نداء للدكتورة ناعمة تكفين تكفين يادكتورة بحصلج شخصيا..

[الأمـــواج]

السلام عليكم


بنات ابي اكلم الدكتورة ناعمة شخصيا شلون تكفون؟؟

شلون الطريقة؟؟ والله والله لو بشنو وتطلب شنو اسويه لها بس ودي اكلمها شخصيا

انا حدي منهارة وحاولت الانتحار من كثر الياس اللي فيني

انا اليوم لي 7 ايام والدة نفاس

ال7 ايام هذي ذقت المر والموت فيهم

ماعندي اهل قريبين لي

ورفيجاتي مستحيل اتكلم لهم لانهم نفسهم مو حالين مشاكلهم شلون يحلون لي مشكلتي

ااكلم احد من اهلة ماله كبير لايحترم لاابو ولاعم ولا احد

ولايخاف لامن الله ولا من خلقة

عشان جذي محتاجة الدكتورة

الله يوفقج يادكتورة ابيج شخصيا باي طريقة

لاني خلاص ماعدت اوثق باي احد غيرج الله يخليج

والله اتكلم وانا منهاااااااااارة ودموعي من ولدت مانشفت

واملي كبير ان الدكتورة ماتطنشني وانا محتاجتها

وناطرة ردج يادكتورتي

 

[miss-dl3]

لا حول ولا قوه الا بالله يا اختى اتجهههههههههههههى الى
اللــــــــــــــه ما حد بينفعج غيييييييييييييييره

 

[الأمـــواج]

اختي مس دلع انا دوم بلساني الاستغفار والدعاء والله مستمرة عليهم

وعفوا يمكن صح لما قلت ماعدت اوثق باحد غيرج من باب النصايح اللي يعطيها احد لي مو من باب الاتكال عليها

انا متجة لربي بهذي الايام حيل

بس محتاجة احد يوجهني ينصحني كام او اخت تكون فاهمة وهذا قصدي للدكتورة

 

[لؤلؤة الباحه]

الله يعينك ويفرج كربتك حاولي قرات سورة البقره كل يوم ادري انك نفاس بس ممكن تمسكين القران بأن تلبسين لك جونتي اوقفاز وبتشوفين الفرق اذا شاء الله

 

[نبراس الشرق]

حبيبتي ممكن الي فيك اكتئاب من الولاده يحدث لكثير من النساء في فترة النفاس

انا شخصيا اتعرض لهذا الشيء عليك بقراءة سورة البقره كل يوم وان شاء الله تشوفين كل خير

 

[الأمـــواج]

شاكرة لكم خواتي النصايح وانشالله بعمل فيها

بس للحين ندائي للدكتورة وانتظر منها الرد انشالله

 

[الأمـــواج]

تكفين دكتورة

ابي اتواصل شخصيا معاج

شلون

 

[مخفيه غلاه]

الله يفرج همك وييسر أمرك ويعينك أختي

 

[عجابة]

كل عام وأنت بخير...


فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً{10}
يُرْسِلِ السَّــــــــــمَاء عَلَيْكُم مِّدْرَاراً{11}
~~~~~~~~~~~~

الله ييسر أمرك ويفرج كربتك ويشرح صدرك ...
ويرزقك من حيث لاتحتسبين ...
براحة البال والطمأنينة والسكينة ...
في قلبك وروحك ...
إنه سميع مجيب ...
الزمي الاستغفار واللجوء للسميع العليم
الغفور الرحيم ...
وتذكري بأنك لست أكثر الناس شقاء وتعاسة ...
وأن مابك ليس إلا عارض من أمور هذه الدنيا وملماتها ...
ضاقت فلما استحكمت حلقاتها **** فرجت وكنت أظنها لاتفرج .
~~~~~
أمواج الحبيبة اسمك يدل على القوة والاعتداد ...
كوني كذلك وثقي بربك العظيم وعنايته بعبيده ورحمته بهم ...
ولعل مابك عارض من اكتئاب مابعد الولادة بجانب ظروفك التي
تعرض للعديد من أخواتك ...
فكوني لها وثقي بخالقك العظيم الرؤوف الرحيم ...
وحقق الله أمنيتك فيمن تريدين التواصل معها
حبيبتنا ناعمة الهاشمي ...
ولكن اعملي لنفسك مايسعدها حتى حدوث ذلك ...
~~~~~
أسعدك الله ورزقك الفردوس الأعلى من الجنة .

 

[الأمـــواج]

شاكرة لكم الكلام الطيب هذا


بس ماعتقد اني اعاني من الاكتئاب لان هذا حالتي معاة من سنة تقريبا وابي حل يخفف علي

الحين بعد ماتصفحت المنتدى قريت عن كفاله اليتيم نويت اسويها بنية ان الله يبعد عنه بنات الحرام ومايخلي بعينة احد غيري

ولازلت ناطرة الدكتورة ناعمة وماظن راح تخيب ظني فيها

 

[جمانهR]

حبيبتي ليه ماتكلمين المشرفاات .. يمكن احد يساعدك .. لاني ماتوقع انه الدكتوره فااضيه عشان تدخل المنتدى

 

[الأمـــواج]

مشكوووووووورة اختي


ايوالله بطلبهن وانشالله مايردني يارب

 

[papero0o]

الدكتورة ناعمة مشغولة حاليا ..

 

[*نونه*]

راسلي مديرة المنتدى مجدولين لتعطيكي ايميل الدكتورة ناعمة

الله يفرج همك

 

[صدق العطاء]

أكثري من الإستغفار

وأصبري ما عنك إلا الصبر

الله يحنن قلب زوجك ويجعله قرة لك ولآولادك

ومن قال أمين

دمتي بحفظ الرحمن

لاتنسي ذكر الله​

 

[ونات القهر]

السلام عليكم الله يفك همك يارب اكثري من ذكر الله ... شكل الدكتور الفرخه الي تبيض للمنتدى الذهب عشان كذا ماترد عليك الا اذا اشتركتي بواحده من دوراتها ... بندفع فلوس الاستشاره لانه مو كل الناس تقدر تحضر الدورات او الندوات

استغفر الله العظيم ... سبحانك يارب لا اله الا انت الواحد الاحد الصمد استغفرك واتوب اليك انت ملجاء يارب

 

[ديم1]

الله يفرجلك ويبعد عن زوجك بنات الحرام

 

[منـارهـ]

الله يكون باعونك انشالله

 

[المتفائله.]

الله يفرج همك ولاتعطي الامور اكبرحجمها خذي الدنيا بيسر وسهوله وبساطه ترى اذا راح شبابك محد بينفعك اهتمي بصحتك الحين وماعليك من اي شي ثاني وعليك بالدعااء
استاذه ناعمه مااظن بتقرا هنا لاني حتى انا طلبتها بس مافيه امل لكن اتصلي ع الامارات شوفي مركز استشارات او شي واطلبي رقمها شوفي يمكن لعل وعسى احد يخدمك
يعطيك العافيه
قطعتي قلبي الله يكون بعونك

 

[الأمـــواج]

شاكرة لكم اهتمامكم وردودكم

اختي نونة بطرش رسالة حق الا خت ماجدولين وانشالله تعطيني ايميل الدكتورة