يبيلكم بناس شراتهم والله ماتمنى لحد هالشي مابا اقول شو قالت والله انها مش بس عورت قلبي والله الله لا يراويكم حال امي وابويه من الصدمه .. وفجاه نطق عمي عمي اللي مايسال عني ابد جان يقول لابويه انا شليت عنها السياره عسب تتادب!!!!!!!!!!!!!!!!! اتادب ليش شو سويت انا لانه ريلي ما يسال عني وقلت لاخويه يوديني المستشفى؟!!!!!!! لا وتعبانه وحالتي حاله وقلت لاخويه لا برد عند ريلي حرام ماباه يرقد بروحه مع اني كنت زعلانه منه بس مايهون علي يتم ريلي بس ريلي طبعا شرات ماقلت من يصير شي يقول لامه وياليت مروحه بسيارتهم والله اخويه موصلني بسيارته.. والله عموتي تعرف انا متى ابطل الباب وليش وكل شي كل شي ماتتصورون شو يعني كل شي بتقولون كيف عرفت هالشي والله هيه قامت تقول رمسه ما استوعبت الا في النهايه انه ريلي يوصل لها كل شي لانه في وايد شغلات محد يعرفها غيره الله يسامحه وياخذ حقي منه ..ويقول لي عمي انتي تصرفين وولدي دوم يعطيج 5000 الله واكبر عليهم متى عطاني هالمبلغ مادري مش عشان اني ماديه بس فيه حد يرمس جذه لو يعطيني كل راتبه محد له شغل جان انصدم يقول لي عمي وانتي تسوين العباه ب3000 لازم مابتكفيج بيزاتج ؟؟!!! عن الحلال والحرام انا سويت عباه ب3000 حليلهم يتحسبون ولدهم يصرف لي شرات الخلق جان اكون صريحه لاول مره قلت له عميه تتحسب هاي بيزات ريلي لا والله اهلي لين يومي هذا يصرفون علي ابويه عطاني 3000 ابويه كل مااروح البيت يعطيني الف اخواني يعطوني اظهر معاهم يدفعون بدالي ريلي مابرمس عنه الله كريم بس.. واستوت سالفه كبيره وعمي كان فاهمني بس الله يخلي ام منصور ماثره عليهم كلهم والله انه محد يفرق بين الصح والغلط اللي تقوله لهم هو اللي صح الله فوق الله يمهل ولا يهمل .. وطرشت لي بنتها فنفس اليوم ماعاش اللي يهين امي وابويه وعفكره هاي اكثر وحده تعرف امها شو تسوي فيني الحينه اللي يدافع عنه نفسه طلع يهين الناس الله كريم
ومن بعد هالسالفه شفت ريلي مره بدون مايعرفون اهلي ولا اهله يلس يصيح يقول لي اعرف امي شو تسوي فيج يعني انت شيطان اخرس مش الساكت عن الحق شيطان اخرس واخر شي يقول لي اختار اهلي يعني هم مخيرينه بيني وبينهم الله فوق يا ريلي العزيز والله ياخذ حقي منكم.. وبعد هالسالفه ام منصور خبرت الناس كلها ان نحن بنطلق والله سالفة طلاقي وصلتني من الناس وطبعا عنا ييران موجودين عسب يتشمتون عالخلق ويطالعون مصايبهم كانو يزورونا كل يوم عسب يعرفون الاخبار الله يجزيهم الف خير ونعم الييران والله .. وطلعت عمتي اشاعه وقالت اني شاله ملابسي واغراضي كلها من البيت تعرفون شو سوت داخله غرفتي وشاله اغراضي وملابسي طبعا مش كلها اللي عايبنهم مش يايبينه مع انه حقي لانه هو اللي بيطلق .. المهم حطت شغلاتي كلها فجيس فستان وفرته في الحوي الله واكبر والله اييج يوم يا ام منصور .. لهالدرجه ماشي ادب واحترام لهالدرجه في ناس عقليتها عقلية يهال مايفكرون؟!!!!!!!!!!!!!!!!! يالله يا كريم .. وقامت تطلع علي رمسه وعلى اهلي ونحن ماضريناها بشي تطلقت من شهرين تقريبا ولله الحمد والله اني مرتاااحه وايد بطلاقي واحس انه احسن شي صار لي بحياتي جان جذه العرس مابا اعرس اكتفيت منه ..
والله اني ما ابالغ خطبوني 2 فنفس اسبوع طلاقي والناس كانت تتصل تبارك لابويه يقولون الحمدلله افتكيتو منهم نحن نعرفهم من زمان !! وينكم من زمان ماتقولون انهم جذه والله توكم افتكرتو بعد ماتطلقت .. وحتى اهلهم والله كانو يتصلون يقولون لابويه والله مستحيين نتصل لكم والله فشلونا نحن نعرفهم كيف بتقولون اهلهم يكرهونهم في اخو يكره اخته؟!! في اخت تكره اخوها؟!! والله اقرب الناس لهم يرمسون جذه وام منصور مش مقصره لين يومنا هذا ترمس تشوه سمعتي اونه هم يحبوني بس انا ماااباهم الله واكبر .. وتبا تقهرني تقول للييران رمسه وتعرف ياراتنا على طول يوصلن الرمسه اونها بتحرق قلبي تقول بتعرس ريلي السابق واخوه فنفس اليوم جان ابتسم اقول لهم الله يوفقهم ويرزقهم ببنت الحلال وعمتي تقول للناس محد محترق قلبه غيرها ماظني احترق شرات ماحرقت قلبي ^_________^ واذا كان صدق هالشي تراها دعوة المظلوم ياعمه
والحمدلله عكل حال ولو ترمس ام منصور من اليوم لين اخر يوم فحياتي ماهمتني لاني واثقه من نفسي وبغيت اكتب قصتي لكم عسب تسالون عدل عن رياييلكم قبل ما توافقون عليهم والله والله اهم شي صلاة الريال واخلاقه وقبل ماتفكرين به فكري بامه لانه يوم تاخذينه جنج ماخذه امه
والحمدلله على كل حال .. والله يرزق كل وحده بولد الحلال اللي يستاهلها ومايظلمها ولا يظلمونها اهله ^_____^ ويوفقنا اجميعن.. ولا تنسوني من صالح دعائكم
اختيه الله ريحج واستجاب لدعائج زين منج تحملتي كل هالوقت انا ابغي افهم وحده هي وريلها لهم حياتهم شو يبون رازين بويهم في كل صغيره وكبيره وهذا تسميه ريل الله فكج منه عنبو ما يروم يرمس ولا يدافع عنج والمشكله انه يعرف شو يسون بج الله يعطي الانسان ع قد نيته والله ثم والله اذا الله هب كاتب لج تتطلقين ما كنتي تطلقتي بعدج صغيره وعساه خير والف واحد يتمناج يمكن هو امه مسيطره عليه ويمكن فعلا حبج بس ما قدر يحافظ على هالحب ويقدرج الله بياخذ حقج وانتي غلطانه من البدايه يوم سكتي لا تفكري في يوم تعزين ريلج على هلج كيف رضيتي يغلطون وينزلوا من قدر هلج وانتي ساكته صدق انهم ماس ما يعرفوا الحشيمه وخليه يتهنى بلي بياخذها والف مبروك عليها الجحيم الي بتدخله بريلها الله يعوضج خير عنه مع واحد يعرف قدرج عيشي حياتج وسط هلج واذا لج نصيب بتاخذيه كملي دراستج احسن لج
كنت اقول لهم خلو العرس بعد سنتين بس ماطاعو وخربو مستقبلي الدراسي يا الله والله حياتي انجلبت فوق تحت ولين اليوم اعاني ماروم ارد شرات قبل .. 
