نار البعد أم نار القرب

[ربى]

مساء الخير للجميع ​

حبيت أطرح هالتسأل الي شاغلني وياريت القى الجواب من تفاعلكم مع الموضوع
كيف الزوجة تقدر تجذب زوجها الها وتخليه ما يستغني عنها :
1- تكون معه على طول ودلعه وتعطي كل الي يبيه وتتحمل الي يجيه من تطيش وتصبر على هالنار :icon28::icon28::icon28::icon28::icon28::icon28:
2- تبعد عنه وتخلي هو الي يدلعها وهي ولا كأنه تشوفه وتصبر على نار الشوق له :icon28::icon28::icon28::icon28::icon28:

( يعني بختصار هالرجال غاوي تطيش الا في الوقت الي يبي طبعا )
أو في طرق اخرى ومنكم نستفيد​

 

[مياده الحسن]

الرجل ياعمري يبيله تطنيشش في الوقت اللي تحسيه ماهو بحاجه لك وفي الوقت اللي يحتاجك بيدور عليك ولو تكوني في المريخ راح يجيبك..

 

[ربى]

شكرا اختي ميادة الحسن على تجاوبك لكن والله اخاف اطنش وشوف انها حجة ويقول انتي ما تهتمي فيني
نورتي الموضوع ..........
في انتظار ارئكم احبتي

 

[ريانة العود56]

الاهتمام ما ينفع صدقيني وتحسفت قد شعر راسي خصوصا كان اهتمامي زايد عن حده وانقلب ضدي ولا حتى تسمعين كلمة يعطيكي العافيه واذا لقيتي بالله بلغيني الله المستعان

 

[المستكشف]

التطنيش حل فعال زي ما يطنش طنشي وماحد احسن منحد

 

[ذكريات الطفوله]

على حسب يالغاليه
فيه رجال يحبون الدلع ولايجون الا بالكلام الحلو والاغراء
وفيه رجال العكس الاهتمام الزايد فيهم يخليهم يتكبرون وتشين اخلاقهم يعني ينفعهم التطنيش وان تهتم المرأه بنفسها وتتزين بس ماتوضح ان التزين له
هذا رأيي المتواضع وماتعلمته من هذا المنتدى الرائع

 

[المنقبة]

انا و الله مدري وش اقولج انا قاعدة اتعلم من المنتدى

 

[حبيبت رشيد1]

اهلين اختي الزوج ينفع معه التطنيش

 

[ربى]

أشكر جميع اخواتي على التجاوب معي واعطائي آرائهم (ريانة - المستكشف- ذكريات- المنقبة- حبيبت رشيد)
يعني كل الأراء تأيد التطنيش من اليوم سأرفع شعار التطنيش وسأخبركم بالنتيجة
مروركم اسعدني حقق الله امنياتكم جميعا
ولكم مني كل الشكر (ربى )

 

[أميرة بوظبي]

ياحبيبتي الحياة بشكل عام أخذ وعطاء
فما بالج بلحياة الزوجية بين شريكين يتقاسموا الحلوه والمره و إنجاب الاطفال ّ00000 اعتقد ان رسالتي واضحه لو كان التطنيش حل مناسب بين الزوجين لما استمرت الحياه
من حقه عليج الاهتمام وبعد لازم تتغلين عليه شوي اما إنتي مطنشه شدعوى عيل بتحبين منو
هذي نصحية أخت محبه

 

[تحيه للعلم]

اكيد بتكونين انتي اكثر وحده تعرف زوجها يا ربى .....

جربي معاه الحالتين شوفي شنو اللي انسب له وهاتيه اكتاف ههههههههههههه

الله يوفقج يسعدج يارب​

 

[هايل]

زوجي يقول لي يا(بقرة)من يومين وانا ساكته والسبب غرض ضايع منه وما ادري شكلي بطنشه بس انا معتمده عليه لان ماعندي اثة اسواق وعندي دراسه وبحث كيف اطنشه واخليه يوديني اول مره يقولها لي ولي ثمان سنوات متزوجه وعندي ثلاثة اطفال ماهو الحل

 

[ربى]

مراحب للحلوين
أميرة بو ظبي كلامك منطقي بس والله الواحد يجي علة من كثر ماهو يقدم كل شي وما يشوف مقابل هالتعب شي
تحية للعلم شكرا بس هالرجال ما تدري وش الي ينفع معاهم كل يوم الهم مود
اختي هايل انا ما اشوف ان في مبرر لسكوتك حتى لو كنت محتاجة له هذا شي وذاك شي ثاني لا طنشي بس فهميه ان هالشي يضايق وانك مو راضية عن هذا التصرف
شكري للجميع حقق الله امانيكم وهناكم الله مع أزواجكم وعقبال الصبايا

 

[@دروب الحب@]

اي والله ماتعرفين لهم كل يوم لهم مود

الحمدالله والشكر

والله يوفق الجميع

بس اوقات تحبين تتدلعني عليه مثل ماهو يتدلع عليج

حلو التطنيش بس مو دايما

 

[ربى]

مرحبا للجميع أحس أن الوضع أحسن مع التطنيش بس مو عاجبني الموضوع لأني ما أحس اني اتصرف على طبيعتي وهذا شي مرررررررررررررررررررررة مزعج
(اشكر مرورك اختي همسة حب )
امنياتي لكم بسعادة زوجية دائمة وعقبال الصبايا يااااااااااااااااااااااااااارب
تحيااااااااااااااااااااني ربى

 

[قلب القصيم]

اختي كل رجل له طبيعة خاصة
من الصعب انك تحكمين عليه بدون ماتعرفين رغباته ومطلبه معك,,,

 

[CYNDERELLA]

لا ياختي مو ياكله ياخله خليكي وسسسط
ترى خووفك تطنشيينه كليا انتبهييي ترى يروح باله على شي ثااني ولا يشوف له شووفه ثاانيه انتي خليكي متفهمه هاذي اول نقطه وبعدين
اجلسي معه صااااريح
لما تشووفينه رااايق
كلميه قولي له على كل اللي بخاااطرك
واجهيه
واذا مانفع خليكي وسط
مو ترمين نفسك مره علييه وتدلعينه خووفك يشووف نفسه انا مدري وش طبع زوجك بالضبط
بس انتبهي خلك وسسسط بكل شي

 

[ريمتو]

>>>>من معلوماتي المتواضعه اعتقد ان ...تكونين كل مره بشكل..حتى مايطفش منك...مره حنونه..ومهتمه...ومره مطنشه....وهكذا..كل يوم بحكايه...والاهم تكوني مرحه...مو راعيه نكد...وهم وحزن....لا لان الرجال يموت على المرحه...واللي تخلي اليوم سعيد ومبسوط.....مشان كذا تلقائيا يبقى قربها....وانها ماتبتعد عنه

 

[الحنــــونة]

والله ياعزيزتي أنا أشووف الحرمة لازم اطنش مرات عشان يحس الريال بقدرها وإذا تميتي علطول وياه وتتقبلين كل شي بتستوي حياتج روتين ممل وريلج بياخذ راحته في التعامل وياج بدون مايقدر أو يسوي لج حساب .. انا من وجهة نظري في أوقات لازم اطنشينه حتى لو يباج عشان يحس شوي مثل ماتمر أيام وانتي تذبحين عمرج عشان تتقربين منه وهو مطنش .. هذا رايي بصراحه والسموحه عالإطاله

 

[ام الشموخ]

اكيد التنطيش ينفع بس لازال مفتااااح زوجي مو في التنطيش ادعوالي القاه