هدية زوجي

[مرت تركي]

عزيزاتي ،،،،،،،،،
اذا قرب موعد يوم ميلاد زوجك او اي مناسبة ثانية مثل كملتوا سنة من الزواج
فما هي الفكرة التي ستقومين بها ؟
هدية .عزيمة .سهرة جميلة .وابغى شي معنوي بعد
يعني وحدة تقول زوجي قالي بس ابي منك الراحة النفسية هاي اكبر هدية
بس في هدايا ثانية ما تخطر على البال شنهي ...

همتكم معاي ابي اافكار ومقترحات جديدة

 

[باربي بوظبي]

حبيبتي الغالية

نصيحتي لك لا تقلدين الكفار في اعيادهم لانه حرام و العلماء اجمعوا على ذلك......... انا كنت اسوي هالحفلات بس يوم عرفت انها حرام تركتها و من ترك شيئا لله عوضه الله باحسن منها الصراحة حياتي تغيرت للاحسن و ريلي صار حنون و رومانسيييي و الله ما ابالغ....... سبحان الله
عشان الله يزيد المحبة بينم لا تسوين و الله يعوضج ......... و ارجو ان تقبلي مروري

 

[سويسي]

ياعمري اعياد الميلاد والزواج حراااااااااااام،، والله يخليلك زوجك

 

[مرت تركي]

مشكورات عزيزاتي وكان غايب عن بالي هذا الشي وتسلمون يا خواتي العزيزات

 

[ran4]

هلاحبيبتي
الله يسخر لك زوجك ويجمع بينكم بالموده.
شوفي حفلات وخرابيط مااحب:schmoll:لانه احسها حركات طفوليه

لكن هديه احسها حلوه وبالنسبه لي مااخلي للهديه وقت معين لا عيد ولازواج ولاميلاد!:fish:

اذاطقت براسي وصرت رايقه جبت له هديه وغالبا ماتكون محفظه جلد،عطر،جهاز جوال.

واسوي معها كم حركه حلوه والا الشموع والبالونات والكيك مالها داعي احسها حركات اطفال!1

واذا فيه امكايه تعزمينه برا البيت اوليله بفندق حلوه اوجلسة مساج مروقه ولك تحياتي.

 

[*الصمت*]

عزيزتي مرت تركي
ممكن تسوين له يوم خاص بدون اي مناسبة
وتجهزين له كيكه عليها صورته مثلا تصلحينها عند بنده او الدانوب
ومعها هدية عطر او مسبحة او شريط ديني ودك انه يسمعه مع ليله من احلى الليالي مجهزة نفسك وغرفتك
وتقولين لتجديد الحب مثلا لاثبات الغلا والشوق
بدون عيد زواج او ميلاد يعني قولي انت كل يوم لي ميلاد جديد وكل يوم حب وشوق ووله

 

[خوااااطر]

اهدي له هدايا مو بمناسبة الاعياد
هدايا بسيطه بين فتره وفتره
يعني دخلتي السوق مري المكتبه
واشتري له كتاب
ومثلا معطر حلو حق سيارته
كمان فيك تسوين كيكه حلوه وتفاجئينه قبل لايطلع لربعه
وتقولين هذي الكيكه لكم انت وصحابك ؟؟؟؟؟؟؟
كمان فيك اذا جيتي من بيت اهلك تخبين شوكلاته في صدرك واذا دخلتو تطلعينها وهو
يشوف مكانها حبيبي ماقوى قلبي اكلها وانت لا
كمان جددي روبه حق الحمام وحق البيت راح ينبسط انو تذكرتيه



بعد اذا تبين هديه محترمه ومبلغ مادي شي
فيك تفتشين عن اي شي ناقصه ووده فيه
مثلا قلم حلو وماركه ماعنده
محفضته صارت قديمه تجددينها له
انا بصراحه تعجبني مونت بلانك
ماركه حلوه واسعارها حلوه ومو ديلاتها كل الرجال يفضلونها
واذا يحب يلبس خاتم فضه صممي له واحد رايق
فيه فكره حلوه سوتها وحده من البنات لزوجها
قرآن محطوط في صندوق قزاز فخم وحولينه تولات دهن عود صغيره
يحطها في المكتب بس يدخل احد عزيز عليه يهديه تولت عود
كمان فيك تسوين علبة شوكلاته رايقه وتحطين شوكلاته من النوع الحلو فيها وتهدينها اياه
يحطها في المكتب
يعني هذي افكار بسيطه من الحياة اتمنى تلقين شي يعجبك
موفقه حبيبتي

 

[حنونه وايد]

حبيبتي انا مع ألأخوات انه اعياد الميلااد حرام بس انتي ممكن اتسوين جو لزوجج من غير مناسبة ومن باب تغيير الروتين ممكن في عطلة نهاية الأسبوع تشترين مجموعة هدايا لزوجج وتخبينها في كذا مكان وتخلينه يكتشفها بنفسه وبدون مساعده ويمكن ياخذ كم يوم لين أيلاقي كل الهدايا وأهم شي كل ما ايلاقي هدية حسسيه أنها ألأخيرة وصدقيني انا جربت لمدة اسبوع وكان جدا فرحان وقدر لي وايد هالحركة.مثلا عطر في السيارة,نعال جديدة في خزانة ألأحذية,,موبايل جديد تحت المخدة باليل,محفظة نقود اتحطينها مغلفة جنب محفظتة القديمه.............