نفسيتي تعبانه زوجي يكره ولده الصغير والسبب ....

[وحيده في دنياي]

بااختصار زوجي يكره ولدي اللي هو ولده
عمر ولدي سنه صحيح انه حركي لكنه مو عشان كذا يكرهه لاني جبته والله قدر ان تكون خصيته ملتصقه ويبغالها عمليه طبعا ولدي خديج بو سبع شهور يوم اولده
دايم يضربه ويصطره ويشيله بيد وحده من يده
ولما اخليه معه اسمعه يصيح بقوووووه
ويقول ليه للحين بو سنه وشهرين ومامشى طفشنا هالولد
انا مقهوورررررررره
وانقهرت اليوم والله كنت عاديه ولافيني شي
بس فجأه من ولدت زوجة اخوه وجابت ولد
قالي انا ودي تجيبين لي ولد مو بنت يعوضني
عن هالولد اللي عضوه ماهو عدل
لاني حامل في الشهر السابع والدكتوره قالت فيني بنت
تخيلوا مايبي يشتري لها شي
اقوله لين متى خلنا نقضي شوي
مو راضي
وانا ضايق صدري
والله لو عندي فلوس كان اعطيت امي تشتري
لكن خبركم ماعندي اللي يوفي للمشترى
والله احس حامل ونفسيتي دماااااار
تعبت شورو علي الله يجزاكم الجنه

 

[ربي كن معي]

طيب ماله عمليه الولد هذا اولا
ثانيا ذكريه انه هذا الشي من الله واللي جي من الله كله خير قوليله يتعوذ من الشيطان لايبلاه ربي بشي اكبر وهذا ابتلاء ولازم نصبر عشان نفوز
وقوليله هالقصه بجد لواحد قريب لي زوجته في البدايه تجيب بنات وطفش وطبعا عقليه الزوج ان المرأة اللي تتحكم بنوع الجنين مايدرون انه من الله ثم من نطفة الرجل المهم قالها ان جبتي بنت ثانيه برميها وفعلا جابت بنت بس ايش ماتسمع تعبانه بس ماشاء الله ملكه جمال حملت بعدها بعيال بس اغلبهم معاقين فالواحد يحمد ربه على عطاه
الله يعينك ويصبرك وعليك بالحلم والدعاء ثم الدعاء ثم الدعاء

 

[هابي دريمز]

ياحبيبتي الله يهون عليك انتي اشتري هدايا وقوليله من عند ولدك

 

[حورية البحار]

لاحول وا لاقوة الا بالله ناس ما تخاف من الله صدج عورتي لي قلبي و الله ما ادري شقووولج ؟؟؟؟؟ و كيف اساعدج صدج قهرتيني ناس عقليتها زفت اووووووف

 

[عصير فرواله]

لا حول ولا قوه الا بالله قولي احمد ربك ولدك مافيه شي عمليه بسيطه وخلاص


فيه ناس معاقه ومشوهه احمد ربك عالنعمه فيه ناس يتمنون الي عندك


وقوليله كل ماجيت تكلم عن الولد فكر زين بكلامك ترا كلامك محسوب عليك


لا ربي يواخذكم بكلامه


وربي يهديه


انتي تعاليله بالهدوء والنصيحه مو العصبيه والزعل​

 

[الجواااان]

الله يهديه ويسخره لولده ياااااارب

 

[صمت الزهور]

قولي ان شاء الله ماتدري اذا عجزت بكره يمكن ماينفعك الا هالولد استغفر ربك واشكره
يا حياتي الولد رحمته اللي يشفيه ويحفظه ويصلحه يارب

لا تضيقين صدرك جبتي بنت ولآ ولد الحمد لله كتبة ربك
اعرضيه على طبيب اطفال ان شاء الله ربك يفرجها

حسبي الله ونعم الوكـــــــيل

 

[الجده الصغيره]

كله من ربك الولد والبنت الطيب والمعاق اقري عن قصة مروان الطفل الاعمى ففيها عبره ربي يسخر لك زوجك ويحننه على ضناه

 

[محبة مكة]

الله يسهل لك كل امورك
من جد حزنتيني

 

[papero0o]

وش ذا اعوذ بالله من هل كلام

ياربية معقولة هذا كلام واحد مسلم و يعرف ربة...؟

الي مؤمن و يعرف ربة و يدري كل شي بيد رب العالمين مايقول هل كلام و يتشرط بعد

خلية يحمد ربة و يشكرة ان الله عطاة نعمة الانجاب فيرى يتمنى ظفر طفل و هذا يتشرط و يعذب ولدة

ان شاء الله مايبتليك بعيالك بسبب كلامة و افعلاة الله يستر بس من عقوبة رب العالمين

كلمية و خوفية من الله سبحانة و هو مجبور يتقضى بنت ولا ولد كلهم عيالة

 

[الوردوالياسمن]

لاحول ولاقوه الابالله

 

[ابتسامه مهجوره]

ياويله زوجك من الله حرام عليه يضربه مايخاف من العقوبه مابي اقول جعل يده الكسر ليش تسمحين له يضربه ليه حسبي الله عليه قولي امين جعل ماينفع زوجك الا هالولد الله ينصره عليه جعله يشوف الخير في ولده مايدري عن الدنيا يمكن ولد اخوه يجنن والديه اذا كبر وولدك ينفع والديه ليش يقول كذا قسم بالله دمعت عيني عليه هذا نعمه من الله هذا اختبار من الله لكم 0000لاحول ولا قوه الابالله00بعدين ليش يتشرط بنت ولا وللد يبي مايبي يحمد ربه ان ربي اعطاه

 

[ام فيصل و دانه]

طيب البنات تكلمو في كل شي
الا مساله ضربه للولد هذي اللي قهرتني يا اختي لاتسكتين على هالسالفه
مو معقوله طفل عمره سنه ينظرب حسبي الله ونعم الوكيل حسبي الله ونعم الوكيل

الله ينصر هالولد ويارب ياخذ هالاب درس في حياته يأدبه
يا اختي ترى هالولد امانه حافضي عليه ولاتسلمينه لها المجرم

 

[عذبهم غروري]

لاحول ولا قوة الا بالله...
ناس تتمنى ولد ولو معاق...وذا يعذب ولده على شئ ماله ذنب فيه...
والله حسيت بالقهر ودمعت عيوني ...
أسأل المولى عزوجل أن يهديه..ويصلح حاله...ويصبر قلبك ويعينك على مأبتلاك...
والله حاسه فيك ..الأم تنقهر وتموت لو أحد ضرب ولدها سواء كبير او صغير ...فكيف لمن يكون الأب اللي يضرب ولده الصغير علشان شئ مثل كذا ويتعدل بعمليه...

 

[عذبهم غروري]

وانت اذا شفتي زوجك يضرب ولدك شيليه من عندة ..ولا تخليه عنده ابداً يمكن يحس لمن تبعديه عنه ويحن قلبه شوي...واذا جلس زوجك روحي انت والولد اجلسي بمكان ثاني ..خليه يحس ان الولد غالي عندك ..وانك تبعديه عن اللي يضره...
ونصيحه...روحي لطبيب اطفال علشان تسوي العمليه قبل لايكبر الولد ..لان اتوقع اذا كبر بتكون اصعب والله اعلم ..
حتى لو ماوداك زوجك خلي احد من اهله او اهلك يوديك ..لاتنتظرينه اذا كان رافض على حساب صحة الولد...

 

[دمعةشوق]

لاحول وا لاقوة الا بالله

 

[حبيبه تعوبي]

تكفين ارجوك لاتخلين الولد عندة دام انه يضربه ويعامله بها القسوة ياحياتي عمرة سنه ويعامله
بهالطريقه الله لاجزاة بلخير وينتقم من كل ظالم لا تسكتين اذا استمر بهالشكل مع الولد

 

[نــور2010]

لاحول ولا قوة الا بالله
لازم يستغفر ويتوب لله قبل لا يندم قبل ما ينفع الندم
هذا كله رزق من الله وهو حضرته قاعد يتشرط
الله يهديه ويصلحه ويسخره لكم ويشفي ولدكم يارب

 

[AL-HANOUF]

لاحول ولاقوة الا بالله..

اللي مثلة يحمد ربة ع النعمة في ناس يتمنون الضنا ولاهم لاقينة ولد او بنت..

الله يشفيلك ولدك يارب ويوقمك بالسلامة ويهدي زوجك ويسخرة لك..

نصيحة مني اقري سورة البقرة يوميآ واذا خلصتي انفثي ع نفسك وولدك وانفثي في ماي وعطية زوجك وادعي له بالهداية واكثري الاستغفار ..

 

[مشاعر حسااااسه]

ناس عندهم اطفال معاقين جسد بلا روح يشفون الدنيا فيهم

وزوجك عنده ولد بكامل صحته بس عمليه بسيطه ويتعافى ويعيب فيه
صدق ناس ناكره النعمه لي 5سنوات وانا من مشفى لمشفى اتمنى احمل
وزوجي ما حمد ربه ما اقول الا الله يعينك ويصبرك ويلطف قلب زوجك
على هالطفل المسكين​