مين الغلطان بلييييييييز

[الحب اهات]

ساعدوني يابنات الله يخليكم انا صايره اشك في زوجي من ناحيه الايميل حقه لانه مقفله ومستحيل يخليني اشوفه ويقول خصوصياتي ماللك فيها وكم مره تخاصمنا على هالموضوع واليوم جيت اجلس جنبه وهو فاتحه ولما جلست قفله وهذي مواول مره يسويها ولما سالته ليش قفله قال كم مره تكلمنا في هالوضوع قلتله اكيد عندك بنات وخرابيط رجع قلب الموضوع عليه وتخاصمنا وغلط عليه:icon1366:والحين مايكلمني يستنى انا اروح اراضيه ايش رايكم يابنات من الغلطان ساعدوني بليييييييز

 

[احمد دنيتي]

الله يهدي سركم
يمكن يرفض يخليكي تشوفيه لانه مقهور منك لانك تشكي فيه احسني الظن بلاش تخلي ابليس يلعب عليكي

 

[سعوديـــه]

يمكن ما يحب الخصوصية احد يشوفها او يمكن مقهور

 

[ilil]

ياعمري شكللك لسا عروسه والدلع لايق عليك
بس نصيحه مني لاتدققين لان كل ممنوع مرغوب ولاتفتحين عيونه على هالسوالف
خليكي ذكيه ولاتدورين وجع الراس واذا لاسمح الله لقيتي وراه شي خليه عندك دليل ضده
بس لازم تعرفين نمطه بالاول علشان تعرفين تتعاملي مع شخصيته وربي يوفقك
وان بعض الظن اثم

 

[nany81]

انا ودي اسألج انتي لو شفتي ايميله و لقيتي بدال البنت عشر
شنو راح تسووين؟؟

تتطلقين ؟

تزعلين ؟

يا حبيبتي لا تفتحين على نفسج بيبان مصكره خليج واثقه بزوجج و لا تدورين وراه وصدقيني شوفتج للايميل ماراح اتفيدج بشي

و احسني الظن

وبالنسبه لزوجج الزعلان
راضيه و بنفس الوقت احرجيه يعني قوليله انا يا حبيبي لو اشك بالعالمكله ما اشك فيك اناا اعرف انك ماترضى على بنات الناس لانك تخاف ينقلب عليك و تدري هذا بس فضول حريم والا انا ليش اشوف ايميلك و سوالفكم انتو يالشباب

يعني من هالكلام خليه اذا عنده شي يتفشل من نفسه

وسلامتج

 

[الحب اهات]

تسلمون حبايبي
يعني الف الموضوع واروح اراضيه بس هو غلط عليه

 

[nany81]

راضيه صدقيني الرجال ما يفكر مثل ماتفكرين

يعني انتي اللي تعبانه و تدورين لج حل و اهو والله ماطرى على باله الموضوع كل اللي يذكره اانه زعلان ومايبي يكلمج تلاقينه طول اليوم يكلم ربعه والا طالع معاهم ومستانس

احنا الحريم تفكيرنا عاطفي

واذا راضيتيه قوليله لاتغلط علي مره ثانيه يعني ذكريه بغلطته حتى لو كنتي راضيتيه بس كلامه ما طوفتيه

 

[الحب اهات]

تسلمين حبيبتي
الله يعين