هالرجال بيجننى

[زاهده من الدنيا]

اخواتى والله ضايق صدرى طلعت اسير على جارتن لى وابو الشباب كان نايم وانا مجهزه قهوته واغراضه وبنته عنده بس راحت عليه نومه لين رديت الموهم كان زعلان ومعصب ولبس بدلته بيطلع عند مرته الثانيه قلت اتقهوى قال بدرى اخذ نفسه زعلان منى وما رجع راح عندها والله قبل زواجه كنت اطلع واتاخر وما كان يقول شى بس الحين مدرى ليش يسوى كذا
وش تنصحونى فيه هل اتاسف له مع العلم انى ماغلطت وطلعاتى من وين لوين وبعدين قبل زواجه كنت اطلع واتاخر وما يقول شى ليه هالحين كذا

زوجى شمالى اعتقد شمالى شرقى والله اعلم

 

[دمعة الغيمه]

لاتعتذرين ولاشي.......خليه بيرضى عاد هو الحين بيتدلع متزوج بوحده ثانيه ولا هاامه
انتي ماغلطتي ....

 

[ice creeem]

الرجال كلهم كذا إذا أشتهى العرس قام يزعل على كل شي وأذا تزوج لاعصب من البيت الثاني حط حرته فيكم أنتي أعلم بزوجك إذا أعتذارك بيخليك تكبرين بعينه أعتذري والله ييسر لك الخيره

 

[ورده رومنسيه]

طنشيه ولا يهمك يالي يزعل بدون سبب يرضى بدون سبب ولا تعتذري منه

 

[معلمتـ روضهـ]

يابنت الحلال خليه يولي لاتعتذرين ولا شي بعدين شكله يدور ع شيء يزعل عليه ..زعل من حاله صدقيني بيرضى من حاله..تقبلي مروري ..

 

[ورد الفل]

تعتذري على ايش
ما عملتي شي غلط

 

[أحاسيس منسيه]

عفوا أحبتي أنا ما أأيدكم انها تطنش...
لأنه مازعل الا لأنه مهتم فيها ووده يتقهوا وياها وأكيد في قرارة نفسه مايبي الثانيه تطلع احسن منها...
نصيحتي لك... بابتسامه بريئه وحلوه قولي له انا آسفه حبيبي اني تاخرت عند جارتي...
واتمنى ماتكون شايل بخاطرك علي....

وشوفي كيف راح يغير نظرته تجاهك..

أنا أحس الشمالي يحب المرأه اللي تنفخه وتهتم فيه وتبين قدره ....

وبعيدا عن الانماط والسوالف هذي كل رجل يحب ان المرأه تعتذر له....

والله يوفقك ويصلحكم لبعض ويسخره لك....

 

[المحبة لربي الله]

انا ضد كل وحدة اتقول انتي مب غلطانة
حبيبتي الصراحة انتي الغلطانة وعنده حق يزعل
يعني خلصت الايام عشان اتروحين عند جارتك غير في اليوم الي يكون معاك
المفروض اتكونين منتضرته ومرتبه لهليوم وطنشي اي حد واعتذري عن اي موعد وعيشيه ملك في يومج
من حقه يزعل يمكن كان في خاطره شيء ولا مجهزلك شسء او كان ضايق وخاطره ايسولف وياج وانتي ضربتي فيه بعرض الحائط وفضلتي جارتك على الساعتين الي بيجلس معاك فيهم
تراه نحن الحريم تفكيرنا مغاير 1000000%عن الرياييل
انتي بتشوفينها انه كبر الموضوع ومايستاهل ومجهزتله كل شي فليش يزعل وهو ايشوفها شي ثاني
انصحج تستسمحين منه بطريقة غير مباشرة وتعوضينه بليله حلوة وهدية لطيفة وحاولي كثر ماتقدرين انك ماتروحين زياات في ليلتك
ياخي فليها في الايام الثانية

 

[المحبة لربي الله]

الموضوع صارله اكثر عن شهر واحنا قاعدين انرد عليه الله يهديكم ليش ترفعون المواضيع القديمة

 

[أموووله الحلووه]

انا ضد كل وحدة اتقول انتي مب غلطانة
حبيبتي الصراحة انتي الغلطانة وعنده حق يزعل
يعني خلصت الايام عشان اتروحين عند جارتك غير في اليوم الي يكون معاك
المفروض اتكونين منتضرته ومرتبه لهليوم وطنشي اي حد واعتذري عن اي موعد وعيشيه ملك في يومج
من حقه يزعل يمكن كان في خاطره شيء ولا مجهزلك شسء او كان ضايق وخاطره ايسولف وياج وانتي ضربتي فيه بعرض الحائط وفضلتي جارتك على الساعتين الي بيجلس معاك فيهم
تراه نحن الحريم تفكيرنا مغاير 1000000%عن الرياييل
انتي بتشوفينها انه كبر الموضوع ومايستاهل ومجهزتله كل شي فليش يزعل وهو ايشوفها شي ثاني
انصحج تستسمحين منه بطريقة غير مباشرة وتعوضينه بليله حلوة وهدية لطيفة وحاولي كثر ماتقدرين انك ماتروحين زياات في ليلتك
ياخي فليها في الايام الثانية

ما شاء الله ع الاخت كفت ووفت وهذا الكلام اللي كنت بقوله والله يهدي الجميع

 

[راحةالقلوب2]

الله المستعان

 

[سـمـو الآمـيـرة]

أبدا لا تطنشين
انتي غلطتي حبيبتي يوم انك خليتيه نايم ورحتي
ما فيها شي لو انتظرتي تطلعين بعد ما يصحا وتتقهوين معااه وتسوين اشغآاله وبعدها تودعينه وتطلعين
او بعد نا يطلع تطلعين طبعا بإذنه
انتي روحي له واعتذري بطريقه حلوة تدلعي عليييه واسعدي قلبه
ربي يهنيكم ويديم عليكم كل خير