نداء عاجل الى كل زوجة قاست من خيانة زوجها لاتحرميني من نصيحتكــ

جرحنــي حبيبي

جرحنــي حبيبي

New member
إنضم
2010/03/23
المشاركات
21
السلام عليكم ورحمة الله وبركاته
ان طرحت الموضوع امس لكن ما لاقيت اي اهتمام فارجو ان لاتحرموني مشورتكم
انا عضوه جديده بالمنتدى ويشرفني انظم لكم
انا اواجه مشكلة بحياتي الزوجية واتمنى من الله ثم منكم تساعدوني ولا تخيبوا ظني فيكم فديتكم
المهم مشكلتي اني اتوقع ان زوجي يخوني مع وحده ثانيه لاني لاحظت الفتره الاخيره انه فيه رقم يدق عليه باستمرار مع انه مخزنه باسم الا اني حسيت انه بنت لانه لما يدق عليه وهو عندي مايرد عليه وجواله حاطه برمز قفل بس اذا تركه احيانا او اخذته على اساس اني اكلم فيه الاقي مكالمات صادره ووارده من الرقم نفسه ورسايل غزل ووحده من المكالمات كانت مدتها 40 دقيقه فما اتوقع بيظل مع ولد هالوقت كله
اخذت الرقم واتصلت عليه مره ردت بنت ومره ولد بس انا حاسه انها بنت من الاتصالات اللي حتى اخر الليل
المهم زوجي ماكنت اتوقع انه من اهل المعاكسات وانه راح يخوني في يوم من الايام سالته عن كثرة الاتصالات وليش مايرد عليها قال هذي خصوصياتي وما اسمح لاحد يتدخل حتى ولو كنتي زوجتي انا مرررررررره متضايقه ومصدومة ولاني عارفه كيف اتصرف معاه والله نفسيتي تعبت ولا حتى اقدر انام الليل من كثر التفكير انا احب زوجي بس ما ارضى بالخيانة
تكفوووووون حبيباتي لا تتخلون عني انا محتاجه لكم ولنصايحكم في اقرب وقت والله اول مره اشارك بمنتدى بس كله من اللي انا حاسه فيه
اي وحده سبق وان تعرضت للخيانة من زوجها تكفون تنصحني وتقول لي كيف اتصرفت مع زوجها وعسى الله يسعدها دنيا واخره
:20::20:
 
وكلي امرك لله ولاتحاولين تواجهينه مهماا كان ..ولاتفكرين كثير التفكير راح يتعبك اشغلي نفسك بالقراءه باأي شي وشيلي من بالك واحسني النيه الله حسيبهم لاتحاسبين احد
 
صعبه ماتوجه يعني تخلي يتماده لا لازم تواجه وتوقفو عند حده وتصير قويه الى متى كذا المراه بتظل ضعيفه وتسكت عن حقوقه لو كل وحده تصيرصارمه مع زوجها وتحسسو انها راح تخليه وتبيعو بالرخيص كان قادره وحس بقيمته انا ماني عارفه الوحده تشوف زوجها يخونها وتنام معاه بفراش واحد وتقعد ببيته وين الكرامه وين عزة النفس ولا خلاص اهم شي زوج والسلام عندي اقعد بيت اهل معززه مكرمه ولارجل اخذني وحاطني تحفه بالبيت ماعندي احساس اسمع واشوف واطنش يعني جماد قلبي ينزف دم واكابر لا لا لا لا لا لا لا لا يا ينعدل والي انا بطريق وهو بطريق اسفه على الاطاله بس ماحب اشوف المراه مرخصه نفسها وقلبها يدمي شعاري (((اعيش بكرامه وعزة نفس اوالموت انسب لي))
 
احتي الله يعينك

لااملك لك الا الدعاء
ان يفرجها الله عليك
ويصبرك
ويسخر زوجك لك ويحببه فيه
​
 
يا ربي اكيد المفروض تواجهه بس من رايي الوحده مو كل يوم لها زوج
و الحين هالزمن جذي يخرع ، و البنات صاروا ما يدورون إلا المتزوجين
لا تفتشين واره عشان ما تعورين قلبج ، عليج بالدعاء و الصبر
الله يهديه لج و يسخره و يصبر قلبج
 
لاتواجهين بس حاولي تتصرفين من بعيد لا بعيد

يعني قدامه سوي نفسك فرحانه وتسولفين عادي واذا رن جواله وطنشه سوي نفسك ماتمسعين شي واقعدي سولفي

واتفرجي الـ تي في معاه او روحي حضري حاجه خفيفه تاكلونها او تشربونها مع بعض وكملي شغل خيف بالبيت

المهممممممم مايحس انك تدرين بشي وبما ان الرقم معك بامكانك تتصلين على الهيئه من رقم ثاني من باب الاحتياط

وتقولين لهم مثلا في وحده قاعده تغازل اخوي وياليت لو تراقبون رقمها لاني خايفه تضيّع مستقبله


وان شالله يجيبون راسها وحتى لو جابوا راسه خليه يتأدب عشان ثاني مره مايفكر انه يخونك
 
اسأال الله العظيم ان يفرجهالك وحاولي تتكلمي معاه اذافعلا يكلم ويكون لك موقف
 
اختي والله بالبدايه كنت مثل مشكلتك لكن نصيحه لا تغلطين مثلي واجهته واعترف وقال ايه اكلم ومالك علاقه وصار مايحترم حتى وجودي يقفل على نفسه باب المجلس ويكلم اول كان يكلم برا ليتني ماواجهته كان للحين يكلم برا والى الحين يقول عجبك اهلاا وسهلا ماعجبك روحي بيت اهلك الله يعينا هالايام اكثر الرجال كذا صعب اتتطلق عندي منه اولاد الله يهديه ويهدي اللي مثل مصيبته لانه هذا مرض الله يشفيهم
 
انتبهي تواجهين وهذي نصيحة الاستاذه ناعمه الهاشمي اولا ماراح تستفيدين شي من المواجهه بالعكس انتي

كذا يمكن تخلينه تمادى اكثر ويصير يكلمها قدامك عنادا فيك


وثانيا اذا واجهتيه ممكن يتحذر منك ويحرص أكثر على أشياءه الخاصه
 
حبيبتي

لاتواجهينه وقتها تطرين تاخذين موفق منه

خليه مثل ماهو ولاتلحين عليه

بس بين فترة وفترة حطب قناة دينية وذكريه بالله وسولفي عن جزاء من يخون
والحلال والحرام

واحتويه بكل ماعندك خليه يحبك انت واملي عليه وقته وقلبه لاتخلين فرصة لغيرك

خليه يتنفسك فهمتيني ؟
 
لا أنتي لاتواجهينه أبدا وأنتم جالسين أحكي له حكاي قرأتيها أو سمعت أحد يقولها أوجاء موضوع في التلفاز عن رجل يخون زوجته وأطلبي منه الحل وأساليه أيش الآسباب اللى تخلى الشاب يخون هل هو نقص في الزوجة وشوفي أيش يقول لكي وحاولي أن تعدلي من أخطائك يمكن أنتي ماتشوفينها وهو حاس فيها ويدور البديل برا وبالنسبة للاتصالات والرسائل أبدآ لاتعطينها أي أهتمام وصدقيني راح يتركها ويرجع لك عن تجربة0 ودمتي
 
ياقلبي حاسه فيك بقووووووه لاني طحت بنفس الشي بس ماكان (وقح) اعذريني مثل زوجك يقفل جواله او يقول لي كيفي ..لا كان يكلم برا بس كشفته وحركت داخله بركان والله انه الين اليوم يتحسس من سالفته ..
المهم زوجي سويت له جرعه من هزت البدن قلت له من دق باب الناس دقوا بابه خاف علي وعلى اختك انت ماتحس ماعندك غيره ومن هالكلام ...وبعدها بفتره اشتريت جوال وشريحه مجهوله ..وصرت اكتب لنفسي رسايل شي وصخ وشي تهديد وشي فضح لزوجي وكنت اوقتها من الارسال حق الرسايل على الساعه الفلانيه ولما يجي وقت النوم تجي الرساله وانا عنده وتعالي يتغير شكله مية لون ولون ويجلس يسب ويلعن ولا ياحبيبتي لا تصدقين وانا ابكي (:10:) واقوله انا اثق فيك بس انت الله يسامحك الي خليت بنت الحرام تدخل بيتنا وتهدم حياتنا عن طريق اصحابها الي مثلها ...
ايه نسيت ........كانت اول رساله ارسلتها له كانت على جواله واقول فيها انا ماراح اخليك تتهنى مع حبيبتي وراح افضحك عند زوجتك وعند اهلك ......وبعدها حولت الرسايل على جوالي ....والحمد لله تركها بفضل الله ونعمته
 
مشكوورين يعطيكم العافيه على ردودكم والله يسعدكم دنيا واخره
بس انا اخاف اتجاهله وما اصارحه انه عندي خلفية عن خيانته ويتمادى اكثر الين يتعلق فيها مرررررررره ويصير صعب انه يتركها والله احبه من قلب وما اقدر ابتعد عنه وبنفس الوقت ما اقدر اتحمل انه يخوني مع وحده ثانيه
واحيان اقول ودي ارجع بيت اهلي واريح نفسي والله تعبت ولاني عارفه اتصرف معاه كيف وهل تتوقعون انه ممكن في يوم من الايام انه راح يتركها ويرجع لي؟؟؟؟؟؟؟؟
 
وانتي ليه تتدخلي بخصوصيته ولاتسالي عن شي خليه براحته يسرح ويمرح ومرده يمل ويعرف ماله بيته وزوجته ولاتخافي دي الي بيكلمها بتتركه بس بعد موقف جامد بتسويه فيه وهيه من نفسها بتمل منه لانزلي مستواك ليهاوتحكي معها
اذا قصر بحقك او اهانك او ضربك هنا تضايقي وازعلي اما غير كذا ترى هذا طبع الرجال خليه يجرب وبيرجع لاشف الفرق وفي النقطه هنا شطارتك لاتخلي يمسك عليك زله او غلطه كوووووني قمة الرقي والهدؤ وارومنسيه وصدقيني بيندمن على الي قاعد يسويه وضميره بيئنبه ويتركها من حاله​
 
بنوته مشكووووره حياتي على المرور
الله يسعدك دنيا واخره ردك ريحني وطمني شوي
بس المشكلة انا مااطيق اشوف وجهه لاني لما اشوفه اتذكر خيانته لي على طول وصرت ما احب اجلس معاه واحس ان كل كلامه لي كذب
 
اذا واجهتيه بيعاند ويصير يكلم قدامك لكن بيني انك خايفه عليه عشان هو يداريك....... ومره مره يترك........سبحان الله الشيطان حريص على تفرق الزوجين وتحطيم حياتهم فلا تخلين له مجال يفرق بينكم بالعكس حاولي تدافعين عن مملكتك وما تسمحين لاي متطفله تدخلها......والمره لها اساليبها الإغرائيه وشدي حيلك وربي يعينك
 
الجده الصغيره قال:
اذا واجهتيه بيعاند ويصير يكلم قدامك لكن بيني انك خايفه عليه عشان هو يداريك....... ومره مره يترك........سبحان الله الشيطان حريص على تفرق الزوجين وتحطيم حياتهم فلا تخلين له مجال يفرق بينكم بالعكس حاولي تدافعين عن مملكتك وما تسمحين لاي متطفله تدخلها......والمره لها اساليبها الإغرائيه وشدي حيلك وربي يعينك
أنقر للتوسيع...
:22::22:احساسك شي طبيعي لانك حقدتي عليه:22::22:
امشي بكلام اختي العزيزه اعجبني ردها يجعله بموازين حسناتك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل