نصيحتكم يااخواتي الغاليات تعبت نفسيا

[احساسي ورد]

السلام عليكم ورحمة الله وبركاته


اخواتي البلقيسيات ابي مساعدتكم ومشورتكم وابي اعرف اذا كنت غلطانة ااو لأ ؟
انا مملكة لي اسبوعين بس احس ان زوجي مايحبني او انه مغصوب علي
تقولوا ايش عرفك ..! اقولكم كيف :
اول مانكتب العقد وصرت زوجته ماطلب رقمي من اخواني ولافكر يرسل يبارك لي
وقلت يمكن يستحي او مايحب يحرجني ..
ويوم التلبيسة كان يسولف سوالف عامة جدا جدا ومامسك يدي ابدا الا لمن لبسني الدبلة
واخواته طلبوا منه يمسكني ورفض .. صح مدح شكلي ولبسي بس حسيته مو من قلب
حتى رقمي طلبه من قريب لنا وفشلني معاه كان اخواني مانعينه..
واخواني وقتها موجودين عنده وكلهم تحت امره ..وماقالهم
يعني اوقات تطلع منه تصرفات تغيضني ولما اقوله يبرر لي باعذار تافهه
بس كله يهون مع اسراري ..>تتنهد من قلب
انا يااخواتي احس حياتي كتاب مفتوح عند الناس كل ماصار شيء
بيننا القاه فلان وفلان طبعا من ناحية متى كلمني ومتى ارسلت له بهالحدود
حتى اسمي كل اللي حوله بالعمل عارفينه من ايام تقدم لي ووقتها لسى ماوافقت
انا من قد ماني متازمة تركت الحيا على جنب ووضحت له بكل هدوء
اني مااحب اسراري تكون عند الناس ولا ابي اسمع اخباره من الناس
قام قالي اعذريني انا لسى متعودت عليكي يعني عزوبي وكذا ووعدني مايكررها
والحين رسايله صارت قليلة ومن فين لفين يررسل والمكالمات يتصل مرة وحده
واذا مالحقت ارد مايتصل ثاني وبعد شوي يرسل لي اسف على ازعاجك
دايم حاط بنيته اني ماابغى ارد عليه ..
والحين له ثلاث ايام ماكلمني ولاارسل رسالة وانا لما ارسل له
ياخذ وقت طويل ويرد علي بكلمتين ..
انصحوني يااخواتي كيف اتعامل معاه اساله بشكل مباشر اذا كان يبيني او لأ ؟
وكيف ابدا معاه ؟ ابي حل لمشكلتي قبل زواجي ..
حبيباتي نصيحتكم عندي ماتقدر بثمن انتظركم ..












​

 

[عبق الاماني]

مدري يمكن ردي يزعلك ...
لكن اسمحيلي ...

يابنات ترى اللي يصير في الخطبة شئ عادي

يمكن يستحي ..او لسه الوضع جديد

وبالعكس الرجال وقت الملكة يحب البنت الثقيلة اللي ماتكلمه عن حركات رومانسية او مكالمات
كل شئ ملحوووووق عليه ..والمسالة مسالة وقت :23:

وانا استغرب من البنت اللي تبغا زوجها يسوي حركات رومانسية ويمسك يدها قدام الحضور
او يكلمها بالجوال ويرسل لها رسايل ..

الظاهر ان الموازين انقلبت بالعكس وصار الرجال هم اللي يستحون :30:
وصار اللي مايسوي كذا انه مغصوب عليها ومايبيها ..

لاتحاولون تسوون من الحبة قبة

احمدي ربك على نعمة تيسير الملكة لك .. غيرك يحط شروط تفقع الراس

جات على الرومنسية وبس !!:32:

 

[دمعة الغيمه]

حبيبتي شلون يطلع اسراركم هو قريبك؟؟
على العموم طنشيه فتره لا رساله ولا مكالمه منك...
ان رايتي هالوضع ماتغير...فلازم تواجهينه وتصارحينه قبل يتم الزواج
اذا هذا حاله فبل الزواج تطنيش واستهبال فبعد الزواج اكبر
ترى المحترم يفرض نفسه من اول يوم تعرفينه فيه
واللئيم يبان عليه من اول معرفه
انتبهي...هذي حياتك

 

[احساسي ورد]

اختي عبق الأمماني لا ماازعل من ردك بالعكس انا ابي نصيحتك كيف ماكانت وربي يسعد قلبك

حبيبتي يمكن انا ماوضحت كثير .. بس انا احساسي يقولي انه مايبيني..

اختي دمعة الغيمة يسعدك ربي لأ مو قريبي بس اي شيء صار وقت الملكة عند الناس

واي شيء يقوله لي ولا يرسله عند اخوانه واخواته ..

طيب كيف ابدا معاه ماني عارفة ..!

مشكورات اخواتي وربي يجعلكم بالدنيا والاخرة سعادة لاتنتهي ..

​

 

[بسبوسة جدة]

والله ماادري يمكن لسى موماخد عليك ولاتكبريه والله يهدي سركم

 

[قطـــــريه]

توكم مالجين ما امداه يحبج .. يا بنات ليش الحب بسهوله كذا ؟؟ يعني الوحده من تملج خلاص لازم يحبها ويمسك يدها و و و ؟؟؟ مب منطق خلوكم واقعيات شوي .. اختي احسج ثقيله شوي ورسميه بصراحتج .. واعتقد تو الناس على هالطبع .. معليه خلج كتاب مفتوح بس مب عالآخر .. يمكن هو اجتماعي زيادة عن اللزوم .. وفي رياييل كلامهم وايد بالفاضي والمليان ويقول كل شي .. هالناس ممكن تجينها بطريقة سلسه وراقيه وغير مباشره .. لا تكبرين الأمور ويمكن هو خجول مو حلوة من البداية يطلب رقمج من اخوانج ترى الرياييل يستحون من اخوان حريمهم خاصه بفتره الخطوبة ..

 

[RedRose]

انا اشوف انه مافيها شي تسألينه
بكل صراحة قوليله يا ابن الناس انا احس انك مغصوب علي ,وانا بنت ناس وما ارمي على نفسي على احد اذا انت ما تبيني خلاص كل واحد يروح في طريقة .. واذا انت تبيني اوعدك اني اكون لك الزوجة اللي تقدر زوجها وتحبه

الزواج مو لعبة , اذا ماصار توافق من البداية فالانفصال الان افضل من الطلاق لاحقا


اذا قال انه يبغاك معناها يمكن هو ما يعرف كيف يعبر عن مشاعره او مرتبك وبالتالي حاولي انت تتقربين منه , يعني اتصلي انت اسألي عليه ارسليله مسجات , شوي شوي اللين يتعود خلي علاقتكم ميانة بدون وجود حواجز كبيرة بينكم
والله يكتبلك اللي فيه الخير​