نفسي احمــــــــــــــــــــــــــــــــــــــــــل ..

[روتـــانا]

السلام عليكم ..

يابلقيسيات ابغى اقولكم شي ما احب اقوله قدام احد من اهلي ولا اهل زوجي ..


نفسي احمل نفسي احمل نفسي احمل ..

انا صارلي سنه و7 شهور .. والناس صارت تطالعلي وكانها شقفانه عليا ..

ترى انا الموضوع كان بالنسبه ليا عادي ..

بس نظرات الناس تتعبني ..

وبالذات لما يدعولي في وجهي (( الله يرزقك الذرية الصالحه )) ادري هم نيتهم طيبه .. بس انا اتضايق احسها كانها دقه ..

احس كاني الانسانه اللي مستحيل تحمل وهما شفقانين عليها ..

اكره نظرة الشفقه هدي ..

وكلو كوم واللي تحط يدها على بطني عشان تسالني حامل ولا لا !!!!!!!!!!!!!!!!!!11

واخواته يجو يحكوني عن وحده ما حملت وزوجها اتزوج عليها ... كل مرة حكايه شكل ... اش يبغوا انا مني فاهمه ..

تخيلو تقولي في وجهي ... انا مافي احد من حريم اخواني طولو زيك كدا ... روحوا دكتور ولا شوفولكم حل )) :busted_red: ..

كان نفسي اقولها اتشطري انتي اتزوجي وجيبيه .. مع العلم انها كبيييييييييييييره ومو متزوجه بس تتشطر عليا ...

بس قلتلها بكل برود اعصاب .. اخوكي لسه ما يبغى .. يقولي ابغى اخد راحتي وانبسط كمان سنه وبعدين احملي :icon31:.. قالتلي خلاص قعدتو سنه كفايه :busted_red: ... قلتلها يبغى سنه تانيه كمان :blush-anim-cl:..


بس والله ينات انا من جوووووه مقهورة منها ... اش تبغى مني مالهم صلاااح ..

وامه كل ما تشوف وجهي تقولي هااا ... منتي حامل ... هي طيبه وحبوبه ... بس اكره فيها هدا الشي ..

هيا من حقها تشوف احفادها ... وحتى انا من حقي يكون عندي ولد او بنت .. بس مو بيدي ..
حتى ماما وبابا نفسهم ان بنتهم الوحيده تحمل وتجيبلهم نونو بس ما يلقعوا بالكلام ...


اوقات اقول ياربي لدي الدرجه الناس جاهله ... يعني يبغوني اطلع البيبي من جيبي ولا ايش انا مني فاهمه ...

مع العلم اني انا وزوجي رحنا المستشفى بس عشان نتطمن اننا سليمين ومافينا شي ... وطلعت التحاليل كلها سليمه والحمد لله ..

بعدها زوجب قالي بما اننا اتطمنا اننا كلنا سليمين انا ماعندي مشكله استنى الين ما ربي يريد لو العمر كله ... بس اهم شي انه مافينا شي والحمد لله ...


بس انا برضو احس زي ما انا نفسي زوجي كمان نفسوو بس ما يبغى يبينلي ... لانه الموضوع مو بيدي ولا بيدو .. بيد الله سبحانه وتعالى ...


انا مني عارفه ليش كتبت هنا ..

انا فجأة لقيت نفسي فاتحه الصفحه وجالسه اكتب ...

يمكن لاني مالقيت احد افضفضلو ...

فا اخدت راحتي هنا وازعجتكم بمشكلتي ...

نفسي اعرف كيف اتعامل مع اهلو وامه ؟؟؟

انا حتى لو الناس دعتلي بحسن نيه اتضايق .. اتضايق من نظرة الشفقه اللي في عيونهم ... اش اسوي كيف اتعامل مع الوضع ؟؟؟

اللي مضايقني اني احس زوجي نفسه وماما وبابا كمان ... بس اش اسوي مو بيدي ... وهما عارفين مو بيدي ... بس يظلوا يستنوا يسمعوا الخبر مني حتى لو ما بينولي ... احس الحمل كلوا على ظهري وانا ما بيدي شي ؟؟؟


اســـــــــفه ازعجتكم بكلامي الكثير ..

 

[نيازك]

هلا حبيبتي مافيه ازعاج بالعكس يمكن تستفيدي من تجارب الاخرين الزامي الاستغفار وانتي ساجده ادعي بدعا مقتبس من القران (ربي لاتذرني فردا وانت خير الوارثين) ابعدي عند التفكير بالحمل لالالالايكون هاجسك وانتي توك عادي جداااا!!!!!!
وقت الدوره اهتمي بنفسك بالاكل الساخن والفلفل ولاتمشي بدون شراب لالالاتأكلي الاشياء البارده الله يرزقك الذريه الصالحه آآآآآآآآآآمين

 

[@@الجوهره@@]

ياقلبي انتي والله انا مثلك جلست ثلاث سنوات بدون حمل واهل زوجي مررره كلام في كلام عني بس انا مطنشه مرررره
خاصه ان زوجي راضي
المهم انا كانت عندي مشاكل مانعه الحمل وتعالجت طولت بالعلاج لمدة سنه علاج
بس انصحك اختي بشرب ثلاث اكواب من البردقوش يوميا وانسي سالفة الحمل لان كثر التفكير بموضوع الحمل يمنع الحمل واسالي مجرب
واستغفري يوميا قد ماتقدرين
وعليك بعصير الاناناس يمدحونه للحمل
والله يرزقك الذريه الصالحه وتجيبين لنا تؤام حلوين وامانه اذا الله رزقك وحملتي بشرينا
والله يفرح قلبك مثل مافرحني ياعمري لاني حاسه فيك

 

[بعض اللقاء]

الله ينولك اللي في بالك وماعليك من كلام الناس - بس استخدمي التبخر بالشاهي الاخضر وجربي منتي خسرانه شي واكيييييد لسى بكير ع الحمل سنه تعتبر بدري والعمررر قدام

 

[@@الجوهره@@]

وياقلبي امشي يوميا نص ساعه كثير يقولون المشي يفيد
وانا كنت امشي كثير

 

[روتـــانا]

هلا حبيبتي مافيه ازعاج بالعكس يمكن تستفيدي من تجارب الاخرين الزامي الاستغفار وانتي ساجده ادعي بدعا مقتبس من القران (ربي لاتذرني فردا وانت خير الوارثين) ابعدي عند التفكير بالحمل لالالالايكون هاجسك وانتي توك عادي جداااا!!!!!!
وقت الدوره اهتمي بنفسك بالاكل الساخن والفلفل ولاتمشي بدون شراب لالالاتأكلي الاشياء البارده الله يرزقك الذريه الصالحه آآآآآآآآآآمين

الله يجزاكي الف خير ..

وشكرا على نصايحك ... ونبهتيني لنقطه مهمه ..

انا مدمنه على التلج ... اكله اكل ... من زمااااان وانا على هدا الوضع ... ... بس احس اني ما اقدر اتركه مرررره اعصب اذا مالقيته قدامي ...

بس بحاول بكل جهدي اخفف الين ما اقطع ...

ومرررة ابرد بسرعه ...

وكمان انا من النوع اللي ما اشرب سوائل حاااره ...



بحط نصايحك بعين الاعتبار ...

ويعطيك الف الف عافيه ...

 

[روتـــانا]

ياقلبي انتي والله انا مثلك جلست ثلاث سنوات بدون حمل واهل زوجي مررره كلام في كلام عني بس انا مطنشه مرررره
خاصه ان زوجي راضي
المهم انا كانت عندي مشاكل مانعه الحمل وتعالجت طولت بالعلاج لمدة سنه علاج
بس انصحك اختي بشرب ثلاث اكواب من البردقوش يوميا وانسي سالفة الحمل لان كثر التفكير بموضوع الحمل يمنع الحمل واسالي مجرب
واستغفري يوميا قد ماتقدرين
وعليك بعصير الاناناس يمدحونه للحمل
والله يرزقك الذريه الصالحه وتجيبين لنا تؤام حلوين وامانه اذا الله رزقك وحملتي بشرينا
والله يفرح قلبك مثل مافرحني ياعمري لاني حاسه فيك

وربي كلامكم وردودكم ريحتني ...

يعطيكي العافيه الجوهرة ...

و ان شاء الله مارح انسى الاستغفار و البردقوش والاناناس ...

وان شاء الله اول ما احمل راح ابشركم ... بس دعواتكم ..


الله يحققلك كل اللي نفسك فيه يارب ...

 

[روتـــانا]

الله ينولك اللي في بالك وماعليك من كلام الناس - بس استخدمي التبخر بالشاهي الاخضر وجربي منتي خسرانه شي واكيييييد لسى بكير ع الحمل سنه تعتبر بدري والعمررر قدام

امييييين ياااارب انا و كل محرومه ...

والله ادري انه بدري .. بس كثر الدق يفك اللحام على قولة القايل ..


الله يريح بالكم كلكم قولوا امين زي ما ريحتوا بالي ..

 

[روتـــانا]

وياقلبي امشي يوميا نص ساعه كثير يقولون المشي يفيد
وانا كنت امشي كثير

نصيحتك راح تنحط بعين الاعتبار ...

الله يكتبلك الاجر ...

 

[عطر مطير]

اااااااااااااامين الله يرزقك...!
استخدمي ابر الكلوميد اذا نفعتك ماضرتك....
وهي لتفجير البويضه بس البردقووووش كوووويس لتنشيط المبايض...!
واقري على نفسك انتي وزوجك ودوري للحل....!
انتي لسا ماكملتي سنتين والعمر قدامك لاكن وش المانع تبدين من الحين
يمكن هذا الحل بيطوووول معك فماتكوني خسرتي وقت من عمرك ولاعمر زوجك.....!

حاولي من الحين بكل الطرق عشانك انتي وزوجك اخر شي فكري فيه الناس
بس لاتتاخري بالوقت اكثر.....
راجعي اكثر من طبيبه بعد...!

الله يرزقك يارب وتبشرينا هالشهر بالحمل ويثبت وتفرح نظرتك فيه.....!

 

[روتـــانا]

اااااااااااااامين الله يرزقك...!
استخدمي ابر الكلوميد اذا نفعتك ماضرتك....
وهي لتفجير البويضه بس البردقووووش كوووويس لتنشيط المبايض...!
واقري على نفسك انتي وزوجك ودوري للحل....!
انتي لسا ماكملتي سنتين والعمر قدامك لاكن وش المانع تبدين من الحين
يمكن هذا الحل بيطوووول معك فماتكوني خسرتي وقت من عمرك ولاعمر زوجك.....!

حاولي من الحين بكل الطرق عشانك انتي وزوجك اخر شي فكري فيه الناس
بس لاتتاخري بالوقت اكثر.....
راجعي اكثر من طبيبه بعد...!

الله يرزقك يارب وتبشرينا هالشهر بالحمل ويثبت وتفرح نظرتك فيه.....!

انا مرة وحده استخدمت الكلوميد والابر التفجيريه ... وربي ما اراد .. بعدها زوجي قلي خلااص .. ما تتعبي نفسك بالادويه والابر ... ربي لو اراد بدون كل هدا راح يرزقنا .. وما رضي اني اعمل كورس تاني ..

ووجهة نظر زوجي ان الامر بيد الله وحده .. وبلاش البني ادم يلعب في نفسه ... واللي يجي من الله حياه الله ... وتأخير الحمل اكيد فيه حكمه عند الله سبحانه وتعالى .. ونصبر ولا نعترض على حكم ربنا وان شاء الله ربي بيرزقنا بدون ادويه .. اذا فيه شي طبيعي خدي .. لكن ادويه وابر .. مضررررررره ..


بس كلامك منطقي ..

الله يختار اللي فيه صالح وخير ...

شاكرتلك مرورك وتفاعلك ..

 

[روتـــانا]

يابنات .. اللي قالولي البردقوش ... كيف اخده ؟؟؟

 

[حنين الرياض]

ياعمري كثري الاستغفار والدعاء واشربي بردقوش كثير واكل اناناس وتبخري بالشاي الخضر وشوفي الله يكتب لك بالذريه الصالحه..

 

[حنين الرياض]

البردقوش ملعقه كبير على ماء مغلي بس مو حار(يعني بعد ماء يغلي اتركيه شويه ) وتغطينه وتتركينه 10 دقايق وتشربينه ..وتشربين يوميا قد ماتقدرين لاني سمعت كثير انه مايضر كثرته

 

[بعض اللقاء]

البردقوش خدي ملعقتين منه في كوب وصبي عليه مويه مغلي وخلي 5 دقايق بعدها صفيه واشربيه زي الشاهي وطعمه حلو-

 

[روتـــانا]

ياعمري كثري الاستغفار والدعاء واشربي بردقوش كثير واكل اناناس وتبخري بالشاي الخضر وشوفي الله يكتب لك بالذريه الصالحه..

انناس طبيعي ولا معلب عااادي


ما احب الطبيعي .. احب المعلب ..

 

[روتـــانا]

البردقوش ملعقه كبير على ماء مغلي بس مو حار(يعني بعد ماء يغلي اتركيه شويه ) وتغطينه وتتركينه 10 دقايق وتشربينه ..وتشربين يوميا قد ماتقدرين لاني سمعت كثير انه مايضر كثرته

يعطيك العافيه حبيبتي ..

 

[روتـــانا]

البردقوش خدي ملعقتين منه في كوب وصبي عليه مويه مغلي وخلي 5 دقايق بعدها صفيه واشربيه زي الشاهي وطعمه حلو-

الله يجعله في ميزان حسناتك ..

 

[خذلني زماني]

افا عليج لا ازعاج ولا شي بالعكس المنتدى مفتوح للفضفضه


كان نفسي اقولها اتشطري انتي اتزوجي وجيبيه .. مع العلم انها كبيييييييييييييره ومو متزوجه بس تتشطر عليا

وقسم نفس حالتي ماعليج منها سويلها اكبر طاف والله وايد بتعانين من خوات الزوج الي مب متزوجات انا نفس الحاله بس اسويها اكبر طاف وحياتج


واهم شي عندج انه زوجج راضي عليج وام زوجج فهميها كلميها وقوليلها ان شاء الله خير والله بيعوضج بالذريه الصالحه


ومثل ماقالو الاخوات عليج بالاستغفار وذكر الله

وعندج بعد اذا دورتج منتضمه تعرفين متى فترة التبويض اكثري الجماع فيها

واشربي يوميا مرميه في بيالة شاهي من اول يوم لج في الدوره لحد عشر ايام عشان تتنشط عندج البويضات وان شاء الله خير وبشرينا عنج يوم تحملين


ولاتحطين في بالج كلام الناس وتتعبين نفسج ولاتفكرين وايد في الحمل خلج عاديه والله يرزقج ويرزق كل محروومه يارب

 

[ولا كلمة]

ياقلبي انتي انا مريت باللى تمرين فيه الحين
آآه من كلام الناس وآآه من التجريح خليها على الله بس
لان السبب مني انا ...
في البداايه كنت اتضاايق لكن مع الوقت صار عندي مناعه الكلام ولا كني اسمعه
لان كنت لما اتضاايق افرش سجادتي وادعي ربي انه يرزقني بالحمل السليم المعافي
ويقويني امام النااس والحمدالله ربي قوواني ..
ومع الاياام لجات الى الله كل ما ضاق بالي ما اشكي لاحد غير الله سبحانه وابكي وبعد ما اخلص اقسم بالله احسه راح عني صدري شئ ثقيل واشعر بالرضااء وبالامل .. لان ربك كريم .
والتزمت الاستغفاار والمحافظه على اذكار الصباح والمساااء وقراءة القران لو صفحه باليووم
وقيام الليل يعني مش يووميا بس لا صرت صااحيه صليييييييييييت
ونسيت شئ اسمه حمل
صرت ارووح عند صديقتي واجي واغير جوو وصرت اهتم بنفسي وبشعري وببشرتي وقلت بسوى رجيم
وكانت المفاجاءة اني حامل والحمدالله
يعني ما طوولت تقريبا شهرين او ثلاثة وصار الحمل وصدقيني رااح تمشي الاياام بسرعه ما تتخيليها والله كريم يرزقك يارب ...