موضوع ضروري ما يتأجل .فديتكم"

[أحبــك]

السلام عليكم يا احلى بلقيسيات :22:

المهم عزيزاني عندي مشكلة مسببه لي ارق بصراحة
وياليت ألقى الحل أتمنى من كل قلبي
..
انا تقريبا لي سنة متزوجة بس المشكلة الين الحين ماني قارة اقول لزوجي
حبيبي ومن هالكلام اقدر اكتبه بمسج اما مباشرة مره ما قدرت احس الكلمة ماهي راضية تطلع والله حاولت وحاولت مافي فائدة تذكر ..الله يسعكم ابغى حل

 

[الشغف]

ليش حبيبتي مو راضية تطلع بالعكس اتقولين صار لكم سنه متزوجين
ولا تبينها تطلع من وحدة ثانيه غير زوجته يالله خلج عن الدلع ولا
تنحرجين من أشياء عاديه وتقبلي مروري

 

[ريــم الفــلا]

والله سنه وايد
المفروض حاجز الخجل انكسر من زمان
لازم تجبرين عمرج فالبدايه
وبعدين بتتعوديين مع الوقت
بس لازم تبدين تكسرين هالحاجز لازم
ما يحتاج اقولج عن تأثير هالكلام ف النفسيه
واعرفي ان الريال مهما ثقل يحب يسمع هالكلام مثلنا يالحريم
شدي حيلج واتشطري وخلي هالكلام ايي منج احسن ما يدوره في مكان ثاني

 

[أحبــك]

وااه خوفتوني تخيلوا يدور بمكان ثاني والله العظيم وودي بس الحيا عندي مره معذبني
انا الحين ببيت اهلي لان ولادتي قربت واهو بعيد عني ..ادق عليه وش اقوله بيقول انجنت هالبنت فجئة تقول حبيبي

 

[يابعدي ياأنا]

مشكلتناا يالعرب والخليج بشكل خااص
نعتبر التعبير عن المشاعر عيب او قلة حيا
من حنا صغار ..!!
يالله الوحده تتزوج تجر الكلمه جر لين تقولها ..~
ياليتكم يالامهاات تنتبهون بهذي النقطه..
حياتي الله يوفقك خلي كلامك عسل
لانك تملكين كلمات حلووه طلعيها لزوجك وحلالك ولك
الوااحد كم مره بيعيش ..؟
^_~

 

[يابعدي ياأنا]

وااه خوفتوني تخيلوا يدور بمكان ثاني والله العظيم وودي بس الحيا عندي مره معذبني
انا الحين ببيت اهلي لان ولادتي قربت واهو بعيد عني ..ادق عليه وش اقوله بيقول انجنت هالبنت فجئة تقول حبيبي

من قال كذاا ..!
بالعكس بينجن علييك
جربيهاا باحلى لحظه لك ^_~

 

[أحبــك]

حييييل متحمسة بجربها مع اني متردده شووي .رح ارد لكم خبر

 

[يابعدي ياأنا]

حييييل متحمسة بجربها مع اني متردده شووي .رح ارد لكم خبر

براافووا عليك
الله يسعدك^_~

 

[بسمة حزززن]

حبيبتي في البداية جربيها بالتلفون مووجها لوجه..عشان الخجل ينفك منك شويوحاولي تكرريهاكثيرررر

خلي عنك الحياء مووووووقته ابببببببببببببببد:39:​

 

[أحبــك]

وااااه لحقوا علي ماني مصدقة والله ماني مصدقة قلتها مسسكين يحزن جلس خمس دقايق مو مستوعب

يقول مو متأكد من جد هذي زوجتي من جد انجنن مره وحدهـ والله ما اتخيلت زي كذا

لو تشوفوا شكلي وانا اقولها بتموتون من الضحك مغمضة عيووني كأنه قداامي ,,بس اول مره

 

[عذراء المشاعر]

كلش شي عادي حبيبتي .. بس يمكن تعودتي ان تكتبينه في المسج آنه راح اقولك طريقة خلك ماسكة التلفون وكتبي الكلام ذي وسوي نفسك تقرين مسج او شي في التلفون ويمك زوجك وأكيد بيسمعك هي بس كبداية لج ليما تتعودين

بالتوفيق​

 

[حنين احمد]

سنه فترة طويله
بسطي الامور و جربي و حتى لو كانت صعبة في البداية حتتعودي بعدين
بالتوفيق

 

[أحبــك]

اييه عارفه
طووويله بس حسستوني اني مقصره بحقه ..بحاووول وان شاء الله بتسير سهلة وتطلع دون ما احس فيها

 

[بسك دلع]

اي كثري من هالكلمات حبيبي عمري حياتي عنوني قلبي فديتك على الله تلحقين معه

 

[ابي اراضيه]

مشكلتي نفس مشكلتك بس الفرق بينآ .. انو انا مخطوبة وانتي متزوجة ..
بس الحمد لله أنا حآولت مع نفسي الين قدرت .. اقولها . بديتها بمسجآت .
والحين اوقات اقولها بس مو بآستمرار في التلفون .. وقاعده آحآول اصير للآحسن
وآجرأ نفسي .. وآكسر حآجز الحيآ .. لآيطفش ولد النآس مني .
عقبال ماينطق لساني لخطيبي ولسآنك لزوجك بكل كلمة حلوه .. تفرحهم وتبسطهم وتسعدهم .
تحيتي لك

 

[بووسي]

مبروك ياقلبي ما تقولي قولتيها

الحمدلله عقبال ما تصير وجه لوجه>>>>>>ينصحون الناس وينسون انفسهم

قلبي لي 6 سنين نادرا ما تتطلع بس اكتبها كل يوم بمسج

 

[الملاحه]

حبيبتي قوليها مرة وبعدين بتشوفينها بروحها تطلع يالله سيري الحين دقي عليه وقوليله حبيبي اشتقتلك

 

[أحبــك]

بصرااحة ماني عارفة اشلوون اشكركم والله ساعدتوني كثييير..اخت بووسي حراام عليك لا تحرميه والله اهوو ما كان يقول ليش ما تقولي لي كلام حلوو ؛بس لمن قلت له بس كلمة حبيبي طار عقله

الله يسعد كل اللي ردوا علي ويهني كل وحده مع زوجها او خطيبها..

 

[ريــم الفــلا]

ههههههههههه
الله يوفقج حبيبتي
يالله نباج المره اليايه تقولينها فيس تو فيس:7:

 

[اشراقه جديده]

براافو عليك ومع الوقت راح تتعودي
موفقه