هاذي اللي ابيه يتعدل زعلت منه وتعبت وكلمت اهلي والحين عندهم؟

[أحساسي روايه]

قبل اسبوع نزلت موضوع ان زوجي متغير من كثر سفرات عشان دوام وعشان عماره
سفرته ف الحج مايقدر ياخذني بس الحين
يقدر دام عند عماره ووضعه يساعد بس مايبي ياخذني ماقد سفرني من تزوجت الا يومين


وهالمره سافرنا لمدينه ثانيه عشان بنتي تعبانه وانا تعبانه وحامل ماقدر ورجعني من نفس وقت وخلاني عند اهلي وراح للعماره ف منطقه غير منطقتنا


وقبل امس مرضت بنتي ورحت بها مستوصف وقلت له ومريت كفي نسائي وجلست دقايق وقمت ودقيت عليها اقوله اني باجلس كم ساعه وجوالي باقفله ما اقدر ادخله جوه ممنوع


عصب وليش ومن متى لان طبعه شكاك وعصبي مايثق في احد
واهديه وش فيك ترا مكان عادي مع اختي ووصلني اخوي وشوي يجيني وطلق اذا ماطلعت بعد نص ساعه ماترجعين بيتك وقفل
قلت طيب
ودقيت ع اخوي وطلعت انا واختي وربي صديقتي ماجلست معها زين قهرني ليش كذا
مو اول مره نفس شي حفله اختي حقت تخرج وغيرها وبس يهدي يقول ليتك رحتي كنت معصب


المهم طلعت معصب وارسلت له هالمره دام زودتها باوصلها لابوي انت ماتثق فيني ويدق ويدق ما ارد عليه
ويدق ع امي الا ترد زوجتي وينها وسوا قلق
بس رجعت رديت قلت هلا خييير وش فيك ماطلعت
قال احترمي نفسك وتغلطين ع وتقولين لابوك قلت مو ع كيفك وقفل


هاذي كله ليش وقلق وفشلني من اهلي
صباح اخوي اللي وصلني ارسله وقال ماله داعي هالحركات والشك وتطلق واختي معي وقالت له دام تشك فينا لاتتركها عندنا
ودق وتكلم ع اخوي واخوي ماسكت
وكبرت ودق ابوه ع اخوي عشان يهدا مايعطي ابوي خبببببر وهاذي كله مايبي يوصل خبر لابوي


المهم زوجي والله اتزوج واختك هي كذابه وكبرت سالفه و اذا جيت وخذيتها باتفاهم معها واخذ جوالها و بس ع جوالها وماتتهتم و اخليها تتعدل عندكم يومين ورد اخوي عادي بيت اهلها تبقي زي ماكانت قبل ماتتزوج




قال اخوي طيب تعالي تفاهم مع ابوي و خذها
وقت ماعرف ابوي قال ماغلطتي بس اذا طبعه كذا خليك هاديه وانا بتفاهم معه وهو غلط وعصب ومو اول مره


والحين يمكن يجي بكره والا بعد ? اذا خلص عمارته و من وقت سالفه مادق وانا مادقيت


مدري اذا جاي وش اسوي اذا رجعت وش اسوي له ؟اكيد مارح اندم ع ماسويته بس هو مقهور كيف كبرت سالفه
هو شمالي غربي وانا جنوبيه
متزوجه من سنه ونص ومعي بنت




اسفه للاطاله بس عشان يكون كل شي واضح

 

[أحساسي روايه]

ماحد رد ...

 

[حكاية أمل...]

اهلين اختي احساس ...
الله يفرج همك ويزيل كربتك يارب , الموضوع كبر من عناد اخوكي معاه , لو طنشه وماتعاند معاه كان احسن , لانه تدخل حس السالفه تحدي وهالشي من واقع تجربتي مع الشمالي الغربي ما ينفع لانه بيزيد بعناده ,,,
الحين كل الي عليكي انك تنتظري جيته وتجهزي ايش بتقولين له , وتفهمين منه سبب شكه ممكن انك تسوين تصرفات تثيره او تثير شكوكه بدون قصد منك ....
الغريب انه شمالي غربي ويشك , انا احس الي عندي نادر ما احسه يغار او يشك وحتتى اذا شك او غار يحاول ما يبين بس انا احس فيه ....
طولي بالك يا اختي ولا تدقين عليه وخليه الين مايجي , وحاولي اخوكي تبعدينه عن السالفه لان الخلافات تحتاج لها شخص حكيم وهادي وباله طويل ...
طمنينا عنك ...

 

[أحساسي روايه]

هلا والله
لين متى اسكت واتغاضي
كل ما اطلع عند اهلي اروح مكان لازم عالحركات وعصبيه و شك خليه يعرف انه غلطان
واخوي تدخل شاف الوضع مو طبيعي
من ناحيه الشك هاذي الطبع فيه هو وابوه واخوانه
ويعاملون زوجاته و خواتهم زي واكثر وهم راضين
خلاص الحين الموضوع عند ابوي واخوي سافر
اما ادق والا اسال مستحيل حتى لو كنت عنده ف البيت صار شي مشاكل اذا غلطانه ابرر له ومن بعدها اطنشه
وش اقول اني سكت بمافيه كفايه شك و عصبيه و تخليني لوحدي ولا اهتمام ولا سوق ولا طلعه خلاص بيت اهلي احسن لي



مشكوره حكايه ع الرد

 

[حكاية أمل...]

اختي احساس استعيذي بالله من الشيطان الرجيم , مهما كان حجم الشاكل الي بينكم في امل للتغير , ولا تنسي وجود الاطفال ,,,
كل اهالينا راح يستقبلونا لو لجانا لهم بس هذا ما يعني انننا نستسلم وبكل سهوله فكري باطفالك فكري بحياتك من جوانب ثانيه , الشك شي عظيم , لكن اطفالي ..؟؟
شوفي مميزاته شوفي حسناته التفتي لها ,,
حاولي تفكرين قبل اخذ اي خطوة , وتذكري كل مشكله لها حل باذن الله , والفراق اخر اخر اخر الحلول ....
اسال الله ان يلهمك طريق الصواب يارب العالمين ....

 

[سكن القلوب]

اولا الانفصال خليه ااااااااخر الحلول متل ماقالت حكايه ومدام طلع الموضوع من بينك وبينه ووصل لاابوك خلي كلامك واضح وصريح وحطي شروطك انه يبطل شك فيك
وانتي حاولي تبعدين عن الاشياء الي تخليه يشك فيك وغيرته عليك اكيد لانه يحبك بس هو امكن مزودها شوي
انتي اكسبيه بانك تمتصين غضبه مو تزوديها
الله يوفقك

 

[أحساسي روايه]

قبل سفره اخر مره تعدل لدرجه العيد الفطر جاب لي ورد وهديه غير ايفون5 من نظراتي يفهم متضايقه والا لا
ويساعدني ف مطبخ وكل شي
وصار هادي حتى خواته للاحضوا بس
جاي من الحج متغير وشك و يفتش ويجرح بكلام وانا ساكته و اسايره وبس كم يوم
وسافر عشان استراحه وقلت خذني عيا قهررررني ليش ?

 

[أحساسي روايه]

وخلاص من بعدها وضعنا مو طبيعي وربي يدق يهزأ و يسال عن بنته
وف سياره بس يراسل ويسوق و شوي تمشكل مع واحد ف شارع وربي تعبت منه

 

[همس‏ ‏الملائكة]

أختى‏ ‏أصلح‏ ‏الله‏ ‏مابينك‏ ‏وبينه‏ ‏بس‏ ‏نصيحة‏ ‏كل‏ ‏شى‏ ‏وليه‏ ‏حل
الا‏ ‏الانفصال‏ ‏مش‏ ‏هتحسى‏ ‏بمتعبه‏ ‏الا‏ ‏بعد‏ ‏أنت‏ ‏ذكررتى‏ ‏أشياء
كويسة‏ ‏لا‏ ‏تجعلى‏ ‏الشيطان‏ ‏يمحيه‏ ‏ولا‏ ‏يذك
رك‏ ‏الا‏ ‏بالسوء
‏