نصايح قبل العرس منقووووول

[أم دبي]

تاكد انك سويت الاشياء التاليه:
هديه بسيطه(مش بسيطه اوي ) تهديها لعروستك في اول يوم عسل تجهيز كل الحاجيات لبيت الزوجيه ..طبعا غير هدية العرس تكووون احلى وافخم بالتأكـــيد<<فيه شبكه ومهر خلاص

هديه بسيطه وانتهى الموضوع

قبل العرس باسبوع:
لاتحلق ابدا لمدة اسبوع كامل

، علق ثيابك في بيتك مو تروح طرزان ، ثوب العرس والبشت جاهزين ، ادواتك الشخصيه كامله وجاهزه ، فرشاه اسنان

، ماكينه الحلاقه ، عطوراتك ، ملابسك الخاصه ، بيجاما ، روب نوم فوق البيجاما حق الكشخه

نظف وجهك بالبخار قبل اسبوع من العرس ( علشان مايطلع وجهك منفخ في العرس) ، حجز موعد عند الحلاق علشان حلاقه ومساج و الخ الخ الخ

يوم العرس:

خذ كفايتك من النوم

، بعد ماتقوم خذلك دوش دافي وتفرك زين
روق بالك وعقلك ، وفكر في افكار حلوه ورايقه علشان ينعكس الروقان على وجهك

<<وجه مو في محله>> ، (يعني لا تروح العرس وانت مكشر او مرتبك او او او.).

تغدى كويس لا تطيح علينا في العرس وتفشلنا

**عشاآآ مافي

** ، لاتحلم انك تاكل في الليل علشان تكون خفيف ياخفيف
(في واحد من مشفوح ((مدينه صح..تعرفونها..مدري الزبده الرياض تكفي ^_^)) تعشى قبل العرس وجاله تسمم من الاعصاب ليلتها ، وقضى الليله مابين الحمام والحمام

، وكانت ليله مايعلم فيها الا ربنا ولين الحين نضحك عليه بسبتها

).

بخر الثوب والبشت وهدومك اللي بتلبسها كلها ، روح موعدك للحلاق وخليه يسويلك حلاقه معتبره ومساج علشان يروح أي ضغط عصبي وريلاكس<<وش دخل الموضوع بـ بنــات المنتدى

روح الحين لعرسك بدري مو تحسب نفسك معزوم
وتروح متاخر (يعني اتغلى)

لحظه الدخول لصاله النساء للقاء العروس:

سمي بالله ، ارسم ابتسامه حلوه

، وجه عيونك لعروستك اللي قاعده في الكوشه

(هذا اذا سوت فيك حركه نذاله وسبقتك للكوشه وقعدت على الكرسي قبلك ^_^ )

اما اذا كنتوا ماشيين سوا:
امسك يدها بشويش مو تضغط عليها كنك خايف وماسك ايد امك

ترا العروس في هذيك اللحظه محتاجه كثير للحنان والاطمئنان يعني حسسها بالامان بمسكه يدك .

بس خلاص نادوا الناس للعشاء وكل واحد يروح بيته
قلنا خلاص وش منتظرين؟؟

ايييه صح غنوا معهم:

ومباركين عرس الاثنين ، لا لا لا لحظه لاتروحون

، ياخي خليك رومنسي شوي وشيلها قبل لاتدخلون الغرفه

، خللي دمك خفيف شوي علشان تشيل الحواجز بينكم ويروح الاحراج والخوف.

والله يوفقكـ يـ العريس ووو العروسه

ودمتم في سعآآآده ابديه...وسلامتـََََــكم

 

[عطرالخزامى]

حسيت اني انا المعرس هههههههههههههههههه

 

[البعد همي]

يعطيك العافيه دمك خفيف

 

[عـر الإمارات وس]

روووووعه ياليت كل الريايل يكونون مهيئين نفسهم بهالصوووره ....
جان كان هذا اليوم احلى يوم فالعمر واحلى ذكرى ,,
تسلمين غناتي....

 

[أم دبي]

عطر الخزامي أشكرك أختي
البعد همي اشكر مرورك
عروس الإمارات شكرا لتعليقك الجميل