هام جدا في التعامل مع مخاوف طفلك

[راجيه الرضا]

طفلك بيخاف وأهم نقطة إنك تشجعه إنه يتكلم عن الحاجات اللي خايف منها، علشان يحصل ألفة مع حكايته المخيفة وعلشان كبت الحكايات دي بتفضل موجودة في عميق الذاكرة "اللاشعور" وبلاش تقوله انسى الحاجات المخيفة دي، أو بلاش تفكر فيها، فدا غلط على طفلك.

من الحاجات الخطر أوي في التعامل مع مخاوف طفلك إن الأبوين أو الإخوات الكبار يسخروا من مخاوف الطفل، ويقولوله يا جبان أو ما هذا الرعب؟!
بل المفترض إن لما يخاف يطمنوه ويفهموه إن المشاعر دي عادي وكل طفل بيمر بيها واطمئن احنا معاك.

لما تلاقي ابنك بيخاف من الظلام اجلسوا كعائله معه في غرفة واحدة ثم تدريجياً اطفئوا النور ثم أشعلوه مرة أخرى بنوع من المداعبة والهزار، وأي حاجة بيخاف منها ممكن بالتدريج نساعده في تخطيها.

المهم في النهاية احنا مش عايزين نخرّج جيل خوّاف وجبان وبيترعب من الكتاكيت والظلام والنمل والصراصير!!
محتاجين يكونوا أشدّ بأساً وتوازناً وأسوياء في التعامل مع هذه المخاوف.
أ.محمد سعد الأزهري
قناة التليجرام
#الأسرة_أمن_وأمان​