مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

نار البعد أم نار القرب

ربى

New member
إنضم
3 مايو 2007
المشاركات
55
مساء الخير للجميع
حبيت أطرح هالتسأل الي شاغلني وياريت القى الجواب من تفاعلكم مع الموضوع
كيف الزوجة تقدر تجذب زوجها الها وتخليه ما يستغني عنها :
1- تكون معه على طول ودلعه وتعطي كل الي يبيه وتتحمل الي يجيه من تطيش وتصبر على هالنار :icon28::icon28::icon28::icon28::icon28::icon28:
2- تبعد عنه وتخلي هو الي يدلعها وهي ولا كأنه تشوفه وتصبر على نار الشوق له :icon28::icon28::icon28::icon28::icon28:
( يعني بختصار هالرجال غاوي تطيش الا في الوقت الي يبي طبعا )
أو في طرق اخرى ومنكم نستفيد
 
إنضم
6 مايو 2008
المشاركات
58
الرجل ياعمري يبيله تطنيشش في الوقت اللي تحسيه ماهو بحاجه لك وفي الوقت اللي يحتاجك بيدور عليك ولو تكوني في المريخ راح يجيبك..
 

ربى

New member
إنضم
3 مايو 2007
المشاركات
55
شكرا اختي ميادة الحسن على تجاوبك لكن والله اخاف اطنش وشوف انها حجة ويقول انتي ما تهتمي فيني
نورتي الموضوع ..........
في انتظار ارئكم احبتي
 
إنضم
22 يونيو 2008
المشاركات
59
الاهتمام ما ينفع صدقيني وتحسفت قد شعر راسي خصوصا كان اهتمامي زايد عن حده وانقلب ضدي ولا حتى تسمعين كلمة يعطيكي العافيه واذا لقيتي بالله بلغيني الله المستعان
 
إنضم
1 مايو 2008
المشاركات
546
على حسب يالغاليه
فيه رجال يحبون الدلع ولايجون الا بالكلام الحلو والاغراء
وفيه رجال العكس الاهتمام الزايد فيهم يخليهم يتكبرون وتشين اخلاقهم يعني ينفعهم التطنيش وان تهتم المرأه بنفسها وتتزين بس ماتوضح ان التزين له
هذا رأيي المتواضع وماتعلمته من هذا المنتدى الرائع
 

ربى

New member
إنضم
3 مايو 2007
المشاركات
55
أشكر جميع اخواتي على التجاوب معي واعطائي آرائهم (ريانة - المستكشف- ذكريات- المنقبة- حبيبت رشيد)
يعني كل الأراء تأيد التطنيش من اليوم سأرفع شعار التطنيش وسأخبركم بالنتيجة
مروركم اسعدني حقق الله امنياتكم جميعا
ولكم مني كل الشكر (ربى )
 
إنضم
9 يونيو 2008
المشاركات
8
ياحبيبتي الحياة بشكل عام أخذ وعطاء
فما بالج بلحياة الزوجية بين شريكين يتقاسموا الحلوه والمره و إنجاب الاطفال ّ00000 اعتقد ان رسالتي واضحه لو كان التطنيش حل مناسب بين الزوجين لما استمرت الحياه
من حقه عليج الاهتمام وبعد لازم تتغلين عليه شوي اما إنتي مطنشه شدعوى عيل بتحبين منو
هذي نصحية أخت محبه
 

تحيه للعلم

New member
إنضم
29 مارس 2008
المشاركات
473
اكيد بتكونين انتي اكثر وحده تعرف زوجها يا ربى .....

جربي معاه الحالتين شوفي شنو اللي انسب له وهاتيه اكتاف ههههههههههههه

الله يوفقج يسعدج يارب
 

هايل

New member
إنضم
15 فبراير 2008
المشاركات
7
زوجي يقول لي يا(بقرة)من يومين وانا ساكته والسبب غرض ضايع منه وما ادري شكلي بطنشه بس انا معتمده عليه لان ماعندي اثة اسواق وعندي دراسه وبحث كيف اطنشه واخليه يوديني اول مره يقولها لي ولي ثمان سنوات متزوجه وعندي ثلاثة اطفال ماهو الحل
 

ربى

New member
إنضم
3 مايو 2007
المشاركات
55
مراحب للحلوين
أميرة بو ظبي كلامك منطقي بس والله الواحد يجي علة من كثر ماهو يقدم كل شي وما يشوف مقابل هالتعب شي
تحية للعلم شكرا بس هالرجال ما تدري وش الي ينفع معاهم كل يوم الهم مود
اختي هايل انا ما اشوف ان في مبرر لسكوتك حتى لو كنت محتاجة له هذا شي وذاك شي ثاني لا طنشي بس فهميه ان هالشي يضايق وانك مو راضية عن هذا التصرف
شكري للجميع حقق الله امانيكم وهناكم الله مع أزواجكم وعقبال الصبايا
 

@دروب الحب@

New member
إنضم
13 فبراير 2008
المشاركات
177
اي والله ماتعرفين لهم كل يوم لهم مود

الحمدالله والشكر

والله يوفق الجميع

بس اوقات تحبين تتدلعني عليه مثل ماهو يتدلع عليج

حلو التطنيش بس مو دايما
 

ربى

New member
إنضم
3 مايو 2007
المشاركات
55
مرحبا للجميع أحس أن الوضع أحسن مع التطنيش بس مو عاجبني الموضوع لأني ما أحس اني اتصرف على طبيعتي وهذا شي مرررررررررررررررررررررة مزعج
(اشكر مرورك اختي همسة حب )
امنياتي لكم بسعادة زوجية دائمة وعقبال الصبايا يااااااااااااااااااااااااااارب
تحيااااااااااااااااااااني ربى
 

قلب القصيم

New member
إنضم
22 فبراير 2008
المشاركات
6
اختي كل رجل له طبيعة خاصة
من الصعب انك تحكمين عليه بدون ماتعرفين رغباته ومطلبه معك,,,
 

CYNDERELLA

New member
إنضم
16 مايو 2008
المشاركات
21
لا ياختي مو ياكله ياخله خليكي وسسسط
ترى خووفك تطنشيينه كليا انتبهييي ترى يروح باله على شي ثااني ولا يشوف له شووفه ثاانيه انتي خليكي متفهمه هاذي اول نقطه وبعدين
اجلسي معه صااااريح
لما تشووفينه رااايق
كلميه قولي له على كل اللي بخاااطرك
واجهيه
واذا مانفع خليكي وسط
مو ترمين نفسك مره علييه وتدلعينه خووفك يشووف نفسه انا مدري وش طبع زوجك بالضبط
بس انتبهي خلك وسسسط بكل شي
 

ريمتو

New member
إنضم
26 يونيو 2008
المشاركات
110
>>>>من معلوماتي المتواضعه اعتقد ان ...تكونين كل مره بشكل..حتى مايطفش منك...مره حنونه..ومهتمه...ومره مطنشه....وهكذا..كل يوم بحكايه...والاهم تكوني مرحه...مو راعيه نكد...وهم وحزن....لا لان الرجال يموت على المرحه...واللي تخلي اليوم سعيد ومبسوط.....مشان كذا تلقائيا يبقى قربها....وانها ماتبتعد عنه
 
إنضم
11 ديسمبر 2007
المشاركات
18
والله ياعزيزتي أنا أشووف الحرمة لازم اطنش مرات عشان يحس الريال بقدرها وإذا تميتي علطول وياه وتتقبلين كل شي بتستوي حياتج روتين ممل وريلج بياخذ راحته في التعامل وياج بدون مايقدر أو يسوي لج حساب .. انا من وجهة نظري في أوقات لازم اطنشينه حتى لو يباج عشان يحس شوي مثل ماتمر أيام وانتي تذبحين عمرج عشان تتقربين منه وهو مطنش .. هذا رايي بصراحه والسموحه عالإطاله
 
أعلى