ناوي يخون شلون امنعه؟؟؟؟؟؟؟؟؟؟؟؟؟؟؟

[اتحدى العالم]

السالفه باختصار ان زوجي قرر نسافر فجأه لمكاااااااان ملينا منه قبل كم يوم كان يسب فيه ويقول لو مابقى الا هو مارحنا
المهم زوجي له فتره متغير انا متأكده انه مواعد احد هناك لاتقولون لي لاتوسوسين انا حاسه الله يهديه
مااقدر اقول مابي اروح لانه حجز وماشاورني
بياخذني متأكده بيخليني بالفندق وبيطلع شسوي بلييييييييز قولولي الله يخليكم شلون امنعه ابجاريه وبحاول امنعه بس اعرفه بيختلق مشكله وبيطلع ومااقدر ارده وانا بغربه شسوووووووي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظتكفون بكرا مسااااااااااااافره الله يخليكم ردوا علي

 

[اتحدى العالم]

وين الردود؟؟؟؟؟
انتظركم
الله يجزاكم بالجنه

 

[OmoOma]

حبيبتي ابعدي عنج وساوس الشيطان شلون بيخونج واهوا بياخذج معاه استحاله لو صج ناوي ما خذاج

بعدين شني الدوله عشان اقدر اساعدج واعرف اذا صج بيخونج او لا

 

[اتحدى العالم]

انا اعرفه وحاسه بعد لانه بالفتره الاخيره زي ماقلت متغير مايرجع البيت الا الفجر
بعدين صعبه يروح لوحده وش عذره ؟ لاشغل ولاشي

 

[مايصحش هالحتسي]

يخونك وياخذك معه !! ماتصير
طيب وضحيلنا اكثر من ناحيه ايش متغير؟

 

[صمتي سر خطير]

الله يساعدك ويفرجلك همك لما تسافرين قوليله أنا بالمرة أخاف أجلس لوحدي في الفندق وإذا أصر على تركك أستودعي الله شهوته عن الحرام وقولي اللهم إني أستودعتك زوجي وشهوته عن الحرام
وعودا حميدا يارب

 

[ذهب غالي]

ذهب غالي

روحي معاه الرجال هاذي تصرفاتهم الله يهديهم وادعيله بالهدايه انا اختي صار معاها كذا بس خلته على راحته وندمت الان

 

[مناي رضى ربي]

الرجال لانوى يخون يخون واني بجنبه...حلوة كيف يخون وهو بياخذك معه....؟!!
اذا انتي متاكدة من احساسك.. صدقيني مابيدك غير الدعاء..حاولي تمنعيه من الخروج بدونك...واذا اصر او اختلق مشكلة.. خليه يخرج وبعد عشر دقايق اتصلي عليه.. واتظاهري بالتعب وانك محتاجته ولازم يرجع ..وانشاءالله تفيد معاك

 

[كافيه لاتيه]

يخونك وياخذك معه !! ماتصير

 

[على الدرب]

أكثري من حسبي الله ونعم الوكيل
الله وحده من يستطيع منعه وصده
أكثري من الدعاء والجئي له ادعي ان الله يحيي ضميره ويكره له الفسوق والعصيان
ما يمنع الرجل الخائن من الخيانة إلا الدين
ومراقبة الله عزوجل حاولى تقرين آيات سورة النور قدامه من غير قصد
كأنك تقرين وردك من القرآن
إذا جا يخرج قولي أستودع الله دينك وأما نتك وخواتيم أعمالك
وما يكون إلا كل خير ان شاء الله
حتى لو خان ذي المرة ورجعتوا أحيي معالم الدين في بيتك سيتأثر بها يوما
والله يكفيك ويكفي أخواتنا المسلمات ورجالنا كل شر
ان شاء الله تروحين وتتونسون وترجعون ولا فكر في معصية

 

[شرقية11]

ما اعتقد بخونك ؟؟؟؟؟؟؟
شكج مو بمحله

 

[حنين احمد]

انا مع الاخت صمتي سر خطير و الاخت على الدرب في اللي قالوه
اكثري من الدعاء و الاستغفار و الدعاء و الله كريم

 

[يا غايتي]

بالإضافه للي قالوه البنات .. وبالذات بخصوص دعاء الاستوداع..
حاولي انج قد ما تقدرين انه ما يفارقج .. لو شو كان عذره .. حتى لو بيروح الصيدليه ..

وقبل ما يحاول يشرد .. انتي طبعا كوني وايد رومانسيه وجريئه في بعض الحركات وهالله هالله فالدلع واللبس والكشخه .. وسوي له ليله حمرا ماصارت ولا استوت .. خليه يشششبع .. وخليه ماعاد فيه حيل يكمل برى ..

واذا بدا يحاول يشوف له صرفه منج قولي له بكل دلع ورقه :
انا رضيت اسافر معاك لهذي الدولة اللي نحن اصلا ملينا منها عشان ما أزعلك وأكدر بخاطرك حبيبي والحين بتهدني وبتسير عني !! لا جيه وايد بتضايقني صراحه .. خلاص خل نرد لبلاد احسن دام ما بتراعيني شرات ما اراعيك أنا .. وبيني له انج صدق متضايقه ..


واذا كان من النوع اللي يباله قواة عين قولي له :
والله انا مو جايه عشان اقعد فالفندق وانت تطلع تكمل وناسه ..
رجلي ع رجلك وين ما تسير بعد شو عذرك ما نطلع سوا ويا بعض .. ولا خل نرجع لبلاد الحين ..

واذا ما نفع وطلع .. (طبعا انتي بتكونين قريتي عليه دعاء الاستوداع)
فشو تسوين ؟؟ ممكن يا إنج تتصلين عليه كل شوي وتحشرينه ..
أو انج تتصلين عليه تقولين له آآآآآآآآه بطني .. بمووووووووووت .. إلحق علي .. الحين توديني المستشفى
تعاااااااااااااال بسرعه بموووووووت .. ماعرف شو صار لي .. وكملي عاد انتي ....

الرسول صلى الله عليه وسلم قال بما معناه : لا تتمارضوا فتمرضوا ..
بس اذا فيه حمايه لزوجج من الوقوع فالحرام من (وجهة نظري) ما اعتقد انه في شي .. هذا والله أعلم ..

واذا عندج خطط ثانيه فكري فيها .. والله يوفقج ويحفظ لج زوجج من بنات السوء

طمنينا شو يصير وياج