موقف زوج وخادمه رأيته أمامي.. رأيكم يهمني!!

[سكون28]

السلام عليكم ورحمة الله وبركاته..

بقول لكم موقف شفته أمس في سوبرماركت.. اتمنى تعلقون وتعطوني رآيكم فيه..
وياليت تعذروني على كتابتي أن كانها ملخبطه..

صدق أنعدمت الغيره من قلوب الكثييييييير من النساء..
الموقف هو أني كنت أتمشى في السوق.. ولفت أنتباهي أن زوجه وزوجها يمشون وخلفهم خادمه معها طفل ذو 4سنوات تقريبا تدفه بعربية السوق..

الخادمه كانت لابسه عبايه فقط بدون حجاب.. الشعر مصبوغ أشقر ومخصل.. شكلها اندنوسيه أو فلبينيه.. بيضاء.. والشعر رافعته بشباصه جعل من شكلها قمه في الترتيب والحلاوه..
كانت تمشي خلفهم وتدف عربية الطفل.. وكانت الزوجه تلتفت عليها كل شوي هي وزوجها.. تستشيرها في أدوات للمنزل.. وتطلب منها أختيار المناسب!!!!!!!!!!
هذا في بداية الممر..
رحت للمر أللي جنبهم اتفاجأت بأن الزوجه صارت تدف عربية الطفل وراحت بعيد.. والزوج مع الخدامه يسألها ويستشيرها والوجه بشوش!!!!!! يقول هذا تحتاجونه؟؟؟ هذا عندنا مثله؟؟!!!!!!!!.................
وش ذالمياااااااااااااااانه..

لحقت بالزوجه وقلت لها بأدب:
لو سمحتي هاذي خادمتك؟؟ قالت: نعم!!!!!!!!!!!!!!!
قلت كيف تخلينها مع زوجك لوحدهم ويستشيرها في اللي تحتاجونه؟؟
ردت علي وهي واااااااااااااثقه من نفسها وبعد وهي تجر عربية طفلها رايحه عني.. وش تتوقعون قالت؟؟

الله يهديها بس..
قالت الحمدلله انا وااااااااااثقه منهم.. وبعدين ماله التعقيد في مثل هالامور.. وأبعدت عني..


الصراحه: حتى لو كانت اي وحده منا واثقه في زوجها.. ماراح تثق في الشغاله.. لأنه إذا كان يمون عليها فالفأس طاح بالراس!!!!!!

مانلووووووووووووم سندريلا الأندنوسيه على أللي سوته.. إذا كنا نثق فيهم.. وتاركين كل شي في البيت لهم..فأكيد بياخذون راحتهم في بيوتنا وفي عيالنا وأزواجنا...

كثير من شاكلة هذه المرأه لاتنتبه ألا عندما يحدث لها شي.. أو تشاهده بعينها..

وش رايكم بالموقف؟؟
هل أنا على صواب أم على خطأ؟؟

أنتظر رايكم أخواتي..

 

[رموش نمله]

الدنياااااااااااااااااااااااااااااااااا غرائب
ياما شفت وسكت لان نصيحتنا مالها داعي ماتاثر
زوجت عمي متكله علا الخادمه هي تقوم بكل شيء من طبخ ونفخ أما مرت عمي فقط نوم وتقوم وترتب عمرها بهالمكياج ولبس فقط حتا لبس العيال الشاي القهوه الرضاعه طفل الطبخ الغسيل الكوي 0000ألخ علا الخادمه
سدقين انا زايرتهم لسبوع الي فات وكنت جالسه مع عمي ( لهم من الأبناء 3 فقط أكبرهم 6سنوات يعني عمي لساته شباب) طلب عمي من زوجته القهوه الخاصه له طبعا رفعت تلفون سنترال وكلمت الخادمه تعملها
بعد دقائق أحضرت الخادمه القهوه اوضعته امام عمي وناولته الفنجال وخرجت
يعني الخادمه تعلم متا عمي يطلب القهوه لأنها علا طول جابه يوووووووووووووووووووو يعني زوجته مالها أهميه في البيت أبد فقط الفراش

الحمد الله علا نعمه

 

[بيالة شاي]

اااااااااااااااااااااه يالقهر

انا شفت من هالاشكال وااايد ...من فتره كنت موديه عيالي الالعاب ...وكنت واااقفه عند اللعبه اللي يلعبها ولدي انتظره ...وكانت جدامي خدامه فلبينيه لابسه بنطلون جينز ضييق وبودي نص كم ومسوي شعرها ذنب الخيل ولابسه كعب بعد ..وتنتظر العيال اللي في اللعبه ...لحظات الا ابو العيال جاي وجايب معاه كوفي له ولها ..ووقف معاها يضحكون حق العيال ...بالله عليكم تلومون الرجاااال ...ايحس انها اقرب من الزوجه ...انقهرت وانتظرت تظهر الام ولكنها ماجات ...اعتقد انه مطلع العيال مع خدامتهم ..

 

[(*Fai*)]

خل ثقتها تنفعها اذا شافته وياها على وعلى سريرها بعد !!!

يعني شهالثقه الزايده عن اللزوووم!!!!!!!واللي مب في محلها اصلاً

الحين الريال ينخاف عليه من البنات اللي برع وممكن يشوفهم مره او ثنتين بس
هذه معاه طول اليوم وهي اللي تسوي له كل شي يبيه وتلبي احتياجات البيت
ماينلام اذا خان مرته معاها او حتى تزوجها عليها ..

 

[saryalia]

استغفرك يا رب
والله هاذي يبيلها الخدامه تأدبها
عشان تعرف ان الله حق

يعني مافكرت ان هالشي حرااااام
استغفرك يا رب ناااس غااافله

انا سايقنا مسافر وعلى هذا احتاج شغالتي تجي معاي بيت هلي وزوجي يوصلنا ماخليها تركب السياره

اخليها ترجع البيت تجلس تنظف افضل من انه تجي معاي.

مااافي غيره لو في غيره على دينها وزوجها ماردت جيه.
عصبت:crazy:
:nosweat:

 

[حبة شوكولاتة]

والله العظيييم يا سكون 28 موقف انا عشت بعض ايامه مع ناس من جماعتنا وحدة عاشت معاها شغالة وكان بينها وبين زوجها علاقة وكانت عارفة وعلى مراى ومسمع من الزوجة وكنت كل ما اكلمها واقول لها ما ادري كيف صابرة تخلي وحدة زوجك يحبها كانت ترد وتقول بس مستحيل يتزوجها شغالة عيبة في حقه ومستحيل يسويها قدام الناس كلها كم سنة ويكبروا الاولاد واسفرها وينسوها الاولاد وابوهم وعلى كل حال انا صاحبة القيادة في البيت وعلى هذا الحال تقريبا والله العظيم 15 سنة وبعدها اتزوجها الرجال ولمن قالوا عياله يا ابويه شغاله قال كلنا عيال تسعة وقلت لها مش كل مرة تسلم الجرة !!!!!!!
والله يهدينا ويورينا الحق ويرزقنا ويوفقنا لاتباعه




















































1111

 

[الآمال الكبيرة]

استغفرك ر بي وأتوب اليك ..................
أختي فيه كثير من النساء من نوعية أختنا لزوم البرستيج
حتى لما أروح المطاعم والمنتزهات اشوف الخدامة لابسة أحلى عن الزوجة وتلاعب الاطفال وتعلق مع الزوج والزوجة :no:
بس جرئتكك عجبنتي يمكن بيصحيها شوي:icon30:

 

[آمال > | <]

الحمدلله ، الله يعافيهم ولايبتلينا
اجل انا معاتبة شغالتي ليش تلعب على بنتي وهي معنافي السيارة
الحين ماشيلها تجلس في البيت

حفظنا الله وكفانا شرهن وذرياتنا آميييييييييييين

 

[حبة شوكولاتة]

والله العظيييم يا سكون 28 موقف انا عشت بعض ايامه مع ناس من جماعتنا وحدة عاشت معاها شغالة وكان بينها وبين زوجها علاقة وكانت عارفة وعلى مراى ومسمع من الزوجة وكنت كل ما اكلمها واقول لها ما ادري كيف صابرة تخلي وحدة زوجك يحبها كانت ترد وتقول بس مستحيل يتزوجها شغالة عيبة في حقه ومستحيل يسويها قدام الناس كلها كم سنة ويكبروا الاولاد واسفرها وينسوها الاولاد وابوهم وعلى كل حال انا صاحبة القيادة في البيت وعلى هذا الحال تقريبا والله العظيم 15 سنة وبعدها اتزوجها الرجال ولمن قالوا عياله يا ابويه شغاله قال كلنا عيال تسعة وقلت لها مش كل مرة تسلم الجرة !!!!!!!
والله يهدينا ويورينا الحق ويرزقنا ويوفقنا لاتباعه

 

[رماني]

حبيباتي ترى الثقة الزايدة تعمي البصر والبصيرة وراااح يعملوا اللي يبون وهي غافلة عنهم .

 

[اتعبني حبيبي]

الحمد لله الذي عافانا مما ابتلى به كثير من الناس..
يعني معقوله هذي مافيها غيره ابدا
اذا كانت واثقه من زوجها على قولتها(مع انه مافيه رجال بها الدنيا ممكن تثقين فيه)بعد هي واثقه من الخدامه؟؟؟؟؟
يمكن هي على نياتها..وبلاها ماقرت قصة السندريلا وماتعرف سوالف الخدامات
الله يحفظنا ويحفظ ازواجنا من الخدامات..

 

[سونيتا]

سبحان الله انا من يومين كنت بسوبر ماركت ولا أشوف واحد مع شغالته ويتسوقون للبيت مع بعض ولا زوجه ولا شي تخيلوووو وربي انقهرت قلت شنو هذاااا معقوله يا اخي ارسلها مع السايق او جيب زوجتك تشتري الاغراض ....بعض الحريم يرفعون الضغط ومن قلب على هالبرووووووووووووووود ...!!!!!!!!

 

[حلم الأمومة]

بعض الحريم يرفعون الضغط ومن قلب على هالبرووووووووووووووود ...!!!!!!!!

الله يهديها ..
ما اظن بتنفعها الثقة لا صار ما صار :no:

 

[حصووص كلها فصوص]

الله لايورينا مانكره اللحين الدنيا مالها امان وشلون عاد هالمغفلات تصرفاتهن مع شغالاتهن وثقتهن العمياء

 

[sensation]

الله يهديها ويبعد عنها الشر يارب


والله انا اخاف من الشغالات وخصوصاً بأول الزواج


الله يساعدنا ونقدر نبعدهم عنّا يارب

 

[الحياه ملل]

الصراحه اني رايي مستحيل اخلي روحي في هالموقف

والحمد لله ان زوجي مايحب الخدم ولااني احبهم ومستحيل تدخل بيتي خدامه حتى لو اثق في زوجي الثقه العمياء

ويسلمووو ع الموضوع

 

[امل الحياة]

استغفر الله ..اي ثقة اللي تحطهااا بوحدة غريبة جاية من بعييييد ماتعرف شنو اولها وشنو تااليها
الله يعااافينا ولا يبتلينااا ..

 

[الأقدام الباردة]

لا حول ولا قوة إلا بالله العلي العظيم
خلي ثقتها تفيدها

الله يستر

 

[ريانيه قطر]

الله يكفينا الشر ويبعد عنا البلاء وحده من صحباتي قالتي انه في وحده مع زوجها في نعومي ومعهم خدامتهم اللي اكشخ من المعزبه فلبينه شعرها حرير لين نصف الفخذوالروج الاحمراتقولين هذي الزوجه مو الخدامه وطبعا الزوجه من النوع اللي لازم خدامتهم تكون كشخه :crazy:المهم اللي ماينبلع انو الزوج يأشر للخدامه غلى قميص احمممممممممممر تقول وايييدحلو وانه اشتراه للخدامه:icon28:والمعزبه صوب القمصاااااااااااااان مناك بعيييدمخليته هالشيفه تسرح وتمرح معه
:shutup:

 

[سحايب مطر]

الحمد لله على نعمة العقل
طيب وش تسوين اذا عرفتي ان واحد على علاقة (نوم) مع خدامتهم كيف تعلمين زوجته بنفس الوقت ما ودك تخربين حيانهم عليهم لان بينهم اولاد وعشرة وحب ؟