نااوين على المودم

[سموره22]

السلام عليكم
كيفكم ياحلوات
هذا الله يسلمكم اختي وزوجها بينهم مشاكل كثيره بسبة هالنت كانت حياتهم كويسه
وزوجها معاهم طول الوقت ويطلعهم وين مايبون لكن اختي الله يهديها اصرت عليه يجيب لها خط تلفون ونت وبعد سنه من الالحاح جاب لها قبل شهرين خط ومودم نت المهم اللي صار انه صار اربع وعشرين ساعه جالس عليه وتعرف على بنات اعتزل زوجته وعياله ولاعاد يطلعهم ولا يجيب اغراض البيت ودوامه يروح مواصل ومن شات لشات وانقلب حاله فوق تحت ومنع اختي انها تجلس عليه المهم اختي مره متعقده وناويه على المودم تبي تحرقه ولا تسوي فيه اي شي:a037: بس موعارفه كيف هي تقول اذا تعطل ماعاد بيصلحه ولا يجيب غيره لانه كسول وبخيل فهي نوت على المودم وسالتني شلون تعطله بدون مايعرف عاد ان قلتلها مالنا الا الله ثم بلقيسيات يساعدونا تكفوووون بنات نبي اي طريقه تعطله تكفوووون ساعدوا اختي ولكم الاجر ان شاء الله

 

[العجيبه]

تسبحه في بانيو
وحتى لو خربته راح يشتري غيره لانه خلاص تعود عليه حتى لو كان بخيل يجيب يجيب غيره ..صدقيني يعني..

 

[fl0o0ry]

اي والله اذا جا عليه مويه ينحرق

بس ايش دراها هالبخيل يصير كريم عشان خاطر النت ويجيب غيره !!!

 

[سموره22]

صح فكره تسبحه ليش لا بس الله يستر من العواقب
عاالعموم بالنسبه انه يشتري غيره مااتوقع لانه اول زواجهم قبل سبع سنوات جاب نت وصارت نفس السالفه وهي زعلت ورجع باع جهازه ولاعاد رجع له يعني هو بس اذا كان عنده يدمن عليه مره بس لو مو عنده خلاص مايدور وراه عشان كذا تبغى تتصرف فيه

 

[كل الغــــلا]

طبيعي كل شي ببالبدايه نتعلق فييه

ونادر مايكون ادمان يمكن علشانه توه جديد بحياتهم ادممممنه

تصبر عليه كم شهر وتزين الاوضاع

واذا حالتهم مستعصيه

تقدر تسبحه ببانيو او اي طريقه ههههه تصب عليه مووويه تقول الاولاد بالغلط صبو عليه

​

 

[نجدالعذية]

احرقية طفية وشغلية من الكهرباء مو ايقاف التشغيل وانشاء الله يخرب او امسكي اهارد دسك وفي الحمام روشية زي الاخت العزيزة ماقالت وحتي لو جاب غيييييييييييييييييرة سوي نفس الحركة وخلي البخل يطلع من عينة

 

[بيرو العمودي]

لما يكون بره في الدوام
تحطه تحت المويه و بعدها تجففه وترجعه مكانه
واذا جاب غيره تطبق نفس الحركه
لين ما يطفش ويبطل يجيب مودم من اصله​

 

[جرح الشوق]

هلا ف المودم فتحه من الخلف تحط فيه عود للاسنان وراح يخرب بس لا تنسي تشيلي العود او تصكره عن طريق البطا قه

 

[دلوعة عمرو]

مو هي الي قعدت تحن عليه سنه عشان يدخله تحن عليه عشان يخرجه من البيت

 

[سموره22]

مشكوررررات حبيباتي الله يفرج همومكم ويسخر لكم ازواجكم ياارحم الراحمين

 

[دمعة الغيمه]

المشكله ان بعض الحريم يجيبون الهم الين بيوتهم الحين تاكلها الله يعينها يارب

 

[تؤام روحي وقلبي]

والله ما اعرف طريقه

 

[أم الأقمـــــار]

خليها تعطل الجافا عنده مايقدر يدخل اي شات لو يفحط بيدينه ورجوله

المودم توقفه من عند الاتصالات تتصل وتتبع الرد الآلي وتطلب توقيفه

ولما يرجعه تسوي نفس الحركه لحد ماتطفشه

 

[زوجه بلا زوج]

ههههههههههه ان كيدكن عظيم

 

[قلبـي كبـير]

مالها الاتسبحه بالمويه

 

[سموره22]

مشكورات حبيباتي وجزاكم الله خير
زوجه بلا زوج لازم الوحده تحافظ على زوجها باي طريقه كانت

 

[مالك امل]

الله يعينها ويفرج همها

 

[سحر البرآءة]

هههههههههههههه
يعني وقفت ع الموودم بس؟؟!!
يعني مايقدر يتصل بالكونكت؟
او يشترك عن طريق جواله ع الاقل قاعد يتصل قدام عينها
عن طريق المودم مو تحرقه ويرووح يلعب من وراها بطرق ثانيه​