هالشي يصير في كل وقت الا بالليل !!

[elroo7]

هلا خواتي

عزيزاتي انا موظفه وزوجي موظف .. وطول الاسبوع ننام بدري .. والعلاقه ماتصير بالليل عشان ظروف شغلي وشغله .. وانا من النوع اللي انوم عيالي بدري وانام بعدهم بساعه بس هو متعود يسهر مع اصدقائه كل يوم لوقت معين وبعدها يرجع ينام .. يعني مافيه وقت للعلاقه الحميمه
اللي خلال الاسبوع تحصل بينا بعد مانرجع من الشغل او العصر او المغرب
المشكله اللي مضايقتني .. انه ودي هالشي يصير بينا بالليل .. يكونون العيال نايمين وجو الليل غير ورومانسي ويكون عندي فرصه للحركات .. بس الاوقات الثانيه مايكون فيها مجال كبير للبس والحركات لانه العيال والخدامه يكونون صاحيين وحسهم في البيت ..
بتقولون لي عندج نهاية الاسبوع خميس وجمعه
بقولكم هني المشكله
زوجي في نهاية الاسبوع يحب يسهر مع ربعه لين الفجر .. وانا مااقدر اسهر لين الفجر عندي عيال يصحون بدري .. ويوم انطره يرجع وهو تعبان ويقول مااقدر بس اول مايقوم الصبح يبيني
وصرنا على هالحاله فتره طوييييييييله وانا والله تعبت وهو مو قادر يفهمني يقولي حقج وتاخذينه ايش تفرق عندج صبح ولا ليل .. اقوله بالليل راحه نفسيه والبيت هادي واخذ راحتي وياك مااكون على اعصابي .. يقول لاعادي انتي تبالغين .. اقوله انزين مره في الاسبوع يكون بالليل اللي هو الخميس او الجمعه لانه اليوم اللي بعده ماورانا شغل يقول مااقدر احب اسهر مع ربعي وانتي تكونين نايمه وانا اكون خلاص تعبان وماعندي طاقه ..
من كم يوم اتصلت فيه يوم الجمعه قلت له تعال الحين مشتاقتلك وابيك .. اول ماوصل قالي والله تعبان الحين خليها باجر .. صج اني تنرفزت وعصبت ويوم بغى يقربني ثاني يوم الصبح عصبت عليه وقلت له الوقت اللي انت تبيني فيه لازم ألبي رغبتك بس الوقت اللي انا ابيك فيه ماتلبي رغبتي .. عصب علي وقال يعني انا مقصر في حقج قلت له لا بس انت ماتسوي اللي خاطري فيه وانا ماطلبت شي صعب .. يقول انا تعبان ماتفهمين قلت له صارلك شهور كله تعبان يعني ماتقدر يوم واحد تستغني عن ربعك وتجيني بدري تقعد معاي كل ليله اسهر بروحي .. هذي مب عيشه

شوفوا الحق يابنات انه طيب ومو مقصر معاي بشي .. بس قعداته مع ربعه هذي من سنين خفف منها عشاني على قد مايقدر بس لازم يمرهم كل يوم .. وانا واثقه فيه وربعه ناس محترمين .. بس ليه هو مو حاس فيني قولولي شاسوي

ياما كشخت بالليل ونطرته ياانه يتأخر وانام .. ياانه يرجع تعبان .. او يصير الشي بينا وهو مو راغب فيه ميه بالميه من زود التعب ..

وبالاخير يجي يقولي انتي ماتكشخين لي
اقوله متى اكشخ لك ؟ انا اشوفك عشان ألبس واكشخ .. واذا كشخت تكسر بخاطري شنو الفايده

اااااااه قولولي شاسوي وياه ؟؟

 

[حلا عمري]

حبيبتي جاوبيني زوجك شمالي شرقي ؟لان الشمالي الشرقي يحبون يمارسون العلاقه في الاوقات اللي ذكرتيها ويستمتعون فيها وانتي جنوبيه تحبين الرومانسيه والهدوء بس هو عملي انا اقولج من تجربه لان زوجي جذيه يحب هالاوقات بس بالليل نادر جدا الله يهديه ويسخره لج اللهم آمين

 

[elroo7]

شكرا عزيزتي حلا عمري .. بسألج بالنسبه للشخصيات .. انا ماعرف شنو شخصية زوجي بس اذكر في مره اخذت الاسئله عشان اعرف شخصيته .. هل لازم هو اللي يجاوب على الاسئله او انا اللي اجاوب عنه عشان اعرف شخصيته ؟

 

[سحاب المزن]

أختي جربي يوم تنيمين العيال عند أختك أو أمك أو إنشاء الله صديقتك المهم مش في البيت (أعتقد أن ريلج مايحب تحجزيله في فندق) المهم اتجهزي واتكشخي واتخيلي عمرج في فندق وإذا تأخركالعادة وكان تعبان مش مشكلة الصبح البيت لج طبعا سوي عمرج زعلتي شوي ونامي بلبسج الحلو والصبح قومي جهزيلكم فطور وانت لابسه واتغلي اشوي بس عادي اتأقلمي وتونسي الصبح وأكيد الصبح بيتفاجأ بكشختج وقوليله أنا دايما فليل أنطرك وأنا لابسه لكن أمس ماقدرت أبدل من التعب ونمت بملابسي وخلي اليوم كامل لكم بدون العيال كل ما بيظهر قوليله ماأقدر أيلس روحي صبر معاي شوي لين يوصلون العيال وخلي العيال يوصلون فليل
والله يوفقج

 

[ليمونة الحلوة]

اول شي واهم شي لازم تعرفينه انه لما تكشخين خلي هالكشخة حق نفسج,,مب بس عشانه ولا تكشخين

بس لهل لشي،،خليج ع سنقت 10 طول اليوم عشان ريلج ما يحط بباله انج بس تكشخين حق العلاقة الحميمة

عقب يحس بضغط وييج وهو مش (مية مية)..

حاولي تغرينة من اول اليوم ،، اول ما تنشين الصبح مثلا البسي بيجاما هادي ونعومة،،ودلعي باكلج وبصوتج

وفي السيارة (اذا كنتو تروحون بسيارة وحده) غازلية وعند الاشارة عطية بوسة ع خده،، خليج ماسكة ايده وسويلة مساج

في المنطقة الي بين الابهام وباقي الاصابع،،و اكتفي بنظرات الشووق والحب والرغبة،،وصدقيني بيفهما اذا هي طالعه

من خاطرج بيفهما حتى لو ما علق،،

واذا كل واحد يروح بسيارته،،لاتقصرين بالمسجات وكلام الغزل،،

ويوم تردين البيت ،، تغدي وخلصي شغالج،،وارقدي،، لا تتقربين منه ولا تعطينه وقت يتقرب منج ولو هو يتم

يالسة وانتي راقدة بعد احسن واحسن ،، لان الريال يشتهي الحرمة الي ترقد الظهر! وهالمعلومة قالت .ناعمة الهاشمي

في وحدة من مقالات ،، جذي ريلج بيتوله عليج اكثر ،، لان الي ترقد الظهر تكون مخذه كفيتها ومرتاحة وفالريال يرسم لها

صورة في باله ان هالحرمة جذابة وجاهزة للجنس..

احين اقتربت ساعة الصفر ,, بيكون وقت لعصر او المغرب،،اشغلي عمرج باي شي لين الليل،، حاولي ترقدين عيالج من وقت،،قبل ما يطلع ابوهم من البيت،، او موب لازم ترقدينهم،، بس ابعديهم عن غرفة النوم،،حطيلهم رسوم وعطيهم بوب كورن،، سويلهم سينما لووول ،،
عقب استلمي حبيب القلب،،هو بيكون من اول اليوم شغال ،، تقربي منه انتي وشطارتج،،اذا كن برع غرفة النوم حاولي

تدخلينه وطلبي منه يسويلج شي ،، يغير ليت النوم او حطي طقمين لملابس داخلية وخليه يختار او خليه يسكرلج الصدرية

اي شي يثيرهتقربي منه هالوقت وحاولي تثيرنه ،،ولاتزعلين اذا رفض،، لان الجنس هو الشي الوحيد الي ما اي بالغصب

والزعل!

اخر شي احب اقولج ،، خذي الموضوع كتحدي يعني قولي بيبه في الليل يعني بيبه ،، لاتاخذينه بزعل وعصبية،،وخليج واثقة من نفسج،،

 

[حلا عمري]

شكرا عزيزتي حلا عمري .. بسألج بالنسبه للشخصيات .. انا ماعرف شنو شخصية زوجي بس اذكر في مره اخذت الاسئله عشان اعرف شخصيته .. هل لازم هو اللي يجاوب على الاسئله او انا اللي اجاوب عنه عشان اعرف شخصيته ؟

لاحبيبتي عادي انتي تعرفين طباع زوجك عدل حاولي انتي تجاوبين على الاسئله وبتعرفين ان شالله منها نوع شخصيته

 

[elroo7]

سحاب المزن والله هالشي صعب اني اخلي عيالي عند احد .. بس بطبق طريقتج اني أتم بلبس النوم واقوله اني من امس بالليل ناطرته وبخليه يشوفني باللبس .. مشكوره عزيزتي

ليمونه الحلوه .. الحمدلله انا طول اليوم مرتبه بجامات اشكال وحركات من فساتين ناعمه وجينزات وبرمودات بس هو قصده يبي كشخه خاصه لوقت العلاقه .. عرفتي .. لكن هالشي مو قاعد يتحقق لانه ممكن يطلب مني العلاقه باي وقت وماكون استعديت بلبس خاص .. اما اذا نتواعد بوقت معين اقدر اكشخ له مثل مايبي لكنه مو راضي بهالشي .. ساعات يوم يطلب مني شي اقوله انطرني دقيقه بجهز وبعدين يقعد يقول لاتطولين ويالله بسرعه خلصي لبس.. فيجيني احباط ..
والحركات اللي تقولين عنها ساعات اسويها وألمحه له وابين له اشكثر انا ابيه وهو يستانس حيل بس مايسوي هالشي الا اذا كان هو راغب .. مشكوره على نصايحج الحلوه

حلا عمري مشكوره فديتج .. بس اذكر مره اخذت الاسئله معانا بالسياره وقعدت اسأل والله تم يجاوب بضحك وعبط واقوله لا انت مو كذا انت كذا يقولي ايه صحيح كلامج .. يعني مايركز وياي بالاسئله وياخذها لعب ..

 

[سنديان]

حلوه عند الاشاره عطيه بوسه على خده
وين احنا لانكون في لاس فيجاس او امستردام

 

[احبه موووووت]

• ههههههه ههههههه هههههههههه سنديان الله يغربل بليسج موتيني من ضحك (( اختي صاحبة المشكله انا اعتقد انه يحب الجنس بلنهار يكون نشط اكثر الأن بليل يكون تعبان من الشغل ودوخه فما يقدر يتفاعل مثل مايتفاعل بنهار واهم شيء انه مرتاح انتي لاتعبين نفسج وحاولي تأقلمين معاه ومعه رغبته انا مشكلتي مثل مشكلة ريلج مااحب بليل الأنه اكون تعبانه ومافيني طاقه ومااتفاعل معاه مثل النهار لما اكون نشطه فعقب ماخلص غذي اقوم واتلبس واحط لي ميكب واتعطر واقوله ينتظر بره ولما ان اخلص اناديه او اطق له رنه ويجي عندي وأبدأ ادلعه شوي وعقب نبدأ ههههههه الله يسلمج .(0 وبلنسبه لعيالج خلي الخدامه ترقدهم الظهر وعوديهم علي نومة الظهر وراح ترتاحين ان شاءالله.​

 

[crystal_911]

هلا حبيبتى
ليش ماتجربون تاخذون اجازه سواء بنفس الوقت وعيالك نوميهم بدرى مع الشغاله وانتى اسهر انتى واياه ويمكن لما يكون مرتاح بدون عمل تكون العلاقه مريحه له فى الليل ويجربها يمكن يغير رايه ويصير مايحبها الا فى الليل

الله يوفقكم

 

[شموخ الكويت]

قبل لا يطلع مع ربعه بالليل سوي الي تبينه معاه

بعدين خليه يطلع ويسهر وانتي ردي نامي


انا زوجي جذيه يميل للنهار اكثر

هونيها ياقلبي

 

[اتعبني حبيبي]

حبيبتي والله مااشوف فيه مشكله ولا شئ لاتخلقين مشكله بينكم
عارفه عزيزتي انك ودك بسهره حلوه ورومنسيه بس ظروف زوجك يمكن ماتسمح
انا اشوف مدام هو يقوم بالجماع وموحارمك حقك الشرعي احمدي ربك ياعمري ولاتخربي حياتك بيدك
هذا رايي واتمنى تتقبلينه برحابة صدر... والله يفرجلك

 

[روح قطر]

حبيبتي دائما الزوجه تكيف نفسها على زوجها يعني تغير حاجات كثيره عشان زوجها .. حاولي تتقبلي هالفكره وتحبينها وتكونين مستعده لزوجك بالاوقات الي هو يحبها .. وكلام الاخوات جدا رائع مثل ما قالوا لك حاولي تشغليه بالنهار وانتي انتظريه بالليل ولما يرجع حاولي تهيئين له الجو واعملي له زاويه بالغرفه للمساج واعملي له مساج بالزيوت العطريه الاسترخاء واثناء المساج حاولي انك تغرينه بحركات معينه وابتكري حاجات جديده باللبس وبجو الغرفه وحتى بالحركات المغريه واوضاع الفراش وكل زوجه تفهم زوجها وعارفه نقاط ضعفه .. ولا تتضايقي الغاليه