هدية العيد للزوج

[سالي]

مرحبا, وكل عام وانتو بخير, العيد قرب وما بقى شي
أنا محتارة شو أهدي زوجي في هذا العيد وترى هذا أو عيد أكون فيه معاه
يالله كل وحدة تقول شو بتهدي زوجها عشا ن نستفيد منها

 

[نفاف دبي]

أنا عن نفسي مفكرة آخذ له -تكرمون- نعال من المندوس + غترة بيج لأنه ما عنده هاللون + مسباح من داماس + بيجاما (خذتها من نكست) + عطر وما أدري شو بعد ..

بس بعد مفكرة ليلة العيد يعني (يوم بيكون باجر العيد) بعدل الغرفة و بغير المفارش و الإضاءة و شموع و حركات و بآخذ لي قميص نوم يديد .... (ليلة رومانسية)

 

[ورده حمرا]

انا ماخذت شي ابا افكار بعد بس شي يديد

 

[سهرانه]

خوذي له جوال ..

 

[لحظات]

مساء الخير
وكل عام وأنتم بخير مقدما

انا اقترح تاخذين له محفظة ماركة راقية وتحطين له فيها 1000 درهم وتكتبين عليها
كل عام وانت بخير
ولو فيه ورقة نقدية اكثر من الالف ما تغلى عليك
يا رأس مالي وكل دنيتي


ان شاء الله فكرتي تعجبكم
ولاتنسوني من دعواتكم

​

 

[سمرلاند]

العطووور اسلم شي
لاني بصراحة ما اعرف حق سوالف الرياييل وذوقهم اكيد يختلف..!!

 

[عـسل]

خوذيله عطر جنت الجديد من درعه روووووووووعه

 

[قطرية]

اعجبتني فكرة الفلوس اللي آخذ له محفظه ...بس على قولتج ماتعرفين حق سوالف الرياييل او بالاحرى مافي شي غير المحفظه والقلم والزرار ... بشوف له شي من هالاشياء وبسوي حركات في الغرف نفس كل عيد مفرش وشموع وقميص نوم جديد ..... ودي اغير بشي جديد بس ماعرف شو اسوي مع العلم انه عندي ولد عمره 11 شهر ياربي ينام هالليله من وقت

 

[فديت نااااس]

هاي صبايا انا مجهز2علب هدايا وحده فيها محفظه راقيه وحده فيهاحلاو باتشي العلب لونهااحمر وقميص نوم لي احمر والمفرش احمر وش رايكم

 

[الهدب]

شخصيا ما عيبتني سالفة الفلوس ...
أحسها مو مناسبة
يعني نحنا مو متعودين نعطي الرياييل فلوس
أحس فيها نقص لقدره حتى لو كان القصد تغليته

العيد مناسبة هو يحتفل فيج أكثر من ما إنت تحتفلين فيه
وتحتفلين إنت في نفسك حقّه
هو يهديك شيّ اغلى وأثمن
ويتشرالج هدوم وذهب إذا حبيتي بعد وإذا كان قادر
الرجل يحبّ ان يدللّ المرأة ,,, ويشعرها بذلك و يشعر هو نفسه بدوره في حياتها

إنت ممكن تشاركينه في إختيار هدومه وأغراظ العيد حقته
وإذا كان ولا بد
تيبيلنه شيّ بسيط كنوع من الإهتمام
إنّه إنت موجود في حياتي وأنا بعد تذكرتج في العيد
أي شي هو يحبّه
بيجامه ، لبس رياظة ، عدّة حلاقة جديدة وحديثة ، حذاء أو نعال الله يكرمكم (أحب الأحذية شخصيا)
محفظة مثل ما تكرّمتوا ، كفلينكز (أزرار) ، موبايل ، إشتراك في النادي الرياضي، طقم لمكتبه في العمل مميز
(ليتذكرك دوم في الدوام)
حقيبة للكمبيوتر المحمول تكون جلدية وجميلة
قلم مميز (إحفري عليه أحرف إسمه الأولى مثلا)
مجموعة أسطوانات قرءانية لسيارته
مسباح (سبحة) غاوية بأحجار كريمة أو شبه كريمه يحملها وياه للمجالس وفي كلّ مكان

وما تنسين نفسج ... تتعدلين وتكونين أزين الزينات

 

[دودي حبيبي]

انا عن نفسي هديتله معظم الاشياء من عطر ومحفظه وكريمات ونعال عشان كذي هالعيد اشتريتله بجامتين اسبورت من جاشنمال وغلفتها وحطيت عليها كرت
واشتريت لعمري روب نوم ستايل اتمنى يعجبه وافكر اخلى الليله مميزه بس المشكله ان الافكار الرومانسيه صارت مثل بعضها
وبالتوفيق للجميع