نفسية طفلي الحبوب

[حسنة النوايا]

:11:السلام عليكم ورحمة الله وبركاته يا بلقيسيات
موضوعي شوي غير ويختلف عن المواضيع الأخرى
الموضوع:تفريق ابي في المعاملة بين ولدي وولد اخوي وهم بنفس العمر-سنة-
الصراحة ابوي دائما يتعمد يحرجني ويحرج ولدي امام الآخرين من العائلة وطبعا كلامي نابع من المواقف شبه اليومية اللي اشوفها لما اكون عند اهلي
فمثلا مرة سمعت ابوي معصب ومتنرفز كثير فلما رحت اشوفه صدمت انه كل هالنزاع والنرفزة والعصبية كانت لولدي وياعمري هو حتى ماكمل العام والسبب كان والله ما مستاهل ابدا!!!!!
المهم انا تضايقت كثير كثير ووجهت كلامي لأمي وابوي انه اذا كذا يعاملوا ولدي ماراح ازورهم الا مرة وحدة في اليوم وهي لما اخلي ولدي الصباح عند امي لأني اداوم ولما ارجع اشيله بس
وع فكرة امي عسل مرة مع ولدي وتحبه كثير
بس اللي قاهرني انه ابوي يتعمد يحرجني دائما وخاصة لما نتجمع انا واخواتي وأولادهم يقصد انه يمتدح في ولد اخوي بأنه اجمل من أولادنا واهداهم مع العلم انه اولادنا جميلين جدا واجمل من ولد اخوي بشهادة الجميع وياعمري ولدي اهدى اطفال العائلة اللي في مثل سنه..
صدقوني انا احب ولد اخوي بس ما ارضى بالمقارنات والمعاملة غير العادلة ابدا
ع الجانب الآخر اذا ولد اخوي سوى اي فوضى او ازعاج ابوي عادي وبالعكس يجلس يضحك ويشجعه!!! طبها انا كتبت هالموضوع لأن بكرة ولدي يكبر وبيفهم وما اريد نفسيته تتأثر لهذا الشي
ايش مقترحاتكم وشو الحل برأيكم؟
طبعا انا كلمت ابوي بالموضوع وضحك وقالي انتي تغاري!!!!!
ومرة من المرات امي كانت تحكي موقف طفولي لولدي قاطعها ابوي وقالي احس انه ولدك غبي!!
بهذي الكلمة كأنه وجهلي طعنة في قلبي...​

 

[حسنة النوايا]

لا لا لا يا بنات افا ليش ما حد رد علي؟
كذا تجيبولي الإحباط وما عاد اشارك معكم