نقاط هامه إذا نويت ان تسكن ببيت عائله

[راجيه الرضا]

لنفترض إنك نويت تتزوج في بيت عيلتك , والعروسة موافقة وأهلها موافقين , يبقى تعالى نتفق الأول إنك لازم تبقى فاهم عدة نقاط , ومتأكد من عدة نقاط , قبل ما تاخد مراتك وتروح شقتك في بيت العيلة
...
1- فكرة إن زوجتك تنزل لأهلك تقعد معاهم , فده شيء من قبيل الزيارة اللطيفة من وقت للتاني , وإنها مش مُجبرة تنزل كل يوم أو حتى لو نزلت في يوم , فهى مش مضطرة تفضل قاعدة من صباحية ربنا لأخر اليوم
.
2- لازم تفهم إن الزوجة بتعتبر شقتها مملكتها الخاصة إللي عايزة تعيش فيها باستقلالية تامة مع الشخص إللي اختارته _ إللي هو انت _ , وإنه ماينفعش شقتها تكون مستباحة وحد يفتح عليها الشقة أو يدخلها بغير استئذان أبدا
.
3- ماينفعش مفتاح شقتك انت وزوجتك يبقى مع حد غيركم , لأنه يا أستاذنا _ وانت سيد المفهومية_ شقتك فيها خصوصيات _ خاصة غرفة النوم_ , فلازم تبقى خصوصياتنا بعيدا عن أي عيون حتى لو عيون أهلك وأهلها
.
4- من حق زوجتك تطبخ في شقتها وتاكل في شقتها وتقعد في الوقت إللي تحبه في شقتها , باللبس إللي يريحها , فماينفعش تقولها لازم تنزل يوميا
.
5- انت رب أسرتك والقائم عليها , فماينفعش حد من أهلك يجي يقولها انتي عملتي كدة ليه أو يحاسبها على أي حاجة , وانت راجل طول بعرض , لأن ده يقينا هايضرب قوامتك في مقتل ويقلل منك في عين زوجتك
.
6- صحيح انت قاعد في بيت عيلة , بس لازم يكون بيتك ليه مصروفه الخاص وتلاجتك مليانة دايما بخيرات الله حسب قدرتك , علشان زوجتك تعمل الأكل إللي تحبه في أي وقت ,,, ما تقولش تنزل تاكل تحت وتسيب شقتك فاضية
.
7- لو انت مسافر وسايب زوجتك _ لا قدر الله _ في بيت العيلة مع أهلك , فلازم لما تبعت مصاريف شهرية , تبعتها لزوجتك مباشرة , ماتبعتش لأهلك وهما يدوها مصروف ,,, لو بقت تاخد مصروفها من أهلك , فصدقني برضه ده بيضرب قوامتك في مقتل وبيتسبب في مشاكل بين زوجتك وأهلك
.
8- برك لأمك وحبك لزوجتك مالهمش علاقة ببعض , ماينفعش إنك علشان تبر أمك فتروح تظلم زوجتك وتجبرها على حاجة هى مش مفروضة عليها , أو علشان تبين لزوجتك إنك بتحبها فتروح تعق أمك ,,, لو الطرفين بينهما خلاف صعب حله , يبقى اعزل بينهما وعامل الطرفين بما يُرضي الله
.
9- لو زوجتك قالتلك أمك عملت كذا أو أمك قالتلك مراتك المفعوصة عملت كذا وانت في الشغل _ أو واحدة من اخواتك البنات برضه_ , فإسمع بودن وعدى من الودن التانية , وماتروحش تعمل مشكلة على الفاضي ,,, اللهم إلا لو مشكلة حقيقية فوقتها هانرجع للنقطة السابقة وتعزل كل طرف عن التاني وبرضه تعامل مع الكل بما يُرضي الله
10- عامل أهل زوجتك زي ما تحب زوجتك تتعامل مع أهلك
.
11- لو والدك بيتعامل معاك إنك عيل صغير وبيقل منك بدون مراعاة لأي حد موجود , فبلاش يابني تتزوج جنبه , علشان مهما عملت هاتفضل قليل في عين زوجتك وهى شيفاك بتتعامل بقلة قيمة قدامها
.
12- لو زوجتك وزوجة أخيك حصل بينهما خلاف , إياك تنصر زوجة أخيك على زوجتك أبدا , والأفضل تبعد نفسك انت وأخوك عن خلافاتهما علشان ماتخسرش أخوك ,,, والأفضل كل واحد ينصح زوجته ويطيب خاطرها , ولو مافيش أمل في الاصلاح بينهما , يبقى كل واحد في شقته وكفى الله المؤمنين القتال
.
13- وأخيرا , حاول تكون فترة معيشتك في بيت العيلة فترة مؤقتة تكون فيها نفسك لحد ما تخرج لمكان مستقل تعيش فيه مع زوجتك مرتاحين
...
لو فاهم كويس كل النقاط دي ومستوعبها وتقدر تحافظ عليها فعلا
يبقى وقتها بس تقدر تتزوج في بيت عيلة

بوست من كتابات علي عبد الله علي

 

[وردة بلدى 2000]

و الله انتى عسل نحل يا راجية
طيب عايزاكى ترجعى تقرئ مقالة نوف بتاع الزوج اللى تبعنا و اللى مش تبعنا و خصوصا جزئ خرسى يا بقرة ديه ههههههههه
خلينا فى اللى تبعنا عشان نرتاح و عايزة اقولك بقه يا سلام سلم يا سلام لو البيت اصلا بيت عيلة الزوج و الزوجة مجتمعين زى حالاتى مثلا كان المفروض افكر اجيب فى جهازى و لا بلالالالالالالالالالالالالالالالالالالالاش يلهوووووووووووووووووووووى هههههههههههههههههه

 

[ها أنا ذا]

انا بشوف من واقع تجربتي في الحياه ان الزوجه بقوتها هي اللي تقدر تخلي لنفسها خصوصيه بين بيت الزوج ولا الزوَج اكيد راح يميل لاهله وبيتعامل مع شقته كانها غرفته السابقه قبل الزواج..

موضوع جميل

 

[راجيه الرضا]

و الله انتى عسل نحل يا راجية
طيب عايزاكى ترجعى تقرئ مقالة نوف بتاع الزوج اللى تبعنا و اللى مش تبعنا و خصوصا جزئ خرسى يا بقرة ديه ههههههههه
خلينا فى اللى تبعنا عشان نرتاح و عايزة اقولك بقه يا سلام سلم يا سلام لو البيت اصلا بيت عيلة الزوج و الزوجة مجتمعين زى حالاتى مثلا كان المفروض افكر اجيب فى جهازى و لا بلالالالالالالالالالالالالالالالالالالالاش يلهوووووووووووووووووووووى هههههههههههههههههه

??? ورده حبيت اتفرغ للرد عليك انت يا عسل...حبيبتي الغاليه الموضوع كنشور بالاساس ليس للرجال وانا اعلم ان هناك من سيعجبه الكلام ويطبقه وهناك من يعجبه ولكن لا يستكيع تطبيقهووهناك من لن يعجبه اصلا.

لكن ننشر. هنا كي تعلم كل واحده حقها وما ووضعه الله لها من حقوق وتتعلم انه ما فرضه عليها البعض ليس بفرض من االه تعالي ...


لتتعلم كل ام ابنتها مقبله علي الزواج.حقوق ابنتها ولنرسخ هنا ااحقايق بحق انه ليس كل هذا فرض وان فرضه المجتمع لان هناوبيوت تخرب بسبب ذلك ورده ونساء يعشن في كرب بل اني قرات الامس قصه جريمه رحل انهال ووالدته علي زوجته ضربا هو ووالدته حتي ماتت وهي عروس لم تكمل شهرا ببيته وذلك لانها شكت له ان والدته تاخذ من اشيائها وسبحان الله قراتها بعدما نشرت هذا ااموضوع هنا لذت لابد من تحديد كل الامور قبل الزواج

 

[وردة بلدى 2000]

حسبى الله و نعم الوكيل فيهم و ربنا ينتقم منهم و الله وجعتى قلبى
ربنا يرحمها و يغفر لها و يجعل مثواها الجنة يارب
و الله كلامك صح يا راجية و كويس انك فكرتينى انى كنت عايزة اقولك من وقت طويل بس نسيت سامحينى انك انتى و لينا عقلكم كبير و بتحلوا اغلب المشاكل بصراحة بعقل و بصراحة مواضعكم حلوة قوى و مفيدة للستات و البنات فكنت بقترح عليكم تكتبوا موضوع للبنات المقبلين على الزواج و اللى عرايس جدد عن معنى البيت و الزوج و الفرق بين بيت جوزها و بيت اهلها و لانى عن نفسى بسمع و بشوف كتير قوى من بنات قرايب و اصحاب عن كميه المشاكل الكثيرة قوى و كتير منه بيوصل للطلاق بعد كام شهر و لاحظت كتير قوى ان الامهات مش بيفهموا بناتهم يعنى ايه جواز و لا الاباء بيفهوا المحروس ابو شنب يعنى ايه جواز و الموضوع بجد انا شايفة انه زاد اوى اوى و ربنا يوفقكم يارب

 

[راجيه الرضا]

حسبى الله و نعم الوكيل فيهم و ربنا ينتقم منهم و الله وجعتى قلبى
ربنا يرحمها و يغفر لها و يجعل مثواها الجنة يارب
و الله كلامك صح يا راجية و كويس انك فكرتينى انى كنت عايزة اقولك من وقت طويل بس نسيت سامحينى انك انتى و لينا عقلكم كبير و بتحلوا اغلب المشاكل بصراحة بعقل و بصراحة مواضعكم حلوة قوى و مفيدة للستات و البنات فكنت بقترح عليكم تكتبوا موضوع للبنات المقبلين على الزواج و اللى عرايس جدد عن معنى البيت و الزوج و الفرق بين بيت جوزها و بيت اهلها و لانى عن نفسى بسمع و بشوف كتير قوى من بنات قرايب و اصحاب عن كميه المشاكل الكثيرة قوى و كتير منه بيوصل للطلاق بعد كام شهر و لاحظت كتير قوى ان الامهات مش بيفهموا بناتهم يعنى ايه جواز و لا الاباء بيفهوا المحروس ابو شنب يعنى ايه جواز و الموضوع بجد انا شايفة انه زاد اوى اوى و ربنا يوفقكم يارب

آمين ..كلامك رايع والله ورده لكن بالفعل هناك مواضيع بالمنتدي مفيده وفتحنا قسما للدردشه بقسم البنوتات لكن معظم المقبلات ع الموقع متزوجات بالفعل..البنات عددهن قليل جدا ومع ذلك كلامك فعلا صحيح ويا ليت كل من لديها اقتراح تعرضه ???

 

[رهف 88]

انا ارى ان الرجل الذي يريد الزواج ان يفكر جديا في الابتعاد نهائيا عن منزل اهله
ونصيحتي لأي شابة مقبلة على الزواج ان تقنع خطيبها بضرورة الاستقلال ببيتهم الخاص بعيدا عن منزل العائلة الا اذا كان وحيد ابويه او ان اخوته بعيدين عن اهله فلا بأس ان يبقى مع والديه ليرعاهما ويتحمل مسؤوليتهما
الشي المبشر هو الناس وعيت وصارت تفكر بجد في العزل ولم يعد العزل عيبا كما الماضي بل صار ضرورة لا بد منها

 

[راجيه الرضا]

انا بشوف من واقع تجربتي في الحياه ان الزوجه بقوتها هي اللي تقدر تخلي لنفسها خصوصيه بين بيت الزوج ولا الزوَج اكيد راح يميل لاهله وبيتعامل مع شقته كانها غرفته السابقه قبل الزواج..

موضوع جميل

نعم ها انا ذا كلامك صحيح لكن هناك فعلا اهل زوج الوقوف امامهم يؤدي الي الخراب ولتقراي القصه التي ذكرتها لرورده بلدي..نرورك اجمل حبيبتي

 

[راجيه الرضا]

انا ارى ان الرجل الذي يريد الزواج ان يفكر جديا في الابتعاد نهائيا عن منزل اهله
ونصيحتي لأي شابة مقبلة على الزواج ان تقنع خطيبها بضرورة الاستقلال ببيتهم الخاص بعيدا عن منزل العائلة الا اذا كان وحيد ابويه او ان اخوته بعيدين عن اهله فلا بأس ان يبقى مع والديه ليرعاهما ويتحمل مسؤوليتهما
الشي المبشر هو الناس وعيت وصارت تفكر بجد في العزل ولم يعد العزل عيبا كما الماضي بل صار ضرورة لا بد منها

نعم رهوف الافضل عدم السكن اساسا لكن هناك احوال قد تضطر الرجل لذلك