موضوع خاص فيني للمتزوجات مو مشكله بنات بعد

[ريماسي]

السلام عليكم بدخل بالموووضوع وهو اختي الاكبر من متزوجه طبعا المهم اذا جت عندنا تجلس اسبوع او اسبوعين او احيانا شهر تجلس ضيفه لاتهش ولا تنش تقول انا ضيفه ماتسوي شي بالبيت حتى اذا كلت من الاكل تقول اكرمكم الله يعني صدقت انها ضيفه واذا عزمنا احد في بيتنا ماتسوي شي ابدا انا الي اصب القهوه واوزع واشتغل انا واختي الي اصغر مني تساعدني ومره ماكنت بالمجلس الي فيه الضيوف قالت لي بالصاله صبي القهوه وانا جلست شوي قامت اهي راحت للمجلس و صبت القهوه لهم المهم انا دخلت يوم شفتها قلت بنفسي يوووووه الحين بتهزءني بتقول وينك ورا ماصبيتي واجي اصب معها بالدله الثانيه طبعا انا طبعي خجوووووووووووووووووله بالمره وهي مشاء الله جريئه حتى اني استحي اصب القهوه المهم يوم راحو الضيوف جت تهزئني تقول لامي بناتك باردات مايصبون للضيوف جالسين بالصاله ورا مايجلسون بالمجلس معنا تقول لامي اذا جلسو بالصاله وديهم للمجلس غصب عليهم وقالت الضاهر انا الي بصب القهوه قلت صبي موب ناقص من قدرك مادري ليه ماتتعاون معنا يابنات بالرغم انها هي عند الناس تشتغل موب سناعه ولا احترام لا عشان يمدحونها اذا رحنا عند احد تصب وتشتغل وعندنا لا وحتى عند حمولتها تسوي لهم وتطبخ لهم تبيهم يندحونها وداااايم تمدح في خالتها تقول خالتي طيبه قلبها ابيض وتقول خالتي طبخها حلو وخالتي ماتتكلم في احد وتجيها ايام تقولنا خالتي سوت كذا وتقول كذا اقول هاذي الطيبه وتمدح بخوات زوجها تقول هاذي جسمها حلو وهاذي مملوحه بالرغم يبنات بدون مااستهزء بس اقول الصدق مااشوف المدح هذا ابد يعني مااشوف هالصفات كيفها احيانا اناقشها اقول لا عادي جسمها واحيانا اسكت اقول كيفها الناس اذواق وعالعموم انا ماحقدت على اختي عادي ونسيت بس انها جرحتي حييييييييييييييييل ماتتصورون جلست ابكي دايم تهزئني مادري وش ارد عليها مشكلتي اني حساسه ابكي ماقدر ارد ربي معطيها الجرئه تقدر تسولف وتصب القهوه اما انا خجوله استحي حتى مااسولف بالمجلس اجلس ساكته وانا مااحب اجلس كذا اطلع ابرا اجلس مع البنات احسن من اني اجلس متفرجه شورو علي كيف اتعامل معها

 

[كلايدي]

وش دعوة شالاخت هذاا بيت ابوهااا ...

انا ما اروح حق اهلي الا كل 15 يوم والله يشهد علي توني هالسبوع اللي طاف سويت لهم العشى كله ... بصراحه استحي اروح بيت هلي وانا جالسه وحاطه رجل على رجل وكفاية اني انحرج من ولدي ومشاغبته ... مع انوو اهلي عادي دايم يقولو خليه هذي هم الاولاد يكبروا ويعقلووا ...

الله يهدي اختك بس .... ويرزقك بالزوج الصالح اللي يحبك

 

[جنون بيبي]

الله يهديها اختك ....

 

[MOOOM]

حبيبتي انتي والله قسم تذكرت اختي نفس اسلوبك
بطلبك طلب وابيك تسمعين كلامي انا من جد تعاطفت معك
والله انا نفسها اجي عند اهلي ابي اتدلع مابي اطبخ ولا اشتغل صج
عند الحموله نكرف وننذخ قدامهم بس انتي مثل اختي حيل حساسه
انتي الصغيره ولازم تقهوين هي ترى مهمتك ماهي مهمته ان اشتغلت طيب منه
واذا ماشتغلت عندها موررر مشغوله فيها وتجي تمدح حمولته تبي تفضفض
وتكلم عندكم واذا تكلمت تعبر عن مشاعره بس اختك شكله توه متزوجه
واخذي اختك على جنب قوليلها ليش تكلمين معي بهالسلوب تعتبرك اختك الصغيره
وانتي لاتنزلين دمعتك على شى مايسوي
والله اول من ينجرح لاصارفيك شي لا فدر الله اختك
وسسسسسسسسسسسسسسسلام

 

[ذكراها بقلبي]

طبع اختك غريب حتى بيت اهلها ما تهش ولا تنش!!!!!!!

 

[ريماسي]

مشكورررررين على الردود ابي تفاعل وش تنصحوني؟