نتائج عملية شد البطن**تم الرد**

[بين نارين]

السلام عليكم دكتورة ...

انا عندي ترهل في بطني بسبب الحمل .. والترهل شديد

سرت عند كذا دكتور تجميل

اول شي : سرت عند استشارية في مركز كوزميسيرج وقالت:

1. لي كملي أولادج بعدين سوي العملية (لكن لا أدري متى سأرزق بزوج عشان أنجب) واتخيلي اعرس وانا بطني بها الشكل ... ما اقدر فضييييحه

2. مايأثر في الحمل والولاده أبدا ولا يخصه فيهم..

3. وتقدرين تسوين العملية مره ثانية لو حبيتي فالمستقبل

بعدين سرت عند دكتورة فمستشفى القاسمي وقالت لي:

1. الخياطه بتكون طول المسافة بين عظمتي الحوض (وايد طويله)

2. اذا سويت العملية بتكون اخر مره اسوي العملية فيها ..

3. معظم اللي يسون التجميل ويحملون بعدها اطفالهم يتشوهون لانه ماشي مكان فالبطن عشان الطفل ينمو

4. وبتكون في خياطه على السره (حولين السره) لانهم بيشلونه وبيردونه



وانا سامعه انا في ناس يربون بيقصرية ويسون الشد في نفس العملية

انا أفكاري تشتت حد يساعدني أرجوكم اسمع منو والا منو

انا ابغي اشد بطني بس أبغي عيال فالمستقبل

 

[dr.eman]

أختى الحبيبه
بما ان طبيب التجميل عاينك فالرأى الاول والاخير له
اما معلوماتى عن شد البطن فليست كمعلومات اطباء التجميل

اتمنى لكى التوفيق