نهاية موضوعي

ملآمح طآغيه

ملآمح طآغيه

New member
إنضم
2010/11/08
المشاركات
1,473
مرحبا صبايا كيفكوم !!​




اشكر لكل من رد علي عسى الله يسعد ايامكم جميعن
ويسخر لكم : )​





انا طرحت مشكلتي قبل وهذا رابطها
http://www.niswh.com/vb/showthread.php?t=313659
وقفت معاكم الى هينا وطرحت حيرتي لكم بالرابط هذا http://www.niswh.com/vb/showthread.php?t=315434


وبالنهايه


حبيت اقولكم وش صار بموضوعي

لجل تدعون لي لعل وعسى دعوة اي وحده فيكم ترفع للسماء فتقبل


طبعن وقفت عند انو الولد <<اسميه ولد طليقي مستقبلن ماحب اسميه لا زوج ولا طليقي اذا تم الطلاق
فقط الولد وتخب عليه

ارجع اكمل
وقفت لكم عند لما طلب من ابوي انه يطلقني
وقال ابي مهري
طبعن ابوي رفض
وراح كلم ابوه وقال ولدك يدعي ع بنتي بالمرض وبنتي مافيها شي حتى اخر تحاليلها والاشعه سليمه ولدك كان معه عجز شهرين وبنتي ولله ماعلمتني الا يوم جى الولد وقال مابيها وش يدل لك عليه !!
و و و و الخ

ابو الولد قال بالنهايه يكون خير
مثل بكره اتصل ع ابوي قال اصلحو فيما بينكم انا بطلع نفسي من السالفه !!!

الولد جى لابوي وقال شف انا مافيني عجز بنتك الي مو طبيعيه من تحت فيها سد و عطني مهري ولا بروح للمحكمه بس بعطيك مهله اسبوع قال ابوي طيب<< يعطيه جوه ابوي


ف ابوي ارتاع وقال لامي وقلت انا
حسبييييييييييييي الله عليه
حسبييييييييييييي الله عليه
حسبيييييييييي الله عليه قايمه جالسه
قسمم بالله العلي العظيم انو مافيني شي وطبيعيه
بس يتبلى علي !!!!!!!!!
فقلت لاهلي ودووني دكتوره انا واثقه لكن ابي اعلمكم واثبت لكم انه كذااااااااب

ورحت لدكتوره وكشفت علي من تحت وقالت طبيعيه مافيها شي ولله الحمد

ف امي كلمت امه وقالت لها ولدك ظالم بنتي ومن هالحكي
الام ماتقبلت ابدن وبس تصارخ وبنتك وبنتك وبنتك وسكرتها بوجه امي !!!!>>>بصراحه مدري شقول ف الحركه هذي

الموهيم

انتهى اسبوع !!

جى الولد لابوي وقال وين المهر
قال ابوي مالك حق عندي

قال الولد طيب برفع قضيه للمحكمه قضية زواج غش
وانا اول كنت بس اطالبكم بالمهر الحين بطالبكم
ب 450.000 كل تكاليف الزواج
لانه زواج غش




................

بنات انا انهرت بداية امري
لكن توكلت ع الله انه بينصرني
وبيجعل الحق معي
لاني مظلوووووووووووووومه

بنات ولله العلي العظيم اني تزوجته وانا طيبه ولا فيني اي شي

وبكر ولاني مسدوده ولا شي

خذاني كني البخت

وبالنهايه يسوي كيذا !!


اي حق يرضي بالظلم هذا !!
لهدرجه مات الضمير بقلوب البشر ؟

بنات
كل الي ابيه منكم
وقفتكم لي
ب دعووووه صااااااادقه بظهر الغيب لي

ب ان الله ينصرني عليه
ويجعل الحق معي
ولا يرجع له ولا شي لامهر ولا ذهب ولا تعويض ولا شي
ويفظح امره امام اهلي واهله بانه ظلمني عاجلا غير اجل
ويجعل لي حسن عاقبة الامر
وان يريني الله فيه عجااائب قدرته
وان يتيسر امر طلاقي
ياحي ياقيوم
برحمتك استغيييييييييييييث ان تصلح لي شئني كله ولا تكلني الى نفسي طرفة عين






​
 
تنبيه

عفون نسيت اقولكم البدايه وكتبت لكم وقفت هينا وانا كنت كاتبتها بدردشه قسم الزوج والزواج
ان شاءلله فهمتو التوضيح

البدايه


اول شي جى وطلب من ابوي يطلقني
وقال بس رجعولي مهري
قال ابوي انت الي عايف فما يرجعلك شي

وملابسها والذهب عندك

قال الولد ملابسها نصها مستعمله

انا صح عايف بس انتو غشيتوني وزوجتوني مريضه

قال ابوي بنتي مو مريضه ولا تجلس تتبلى عليها
ومعي تحاليل واشعات تثبت بانها سليمه ولا فيها شي



​
 
مع العلم يابنات انه ملتزم وحافظ القران
وابوه شيخ يفتي !!!

شي يتعجب له
ولله العظيم مدري شقول من قمممممممممممة القهر

والظلم الي اشوووفه !!

الله ينصرني ياااااااااااااااارب​
 
الله ينصرك ويسر امرك
ؤاح يطلع الحق لاتخافين الدنيا مو فوضى انا سمعت ان الوحده تقدر تتطلق اذا اثبت الطب عجز زوجها
وحبيتي خلاص انسيه موضوعك باذن الله انتهى
ادعي ربي يهديه لنفسه بس ترى دعوه المسلم للمسلم في ظهر الغيب عجيبه وفي ملك يقول ولك مثله فمابالك انك تدعين لها الشخص
ولاتلومينه الرجل اذا حس انه عاجز صار مسكين قام يتخبط هنا وهناك
يحس كرامته برجولته
ويخاف الناس يدرون
واذا درو وده يثبت العكس
وكل اللي سواه تلرى مو في وعيه من القهر وربي يعيذنا من قهر الرجال
وربي ينصرك ويساعدك ويفرح قلبك ويعوضك بالتقي النقي
 
الله يفرج همك حبيبتي

اعتقد اذا رحتوا المحكمه الشيخ راح يطلب كشف عليكم الانثين واذا ما طلب اطلبي انتي الكشف عليه واثبات عجزه
واذا انه عاجز فعلا راح تثبت التقارير الطبيه
ربي يسهل امورك
 
باختصار خليه يوصل الموضوع للمحكمة .... واذا حد قال شي قولي ايه انا ابي الموضوع يروح المحكمة ... وحتى لو امه قالت قول ما عندي مشكلة نسير كلنا المحكمة وهناك طبعا القاضي راح يقول كل واحد يقول اللي عنده والقاضي بروحه راح يطلب فحص طبي لكل واحد فينا ... وراح تاخذ فيه المحكمة لأنه بأمر منها .... ونشوف كلنا النتيجة وأنا بقبل باللي تقوله المحكمة والله والله والله اذا عنده جرأة خليه يروح المحكمة ... كل الامور بتنكشف هناك ... وخليه يقول لين ما يشبع ولا تسكتينه او تقاطعينه عشان كاتب العدل يكتب وتقدرين ترفيعين عليه قضية تشهير واتهامات باطلة وانتي لا تقولين شي سيء عنه بس قولي انا اطلب فحص طبي لنا الاثنين بأمر من المحكمة وبناء عليه احكموا .....

والله ويااااااااااج
 
روحي المحكمة منتي خسرانه وخليه يقول اللي عنده ولين خلص بيني اللي فيه وبيكشفون عليك وعليه وبيبان انك بكر وعنده ضعف وينفضح عند أهله وبيطلق غصب عليه​
 
يارب فرج همك ولاتنسين صلاة الليل واكثري من حسبي الله ونعم الوكيل الله يحرمه شبابه وعافيته يارب والله يسعدك دنيا واخره
 
الله يفرج همك وياخذلك حقك منه ومن أهله واصبري ياأختي واحتسبي الأجر
 
رددي في سجودك في كل صلاة
(حسبي الله ونعم الوكيل)
وربي ينصرك على الظلم​
 
أختي العزيزة :
ليس شرط أن يوديك مستشفى فلوس حتى لو حكومي فطيب ،،

وأحب أن أقول لك شيء الرجل عموما لايحب المرأة التي دائما مريضة
فدائما أظهري نفسك أنك بصحة

ومافي رجال كامل مستحيل وانظري إلى زوجك من الجوانب الإيجابية ولا تنظري إلى سلبياته
وعليك طاعته مادام أنه ما أمرك بمعصية فهو أمرك بما عليه أن يأمر زوجته من الستر ( عدم لبس البنطال ، ولبس عباءة الرأس وعدم لبس القصير ............)


فإن هذا ما رضيتي فيه فما ذا تريدين من الرجال ؟؟؟
النعمة الي ما يشكر صاحبها عليها ، تذهب منه فيذوق مرارة انكار النعمة وعدم الإعتراف بها


عيشي بالإيجابيات التي معه وأغمضي عينيك عن مساؤه ، لأنه لا رجل كامل ولا إمرأة كاملة
فهناك جوانب نقص في شخصيتك فرزقك الله هذا الزوج ليكملها لك ،، وجوانب النقص الذي في شخصية زوجك رزقه الله أنت ليكملها له
( وجعلنا بعضكم لبعض فتنة أتصبرون ) سورة الفرقان
فأنت اختبار لزوجك وزوجك اختبار لك ،،،،،،،،،،،،،، أتصبرون ؟؟؟؟

واحفظي أسرار حياتك ولا تنشري تفاصيلها لأن يوم القيامة سيأخذ زوجك من حسناتك بقدر ما نشرتي عنه

قال تعالى ( فالصالحات قانتات حافظات للغيب بما حفظ الله )

فتفقد المرأة من صلاحها بقدر ما أفشت من أسرارها

ادعي الله واستعيني به ( أمن يجيب المضطر إذا دعاه ويكشف السوء )

وأي مشكلة تواجهك ارجعي لنفسك وحاسبيها على تقصيرها ومن تهاونها فيما أمر ( نمص الحواجب ، لبس البنطال ، الغيبة ، نقل الكلام ( النميمة ، الكذب ، الحسد ، الحقد ،،،،،،،،،،،،،) لأنه لايحل بلاء إلا بذنب ولا رفع إلا باستغفار .
( وما أصابكم من مصيبة فبما كسبت أيديكم ويعفو عن كثير )

( ما أصابك من حسنة فمن الله وما أصابك من سيئة فمن نفسك )

 
احتفظي بكل الاثباتات الطبية ولا تتنازلي عن حقوقك

أسأل الله أن ينصرك عليه ويفرج همك​
 
الله يفرج همك وينصرك
دنيا العجائب
حسبي الله ونعم الوكيل
 
شوكرن لكل من رد
الله يسعدكم
وشوكرن لكل من دعى لي
الله يفرج لكم


ام حميده ياليت تقرين موضوعي صح
بعدها تردين برد استفيد منه



بنات رجائن تام مابي احد يتسرع بالرد مثل ام حميده ويحكم بشي غلط !!​
 
احتاج لدعواتكم لي


بظهر الغيب


فلاتحرموني منها

لعل دعوة اي شخص منكم ترفع للسماء فتقبل
​
 
الله يعيييييييينك
زوجك تصرفاته صبيانية ومش متحمل مسئولية
يمكن انتو ماكنتو تناسبون بعض من البداية ويمكن تكون عين ويمكن ماحبك من البداية ولاماسوا ذي الافلام ولاكتبك تعهد
بس من كلامك هو ظلمك ولا سال عنك والحمدلله ماجبتي منه عيال
استخيري ربك في الفراق
وطمنينا عنك يالغالية
 
اولا.. كوني قويه بالله ولاتضغطي على نفسك وتتأثري نفسيا ومن ثم تمرضي فيكون حقق مايريد وهزمك ..اعلمي انه انسان حقير وتافه ولايستحق ان تضيع صحتك من اجله ..
ثانيا..اشغلي نفسك عن التفكير فيه واختلطي بالناس الذين ترتاحين لهم وتحبينهم ورفهي عن نفسك وقللي الحديث في موضوع طلاقك فالهدوء والسكينه ضروريه لتتخذي القرارات المناسبه ..
ثالثا..وكلي محامي جيد واستعيني به لتشتكي عليه واجمعي اثباتاتك وقدميها للمحكمه لينصفوك باذن الله وصدقيني وقتها سيغضب ويغلط اكثر وينفضح ..
اخيرا ..عليك بقيام الثلث الاخير من الليل واصلي الدعاء فانتي بأذن الله منصوره وستنجلي الغمه ويفرج الله همك وترتاح نفسك ..اهم شئ لاتنكسرين وتضعفين وتسلمين نفسك للشيطان والوسواس ..الله يفرج همك وينصرك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل