نشاط الليل..

[روان الريان]

عزيزاتي بلقيسيات الغنج والدلع الحلال أريد نصيحة تساعدوني فيها أطول سهر الليل شوي مع زوجي
لاني شوية تعب بسيط مع العيال عشان يناموا الليل ويتاخروا اكون أنا خلاص في قمة الاجهاد واعتذر من الزوج الغالي بس لمتى بيعذرني ؟ وخاصة دوامي صباح والسهر ياثر علي وهو لا .. دوامه في اي وقت ثاني ويحب يسهر عشان اكون معه ؟ وش اسوي ؟؟

 

[3aly]

احمــدي ربج ان زوجج يبي يتم وياااج

وعطيه حقه والله بيعينج

واسهري ويااااه

بس انتي رتبي السهرات بنظاام مب كل يوم لان ما لها حله كل يوم سهره

 

[البيت السعيد**]

حبابة، دام زوجج وده تسهرين معاه،

فلا تمنعين هالشي عنه،

بالعكس إسهري معاه، بس مو كل يوم لأن وراج دوام وراح تتعبين،

إنتي حالتج عكس حالتي تماماً،

آنا فيني شدة حق السهر (عندي دوام الصبح) لكن زوجي هو اللي ينام وما وده يسهر أبداً،

الحل عزيزتي كالآتي:

- في اليوم اللي تقررين تسهرين مع زوجج، حاولي تخففين الأعباء عليج في الشغل في النهار،​

- أعمال المنزل حاولي تتركينها في هاليوم علشان لا تجهدين نفسج،​

- حاولي حاولي حاولي تنامين العصر ثلاث ساعات، أو أقل علشان تاخذين كفايتج من النوم،​

- إكلي إفطار صباحي دسم، علشان يمدج بالطاقة طول اليوم​

- وجبة العشااااء خليها خفيفة وصحية، ومو ثقيلة، لأن بتدوخين،​

- إشربي علبة رد بول، أو تقتدرين تستغنين عنه بشاي الزنجبيل الطازج، بتظلين بنشاط،​

- حاولي تاخذين دش بسيط باااارد علشان تحسين بعده بنشاط كبير،​

الله يوفقج وييسر لج أمرج.

 

[امي وتونة حياتي]

لازم تعطينه من وقتك

لازم تاخذين قيلولة العصر تراها تروق مرة



والله يعينك يارب

 

[روان الريان]

أشكركن عزيزاتي والله دايما حبيبي يلمح ويقول لي حبيبتي لا تجهدي نفسك ارتاحي شوي وانا بسذاجتي ورغبتي اخلص شغلي ارد : ان شاء الله بس هالشغل ما يتاجل .. وين الرومانسية عندي؟ بس بسمع نصايحكم واسويبها وعسى خير

 

[flower^_^]

الحل خذي ريلي وعطيني ريلج

خخخخخخخخخخخخخخخخخخخخخخخخخخخخخ

لا امزح

ريلي ينام شرات الدياي (وانا اموت في السهر )

بس انتي ماتنلامين وراج دوم

الله يعطيج العافية

 

[عااالي مستواااي]

انا اقول موضروري تطول السهره يعني سوو اللي عليكم ونامو وعوضيها ايام الويك اند نامي لي الظهر وضبطي للسهر(عشا وفلم ورومانسيه)وخلي السهره صباحي واللله يعينج

 

[بوشار]

ياربي تجري الرياح بما لا تشتهي السفن أنا زوجي دايما سهران برة البيت وأنا أتمنى يسهر معي

حبيبتي نظمي وقتك ولبي طلبات زوجك أهم من كل شي والله يعينك

تقبلي ودي واحتراااااااااااااااامي

 

[حنين احمد]

انا مع البيت السعيد في اللي قالته
بالتوفيق

 

[ست البنات2009]

تدرين عاد انا تركت عملي عشان زوجي واولادي لاني ما اقدر على ثلاث دوامات الاولاد والزوج وشغل البيت عشان ازود عليه شغل برا ماشالله عليك الله يوفقك

 

[شقى دنيتي..}~]

الله يعينك
لكن لزم تعطين زوجك حقة لو وقت بسيط المهم ماتهملينة في زحمة الحياة

 

[قلبي فراوله]

اذا كان زوجك يطلع لاصدقاءه استغلي الوقت جهزي نفسك ونامي وقبل يرجع بربع ساعه اصحي عشان تسهرين معاه وتكوني نشيطه شوي

 

[عطر العشق]

لا حبيبتي لازم تعطينه حقه
وبعدين حاولي تنومي عيالك من بدري يعني بعد صلاة العشاء على طول عشان لما البيت يكون هدوء تقدرين تخلصين اشغال كثيرة واحتسبي الاجر
اختي مثل حالتك بس هي منظمة وقتها والحمدلله ماشي حالها

 

[beautifulmind]

عزيزاتي بلقيسيات الغنج والدلع الحلال أريد نصيحة تساعدوني فيها أطول سهر الليل شوي مع زوجي
لاني شوية تعب بسيط مع العيال عشان يناموا الليل ويتاخروا اكون أنا خلاص في قمة الاجهاد واعتذر من الزوج الغالي بس لمتى بيعذرني ؟ وخاصة دوامي صباح والسهر ياثر علي وهو لا .. دوامه في اي وقت ثاني ويحب يسهر عشان اكون معه ؟ وش اسوي ؟؟

كانك تتكلمين عني والله اليوم قاعدة افكر اقول باستخدم فيتامينات

 

[روان الريان]

مشكورات ع الحلول حاولت ف أيام تنجح وغيرها ما أقدر بس يوم لك ويوم عليك
جربت أقلبها عليه ... يكون راجع قمة التعب من الشفت (دوامه) وحضرتي في قمة الاستعداد عاد يجبر بخاطري بس ف نفس الوقت أكون طلعت نفسي من أزمة كبيرة والله حل جدا رائع