موهبتي ....... هل تساعدني ,ساعدوني رجاء

[حبة رمل]

حبيباتي واخواتي ملكات بلقيس

محتاجه احد يفيدني . عندي موهبة الرسم والصباغه على الجدران والمكياج وحاليا ادرس ديكور

دخل زوجي محدود جدا.

حاولت استفيد من موهبتي واشتغل مع الاهل .بس للاسف كانوا يستغلوني يا برخيص او بعدم الدفع

احنا الحين في ضائقه ماليه وحابه استغل مواهبي

يا ريت تساعدوني مشكورات

 

[ربيعه]

ممكن تروحي لشركات الديكور اتوقع بتحصلي على عمل عندهم

والله يوفقك

 

[حبة رمل]

مشكوره اختي ربيعه على مشورتش

بس حابه استغل هالموهبه وانا بالبيت

انا مشغوله بالدراسه واليهال يعني وقتي ص

 

[أم خماس]

انتي من وين اختي

لو تعرضين بعض من اعمالج في قسم المركز التجاري

 

[أعيش بشكل صحيح]

حبة رمل احنا معاك ان شاء الله والله معنا جميعا

شوفي حبيبتي

اعطيكي افكار وانت شوفي وفكري بما يناسبك وممكن توحي لك بافكار ثانية:

طلعي لك جوال شريحة مو باسمك وجوال جهاز رخيص وجيبي كروت صغيرة واكتبي او اطبعي اسمك ورقمك : مثلا ام فلان واكتبي الشغلات اللي تتقنيها وهي على سبيل المثال :
تنفعي تشتغلي زي الخطاط والرسام .. عني تسوي وسائل ايضاح .. منشورات وبروشورات وتوزعي كروتك في المدارس بمختلف انواعها من الحضانة وحتى الثانوي

وكل طالبات العيلة يسووا لك دعاية وتديهم كروت يوزعوها على صاحباتهم

وكمان تكتبي في الكرت الرسم على الجدار وتوزعي كروتك على دور الحضانة والروضة والتمهيدي .. تلاقي عندهم طلب على رسم الجدران وبعض المسشتفيات في قسم الحضانة
وتدي كروتك للمدرسات في المدارس على انك تسوي مكياج بسعر معقول والتجربة خير برهان

ردي لي خبر بما استفدت به وبما يمكنك عمله

بالتوفيق

 

[حبة رمل]

ام خماس

اعيش بشكل صحيح

مشكورات خواتي على الطله الحلوه

انا الحين مخططه على مشروع الرسم على الجدران

ومتفقه مع وحده من الاهل انها تساعدني في البدايه

برسم لها في بيتها واهي تروج لي

مشكوره مره ثانيه اختي اعيش بشكل صحيح على افكارش الحلووه

 

[وحده معرسه]

يارب توفقك

 

[om.ahmad]

موفقه عزيزتي..

ممكن تسيرين مدارس..وتعرضين على المعلمات..أعمالج..أو موهبتج..

الله يوفقج يا رب..

 

[كونتيسة]

اهلا بك اختي حبة رمل ممكن تسوقين منتوجاتك او رسوماتك في مول المنتدى بالاضافة في معارض في دولتك او محلات الديكور

 

[شاطي الأحلام]

غاليتي

أقترح عليك وأنت بالبيت تتصلين على مدارس البنات
وتعرضين أعمالك على المعلمات

من تجربتي كمعلمه
مافي شي ينعرض على المعلمات إلايشترون

جربي ماراح تخسري

الله يوفقك بالدارين