...مو عارفة شسوي...؟؟

[Butterfly~]

مرحبا يا ملكات بلقيس الجميـلات ..
اقول لكم قصتي .. قصة ماضي ... ضنيت انه راح وانتهى ..بس دائما يرجع لي ..
انا ما ودي يرجع .. غيرت حياتي .. ونسيت الألم والجرح .. والحين بعد هالوقت يرجع...

انا كنت مخطوبة لشخص .. اول شغله شدتني له كانت قدرة تحمله على المصاعب ..
على الضروف الصعبه الي كان يمر فيها ... وافقت على الخطبة رغم انه كان متزوج
بس مطلق وعنده ولد .. زوجته حارمته من ابنه ..المهم ان قصته صعبه ولو اقولها
بنكشف لأن كثير يعرفوني هنا ...

المهم.. انخطبنه تقريبا 7 شهور او اكثر ..كانت احلى ايام ..حسيت بسعادته رغم انه
عمره ماكان سعيد قبلي.. كان دايما يقولي انتي الي بتعوضيني .. انتي هديتي من الله ..
انتي ...انتي .. انتي ...

المهم ..
بعد فترة ..ومن غير سابق انذار اختفى ....اتصلت ...مايرد .. استنيته ...ما رجع ...
طنشت كل شي ... وحاولت انسى ..والحمد لله قدرت اتخطى الازمة .. لأني
كنت معجبة بشخصيته ما اتصور اني حبيته من قلبي ..


بعد مرور 8 شهور من الانقطاع ..رد كلمني ...
بس بعد ايش ..؟؟؟
انا انخطبت..تملكت من شخص يحبني موت واحبه الحمد لله :icon26:..مرتاااحه معااه
وأموت لو يوم جرحته .. نساني الدنيا كلها ..


مره كنت اكلم زوجي وهو شبك عالياهو رغم اني عاطيته حذف بس هو ما حاذفني..
وكلمني عايدني بعيد الفطر .. قلت له لا عاد تكلمني ولا شي .. وخبرت زوجي
بس زوجي ما فهمني وزعل وكبر الموضوع ووعدته اني ما ارد عليه من اليوم وطالع ..
وفعلا ما رديت ...

واليوم رد بعثلي رساله وكلام كثير .. كان كاتبلي قصيده شعر مثل كل مرة ...
كلام قوي .. صح صعب علية بس انا ما ادري شسوي..؟؟
حاولت ابعث له رساله اقوله اني سعيده في حياتي وانه ما يبعثلي رسائل ولا شي..
بس خفت اكون اخون زوجي .. ولو اقول لزوجي يزعل ..

هو للحين ما قالي سبب اختفائه .. بس باين انه ميت لانه تخلى عني ..
انا قبلها قلت له اني مسامحته وودي ما نكلم بعض بالمره...

وما ادري شسوي ارد والا اطنش والا شو؟؟
تعتبر خيانه اني ما اقول لزوجي؟؟؟
الله يخليكم ردوا ​

 

[غير حياتك]

واللة طنشي ولا تفكرين تردين انتبهي لا تخربين بيتك بسبب كلمة منغير قصد منك احذري عصفور في اليد خير من عشرة علي الشجرة زوجك اهم من المشاعر والكلام الفاضي طنشية

 

[روز..]

ابدا لاترررررررررررررردي عليه اصلا ليه تردي خلاص انتهت علاقتكم ببعض وبعدين لاتقولي لخطيبك اي شئ

 

[نضوج أنثى]

حبيبتي الايميل الغيه من اساسه وايميل يجي غيره مليون اهم شي راحتك قولي لزوجك انا بغير ايمييلي عشان هالإنسان وانا ماخبيت عليك ولا كذبت اريح لنا من المشاكل او خلي زوجك يكلمه السالفه بسيطه فديتك

 

[رجة بس برزه]

يا حبيبتي خالاص نصيبك مع الانسان الي حبك وعوضك هذه احذفيه من حياتك واعملي له بلوك في قلبك وفي الياهو وفي كل شي يذكرك به وعيشي حياتك والله يستر عليك ويوفقك

 

[رجة بس برزه]

وياريت تخبري زوجك بعد ما تعمل للاول بلوك وتبدين حياتك بصراااااااااااااااااااحه

 

[Butterfly~]

مشكورين كلكم وربي ريحتوني
انا بجد حكيت لزوجي عن كل شي
وما احب اني اخبي عنه اي حاجه